شاطر
استعرض الموضوع السابقاستعرض الموضوع التالي
26052018

إجهاد العين بيسبب أزمة كبيرة لنا كلنا، وللأسف النوم لوحده أحيانا مابيكونش كافي لتخفيف الإجهاد ده، ومع الوقت ممكن الموضوع يتطور ويأثر على قوة النظر ويسبب مشاكل تانية أكبر.

هنا شوية نصائح وطرق عشان نحمي عنينا ونخفف من آثار الإجهاد عليها..

أولا:
- لازم نتجنب الأماكن اللي فيها غبار أو دخان بأكبر قدر ممكن، كمان أشعة الشمس القوية لازم نتجنبها، نظارة الشمس هنا ضرورة قصوى.

- الإضاءة القوية زيادة عن اللزوم كمان بترهق العين بعد فترة، حاولوا توصلوا لمستوى إضاءة متوازن ومريح في كل غرف البيت أو الشغل.

- العمل لفترات طويلة من أكبر أسباب إرهاق العين، لازم ناخد استراحة كل فترة ونريح عنينا وجسمنا كله عشان نقدر نركز.

- التركيز الشديد ممكن يخلينا ننسى نرمش بعنينا بمعدل طبيعي، وده غلط لأن كل رمشة للعين فيها فايدة كبيرة جدا.

- السهر أزمة حقيقية وأكبر مسبب لإرهاق وإجهاد العين، وبالتالي مش لازم نتعود عليه أبدا، وإذا حصل يكون استثناء مش عادة.

- الفاكهة والخضار ومنتجات الألبان والأسماك بتحتوي على عوامل غذائية بتفيد العين بشكل مباشر وبتقوي قدرتها.

ثانيا :
هنا شوية طرق طبيعية ممكن نعملها لو حسينا بإرهاق شديد للعين..

- لو حصل التهاب في طرف الجفن وظهرت نتوءات حمرا فكمادات المياه الساخنة للعين لمدة 15-20 دقيقة بتساعد على تهدئتها تماما والتخفيف من النتوء ده.

- اضربي بعض أوراق الكزبرة الطازة مع فنجان مية في الخلاط، واستخدمي المزيج ده كماسك لجفون العين.
- شرائح الخيار ممتازة لتخفيف من التهيج أو الحكة الشديدة.

- أما لو كنتي بتعاني من جفاف العين أو احمرارها فكمادات المياه الباردة حل مثالي للموضوع ده.

- انتفاخات العين ممكن تتعالج بأكياس شاي أخضر أو بابونج منقوعة لمدة 15 دقيقة في مياه باردة جدا.

وأخيرا.. لو أي مشكلة استمرت معاكي لأكتر من يومين تلاتة، يبقى زيارة الدكتور ضرورية جدا للاطمئنان وتدارك أي مشكلة لا قدر الله.
مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

لا يوجد حالياً أي تعليق

استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى