منتدى وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  مواضيع عامهمواضيع عامه  المجله  البوابةالبوابة  دخول  التسجيلالتسجيل  
شاطر | 
 

 ١٠ حاجات ممكن تعملهم لابنك اهم من انك تدخلة مدرسة دولية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كليوباترا
ملكه المنتدى
ملكه المنتدى


رقم عضويتك : 1
عدد المساهمات : 80807
الاوسمه :
العمل/الترفيه : طبيبه اسنان

29122017
مُساهمة١٠ حاجات ممكن تعملهم لابنك اهم من انك تدخلة مدرسة دولية


١ - وديه ٣ مرات british council في الاسبوع ، هيبقي بيتكلم انجليزي كويس احسن من ميس حسناء الي بتدرسله في المدرسة الدولية ،،

٢ - علمه قران ، هاتله واحد يحفظه او يعلمه ازاي يقرا الكتاب الي هيدخلك انت شخصيا قبله الجنه .

٣ - خليه يتعلم هواية ، بيانو ، جيتار ، رسم ، نحت ، بريك دانس ، باركور اي حاجة لما يتضايق يفكر انه يعملها ،

٤ - قوله " لأ " و صمم علي موقفك ، الموضوع ده مهم قوي ،
مش كل حاجة هو عايزها لازم تتجاب ، مش كل حاجة انت مش عايز تجيبها لازم تشرح السبب ، مش كل اما يعيط لازم يصعب عليك , " ممكن يبقي بيستهبل " ، سيبه هيعيط شوية و بعدها هيبقي راجل .

٥ - علمه انه ميعليش صوته ، من غير ما انت تعلي صوتك ، في المانيا تركب القطر ١٠ ساعات جنبك اطفال جميع الاعمار عمرهم في التاريخ ما عيطوا ، و لا قريفوا ، و لا كانوا عايزين يرضعوا ، و لا زمزقوا ، و لا اتكرعوا ، العيب فينا احنا مش في الطفل . هو بيسلك نفس سلوكنا احنا ،،

٦ - متقفش ابنك و هو بيعمل حاجة غلط عشان تذله و تكسر عينه ، و تقعد تقوله كل شوية :
" خارج مع محمد برضه - و لا خارج مع احمد صاحبك الكداب زي ما قفشتك و انت بتكدب عليا يا كلب يا واطي يا زبالة من ١٠ سنين "
لا ما اضربوا الواد بالرصاص اسهل ،،

٧ - اوعي تقول لابنك انت فاشل . حتي لو هو فاشل .
اوعي تقوله انت زبالة . حتي لو هو زبالة .
اوعي تقوله انت مال ياض جسمك عامل كده ليه ،
حتة لو هو فعلا جسمه عامل كده ليه بالذات لو صغير .

٨ -متقولوش متعليش صوتك " بصوت عالي " ،
متقولوش متكدبش و انت كداب ،
وبلاش تقولوا ماتكذبش ، قولوا بحبك صادق ،،
متقولوش صلي و انت مبتصليش ،
متقولوش ذاكر و انت بقالك ٢٠ سنة مفتحتش كتاب .

٩ - استغل اي مصيبة هو عملها ، عشان تقوله " متقلقش " انا فى ظهرك ، كسر كوباية ؟ " قوله يلا نشيلها بسرعة قبل ما ماما تشوفنا " او العكس ، حسسه ان مش كل الناس ضده .

١٠ -و دي الاهم - انك تصحي كل اليوم الفجر ، و تدعي في كل صلاة لولادك و ماتيأسش و تصر و تلح في الدعاء كل يوم ، كل يوم ، دي تكفي جدا ان شاء الله .
الرجوع الى أعلى الصفحة اذهب الى الأسفل
مُشاطرة هذه المقالة على: diggdeliciousredditstumbleuponslashdotyahoogooglelive

١٠ حاجات ممكن تعملهم لابنك اهم من انك تدخلة مدرسة دولية :: تعاليق

لا يوجد حالياً أي تعليق
 

١٠ حاجات ممكن تعملهم لابنك اهم من انك تدخلة مدرسة دولية

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى وصفات كليوباترا  :: قسم الأم والطفل :: الحمل والتربيه السليمه Pregnancy and children care-
انتقل الى: