شاطر
استعرض الموضوع السابقاستعرض الموضوع التالي
08122017
#مساء_الفل
#بوست_عنايه_بشعر_الاطفال_جميع_الأعمار :-
ماشي ف الصيدليه رايح جاي ..وعيني فجأة جت عالشامبوهات لقيت حاجه شدتني اوي . طفله جميله صغيره عندها تقريبا ٤ سنين واقفه ادام الشامبوهات ..
قمت رايح اشوف في ايه :-
قلتلها ازيك يا جميله ..بتعملي ايه يا حبيبتي بتدوري علي ايه أساعدك ف حاجه ؟؟
⬅️قالتلي عاوزه شامبو لشعري ..قلتلها بس كده عنيا ...
قلتلها بصي يا جميله الشامبو المناسب لعمرك هو ده ..ده شامبو Sebamed ..ده مناسب من عمر ٣ ل ٥ سنوات...وبنستخدمه مرتين ف الأسبوع .
⬅️قالتلي يعني ده كويس يا دكتور ؟؟
قلتلها اه ممتاز لانه شامبو غير قلوي ومش بيحتوي علي حاجه اسمها  Sodium Lauyl sulfate .ودي حاجه وحشه عشان كده هو امن يا جميله علي فروه الرأس .
⬅️قالتلي طيب لو حابه بقي استخدم زيت لشعري؟هتعرف تقولي علي زيت كويس استخدمه لشعري !!
قلتلها بصي هنستخدم واحد من الزيوت دي زيت لوز او زيت خروع او زيت سمسم والأحسن زيت حبه البركه .كل ٣ ايّام مره واحده بس ..
بتوزعي عالشعر وتعملي مساج لمده ربع ساعه ونسيب الزيت علي شعرنا لمده ٤ ساعات وبعد كده نغسله بالشامبو ....ولما تنشفي خالص ممكن تحطي كريم مرطب زي بالمرز بجوز الهند..
⬅️قالتلي اشمعني بقا زيت حبه البركه ؟؟؟
قلتلها عشان ليه فوائد كتير :-
_بيرطب فروه الرأس كويس اوي ومش بيبقي في جفاف فيها.
_بيسرع نمو شعر قوي وبيقتل البكتيريا الضاره ف فروه الرأس .
 ⬅️قالتلي ميرسي اوي يا دكتور. طيب معلش اخويا الكبير عنده ٨ سنين عاوزه شامبو وزيت حلوين ليه ؟؟؟
قلتلها بصي من عمر ٦ سنين ل ١٠ سنين:-
*الشامبو المناسب اسمه Strovia
_بنحط كميه مناسبه علي الشعر المبلول مع التدليك ونترك من ٣ ل ٥ دقايق ونشطف الشعر بمياه فاتره مرتين ف الأسبوع .
⬅️قالتلي طيب والزيت ؟؟؟
قلتلها هيستخدم زيت جور الهند ممتاز جدا لعمره لانه :-
_بينعم الشعر الخشن ويخليه ناعم ولامع.
_بيرطب الشعر ويزود كثافته.
_لو في قشره راس بيضاء بيعالجها.
الزيت بنستخدمه كل ٣ ايّام مره واحده بس. ونسيب الزيت عالشعر مده ٥ ساعات مع عمل مساج للشعر ....
⬅️قالتلي شكرًا يا دكتور ..هروح اجيب من ماما الفلوس.
رجعت هي ومامتها وبعد ما عدت الكلام التاني ليها  ..نبهت مامتها اوي علي :-
متغسليش شعر طفلك اكتر من مرتين ف الأسبوع الا لو في قشره ف فروه راْسه هنا نقدر نخليهم ٣ مرات ف الأسبوع وف حاله القشره زيت الزيتون هو افضل حاجه .
لو في عقد ف شعر طفلك فكيها الاول بإيدك قبل ما تسرحي بعد كده نستخدم مشط أسنانه عريضه ونسرح من أسفل لأعلي.
التغذيه السليمه مهمه جدا للأطفال زي منتجات الألبان .
⬅️قالتلي متشكره اوي يا دكتور ومعلش بنتي دوشتك انا عارف ..قلتلها بالعكس ربنا يحميها يارب  
______________________________________
#يمر_اسبوع :-

نفس البنوته القمر جت الصيدليه بس المره دي مع عمتها اللي لسه واضعه بيبي عمره شهر ..وجابتها عشان تاخد شامبو وزيت ليه
⬅️بعد ما اتكلمنا وسلمنا ..اتكلمت مع عمتها قلتلها بصي من عمر شهر لغايه ٦ شهور نقدر نستخدم شامبو Mustela .
افضل بكتير من جونسون اللي بيسبب جفاف للشعر...
طيب ليه ال Mustela :-
⬅️ال Mustela بيحتوي علي مكونات طبيعيه زي بيرسيوس الاڤوكادو ومستحضر الكاموميل ودوّل ليهم دور في :-
_ترك فروه الرأس نضيفه ومنعشه. واحداث توازن لل PH لفروه راس الطفل ..وكمان سهل التشطيف وده بيخلي الشعر سهل عند التسريح .
⬅️بعد الاستحمام بقي نستخدم زيت حبه البركه وده زيت مفيد جدا جدا وطبيعي بيرطب فروه الرأس وبيساعد علي نوم هادي للمولود.
⬅️وممكن كمان زيت جونسون مسحات خفيفه جدا بتدي رائحه جميله وف نفس الوقت ترطيب .
________________________________________
قالتلي جميل اوي يا دكتور. طيب عندي اختي تانيه. بنتها عندها ٨ شهور. يستخدم نفس الحاجات :-
⬅️قلتلها بصي من عمر ٦ شهور لغايه سنه. هنستمر اه علي ال Mustela ..بس هنغير الزيت. ونستخدم زيت خروع وده فوائده :-
_بيقوي بصيله الشعر .
_بيرطب الشعر ويخليه صحي ولامع.
_بيطهر فروه الرأس وبيخلي نمو الشعر صحي وسريع ..
⬅️وخدي بالك قوليلها تستخدم مشط خاص للأطفال مَش نفس مشط للكبار. لان البكتيريا بتتنقل من فروه ل فروه وده بيأثر جدا عالطفل.
______________________________________
طيب اخر حاجه يا دكتور معلش ..عندي أخت تالته بقي عندها بنتها سنه و٨ شهور. تستخدم ايه ؟؟
⬅️قلتلها من عمر سنه ل سنتين الشامبو المناسب برضه Mustela ..بس هنا بقي لو هنستخدم زيت هيبقي زيت لوز حلو بنستخدمه قبل غسيل الشعر ب ٤ ساعات عالاقل مع التدليك لفروه الرأس بأطراف الصوابع ونتركه مده اقصاها ٤ ساعات وبعد كده نغسل بالشامبو ..وبعد غسيل الشعر تجففه بال Johnson baby oil .
⬅️علي فكره زيت اللوز الحلو بيحسن الدوره الدمويه لفروه الرأس وبالتالي بينتج شعر أقوي.
وكمان بيزود لمعان الشعر .
خلصنا كلامنا بالبوست الجاي هشرح منتجات Mustela كلها لانه لاين كبير مَش بس شامبو ...
 اتمني أكون قدرت أفيدكم ومنشنوا لغيركم اللي حابينهم يستفادوا ..باقي البوستات عن العنايه بالشعر والبشره هتلاقوها عالهاشتاج .
#دمتم_بالف_خير
#Waleed_Mokhtar
Waleed Mokhtar منقول من الفيس بوك
مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

لا يوجد حالياً أي تعليق

استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى