المتواجدون الآن ؟
ككل هناك 16 عُضو متصل حالياً :: 0 عضو مُسجل, 0 عُضو مُختفي و 16 زائر :: 1 روبوت الفهرسة في محركات البحث

لا أحد

استعرض الموضوع السابقاستعرض الموضوع التالي
07122017
مصطلح بيستخدمه بعض الصينين القدامى للتعبير عن حالة التشتت اللي بتصيب العقل البشري.
باختصار هم بيشبهوا حالة التشتت اللي موجودة في العقل بغرفة موجود فيها قرود كتير عمالة تتنطط من شجرة لشجرة ومن مكان لمكان، بالظبط زي ما بيحصل لما تكون بتفكر في حاجات كتير اوي في نفس الوقت ومالهاش علاقة ببعضها وممكن يكون مالهاش لازمة اصلا ولا مناسب انك تفكر فيها حاليا. مش بس كده، أنت كمان بتقعد تعمل سيناريوهات مستقبلية وتفكر في كوارث ممكن تحصل أو حصلت بالفعل في الماضي.
بمعنى أصح حالة من الفوضى العقلية بتصيبك!!
ونتيجة لعقل القرد ده، بيكون من المستحيل تقريبا التمتع بالحاضر وكل السلبية دي بتؤثر على مزاجنا وتجعلنا غير راضين، غاضبين، لا نهدأ أبدا، وبنفضل نعاني من القلق اللي بيعوق قدرتنا على التركيز؛ وبيتعارض مع قدرتنا على التفاعل الإيجابي مع الآخرين.
متخيل معنى إن يكون فيه قرد في دماغك؟؟؟
طيب إيه الحل ؟؟؟
الحل هو ترويض القرد الموجود جوه عقلك!!
إزاي؟
ده من خلال خطوات هنقولك عليها:
1. أول حاجة لازم تعرفها إنك إنت اللي بتتحكم في عقلك مش هو اللي بيتحكم فيك، لما تقتنع بده هتقف على أول الطريق.
2. اتكلم مع عقلك، اسمع هو عايز يقولك ايه، امسك موضوع موضوع، ما تسمحش لعقلك إنه يخلط كل حاجة مع بعضها.
3. الزم عقلك بأن القرد ده يطلع فقط في أوقات معينة علشان تقدر تتعامل معاه، وده عن طريق إنك تحدد وقت معين كل يوم تقعد تكتب فيه اللي عقلك بيقولهولك، خرج اللي جواك على الورق، لما تشوف أفكارك أدامك هيكون أسهل انك تنظمها.
4. التأمل: وده من أفضل الطرق للتغلب على المشكلة دي. حدد ولو خمس دقائق يوميا تقعد فيهم مع نفسك وتتأمل وتتفكر في خلق الله وبديع صنعه.
5. ما ترفضش الواقع وتنفصل عنه: ويمكن النقطة دي من أكتر الاسباب اللي بتخلي القرد ما يهداش، وهي انك تكون منفصل عن الواقع ورافض اللي بيحصل.. صالح نفسك!
6. احفظ آية من القرآن أو بيت شعر أو حكمة ما تكون حاسس إنها بتفرق معاك أوي، وأول ما القرد يشتغل قولها، واحدة واحدة هتحس الموضوع بقى زي التعويذة Very Happy
7. بص بعينك واسمع بودانك كويس قبل ما تاخد قرار أو تتكلم، صدق اللي بتشوفه وبعدين تسمعه مش اللي بتسمعه فقط.
8. اشغل نفسك وعقلك، ما تسيبش نفسك للفراغ، لأن الفراغ بيصحي القرد.
9. تنفس بعمق وبانتظام، وحاول أنه يكون هواء نقيا، تنظيم التنفس هيفرق معاك كتير أوي.
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق

لا يوجد حالياً أي تعليق

استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى