المتواجدون الآن ؟
ككل هناك 27 عُضو متصل حالياً :: 0 عضو مُسجل, 0 عُضو مُختفي و 27 زائر :: 2 عناكب الفهرسة في محركات البحث

لا أحد

استعرض الموضوع السابقاستعرض الموضوع التالي
02102017
انا جمعت الحاجات اللي ندمت عليها وناس ندموا انهم عملوها في تشطيب شقتهم قولت اكتبها ف بوست منفصل ..واللي عنده حاجه يضيفها برضه عشان نستفيد ..
- بلاش حمام رخام
-بلاش اسود ف المطبخ
-بلاش مط ف الارضيات والسيراميك مش بيبان فيه النضافة
-بلاش جبس بورد غير صحي بيلم تراب وعنكبوت
- الابتعاد عن الابيض والاسود في الحمام
- وش المعجون لازم يتعمل قبل تركيب السيراميك عشان البهدله
-خلاط الحمام يكون طويل
-تأسيس التكييف مع تأسيس الكهربا ضروري
-بلاش باب الوميتال للحمام
- بلاش بورسلين صيني بيفك مع الوقت
- بلاعة المطبخ مهمه
-قعدة الحمام تكون معلقه افضل
-صرف الغسالة غير صرف حوض المطبخ يكونوا مختلفين
- بلاش رخام ف المطبخ اسود
- ورق الحائط ملوش لازمة وبيفك مع الوقت او يتخدش ويخرب
- العفش الكبير قرف
-الشبابيك الخشب مأساة
-الشبابيك الصغيرة ملهاش لازمه
-بلاش صالون مدهب
- بلاش ستاير غامقة
-بلاش حيطان فيها نقشات بارزة بهدلة ف التنضيف
-بلاش تربيزة تلفزيون منخفضة
-بلاش سجاد شاج
-الجيبس بورد مقفول افضل
-بلاش سجاجيد فاتحه او سجاجيد كبيرة وتقيله
-النجف مهم جدا
-سلك الالوميتال يكون طري ونضيف عشان يعيش وميصديش
-بيبان الغرف ميكنش فيها ازاز بيتكسر علطول
-حوض كبير وحنفيه عاليه ف المطبخ مهم جدا
-شبابيك مفصلي افضل من الجرار
تعديل :
الالوان الاسود والابيض معروف انهم بيبان فيهم اي شوية تراب واي بقع غير باقي الالوان محتاجين تلميع طول الوقت عشان كده نبعد عنهم ف المطبخ والحمام انا بتكلم ف الالوان العمليه لكن هواة التلميع طول الوقت معندهوش مانع وهو الاسود ف العموم شيك وفخم
بالنسبة للشبابيك افضل حاجه الالومتيال المفصليي يتفتح كله معاكي اسهل ف التنضيف والتلميع
بالنسبة للارضيات الماط انا عاملاهم ف الغرف مشكلتهم بس بيبانوا طول الوقت انهم مش نضاف ومجيرين
بابا الالومتيال بتاع الحمام بيتخلع ويبوز مع الوقت وصوته مزعج كمان فالافضل بابا عادي ويدهن عازل للماء حتى لو قشر معاكي وده طبيعي مع الوقت تاخديه وش دهان وبس لكن صيانه بابا الالومتيال صعب
الرخام مع الخوض ف الحمام بيلم مايه طول الوقت ومش هينشف
معاكي ابدا
القعدة المعلقة صحية اكتر وهتوفر تنضيف خصوصا لو المكان ضيق
انا عندي ورق حائط ف البيت اي خدش او خبطه ملهاش علاج ومع الوقت بيفك بوجود الاطفال
السجاد الشاج هيتعبك ف التنضيف خصوصا لو مكان اكل هتلاقيه معشش رز
كلامي مش معناه انه كلهم غلط يتعملوا الفكرة انهم مش عمليين وصعب التعامل معاهم عشان اهم حاجه ف البيت انه يكون مريح لصحابه وعملي
منقول من الفيس بوك
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق

لا يوجد حالياً أي تعليق

استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى