منتدى وصفات كليوباترا دخول

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ

خطر بيهددنا احنا واولادنا فى صحتنا وفى نجاح اولادنا

شاطر

07012011
خطر بيهددنا احنا واولادنا فى صحتنا وفى نجاح اولادنا

الخطر ملازمنا فى بيوتنا اما فى اعراض مرضيه او اجهاد وبيقدر ياخد اى شكل
الحسد او النظره وده ياجماعه مرتبط بصحه العيله وح تعرفوا السبب حالا
انا ياجماعه كنت وانا طالبه كنت ببقى مجهد جدا ومكنتش بقدر اذاكر وكنت دايما اتاوب بطريقه غريبه وخصوصا عند بدايه الصلاه وما كنتش فاهمه
يا رب نخرج من الموضوع ده فاهمين ونفهم غيرنا وح احكى لكم الحكايه دى
قابلت واحده زميلتى وكانت تعبانه جدا ووشها اصفر مع العلم انه نشيطه جدا سالتها عن السبب قالت انها تعبانه ومبتقدرش تعمل مجهود وان ضربات قلبها سريعه وانها عملت قسطره على القلب ومفيهاش حاجه وانها خايفه احسن يكون عندها حاجه وحشه وح تعيد القسطره تانى
كنت انا عنيت شويه بنفس الاعراض فقلت اجرب معاها قلتلها انتى بس محتاجه تترقى وفعلا قرات عليها الرقيه الشرعيه لو عايزنها ابقى اقولهالكم لحظت طول ما انا بقراها وعينى بتدمع وكانى ببكى انا ما كنتش عارفه السبب لكن عرفت بعدين بعدها بكام يوم اتصلت علشان اطمئن عليها واشوفها عملت القسطره ولالا قالت لى ان من ساعه ما رقيتها وهى بفضل الله كويسه ورجعت طبيعيه وده بفضل الله سبحان مسبب الاسباب
عايزين نسال انفسنا
ايه سبب الاكتئاب اللى عندنا باستمرار
ايه سبب احساسنا بالخنقه وان احنا مش طيقين البيت
ايه سبب تراجع اولادنا دراسيا
ايه سبب ان اولادنا دايما بتمرض ايام الامتحانات
ايه سبب عدم اتمام معظم الزيجات او الخطوبات لاتفه الاسباب
ايه سبب معظم المشاكل الزوجيه اللى من اتفه الاسباب
ايه سبب معظم التفكك الاسرى ومعظم حالات الطلاق
ايه سبب بكاء الطفل بدون داعى وعدم استجابته لاى شخص حتى امه
ايه سبب ان ابنك يطلع من الامتحان يلاقى نفسه فيه اسئله ما شفهاش
ايه سبب الخناق فى البيت بين الابناء بدون سبب والله اخواتى مسكوا لبعض السكاكين
ايه سبب لما بيكون فيه فرح او مناسبه حلوه بتقلب بنكد
ايه سبب التثاؤب اللى بيلازمنا او بيلازم ولادنا
ايه سبب الاجهاد وضربات القلب السريعه اللى بدون سبب
ايه سبب النفخ والزهق والجبل اللى كانه قاعد على قلبك
ايه سبب الصداع المستمر
ايه سبب االلام الظهر العلويه والسفليه معظم الحاجات دى شفتها بعينى اقصدى مرت عليا
حاجات كتير بتقابلنا واحنا ما نعرفش سببها يا جماعه الحسد مالى بيوتنا كلنا بنبص على بعض ونتكلم عن النعم بدون ذكر اسم الله وبدون قصد دا حتى الانسان بيحسد نفسه
سببها ان احنا بننظظر لبعض بدون ذكر الله قال رسول الله صلى الله عليه وسلم ((الحسد يبرك بالجمل ويذهب بالرجل للقبر))
فالحسد انواع منها ان انت تتكلم عن حد او حاجه كويسه بدون ذكر الله قال تعالى ((فلولا اذ دخلت جنتك قلت ما شاء الله لا قوه الا بالله))
واخطرها تمنى زوال النعمه والعياذ بالله وممكن تؤدى الى الموت (سبحان مسبب الاسباب)
يالا يا اخوتى فى الله نعمل حمله للوقايه من هذا المرض اللعين وهوذكر الله عند التحدث عن اى حاجه جميله عن اى نعمه لنا او لغيرنا
عايزين ننشر (ما شاء الله -ما شاء الله لا قوه الا بالله -بسم الله)فالحسد هو اعجاب غير مقرون بذكر الله انشروها معى يا اخواتى وقانى الله واياكم شر الحسد فهى وقايه من هذا المرض اللعين
قال رسول الله صلى الله عليه وسلم (من سن سنه حسنه كان له اجرها واجر من عمل بها )
اما العلاج من هذا المرض بخطوات بسيطه
1- قراءه الرقيه الشرعيه ويا جماعه نقراها لانفسنا ما نطلبش من حد ان يرقينا لكن ممكن نرقى اولادنا
2-تعليم اولادنا اذكار الصباح والمساء والمحافظه عليها حفظيهم على عده مراحل علميهم عند التحدث عن اى شخص يقولوا ما شاء الله
3-المحافظه على الرقيه وقراءه سوره البقره على الاقل كل جمعه وقبل ما تروحى للطبيب اقرائى الرقيه اولا
4-قراءه ايه الكرسى والمعوذتين على الدوام
وعلى فكره لو الاعراض دى موجوده عند حد بشده يخصص ساعه يوميا لقراءه ايه الكرسى والمعوذتين
كفانى الله واياكم شر هذا المرض اللعين
ملحوظه لا تلجائى لاحد الا الله عز وجل اشتكى اليه ابكيله واترجيه والحى فى الطلب واطلبى منه انه يرفع عنك وتصدقى ولو بالقليل فان الصدقه تساعد على الشفاء قال الحبيب صلوا عليه (داوو مرضاكم بالصدقه)
ويا رب اكون نفعتكم ويا ريت التقييم علشان اخوتنا فى الله يقراؤه
منقوووووووووولا

تعاليق

ممكن لو سمحت تقولي لنا على الرقية الشرعية جزاكي الله خيرا
avatar
تسلم ايدك بجد و جزاكى الله كل خير على الموضوع المهم ده
انا الحمد لله وما شاء الله عشان ما حسدش نفسى متعوده كل يوم ارقى نفسى و اولادى بعد الفجر وقبل المغرب بأنى أقرأ عليهم
سورة الفاتحه
اول سورة البقرة
اية الكرسى
اخر ايتين من سورة البقرة
سورة الاخلاص 3 مرات
سورة الفلق 3 مرات
سورة الناس 3 مرات
( أعوذ بكلمات الله التامه من كل شيطان وهامه ومن كل عين لامه ) 3 مرات
الهامه هى حشرات الارض الضاره
الله يكرمكم يارب بجد موضوع فووووووووق الرائع يارب يبعد عننا الشر جميعا يارب
avatar
تسلم ايدك يارب وربنا يكرمك موضوع قيم جدا ويستاهل التقيم
صلاحيات هذا المنتدى:
لاتستطيع الرد على المواضيع في هذا المنتدى