شاطر
استعرض الموضوع السابقاستعرض الموضوع التالي
26122010
ــــــــــــــــــــــــــــــــــــــــــــــــــ ــــــــــــــ
ازاى تختبرى الكحل قبل ماتشتريه:ـ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

نيجى بأة لطريقة شراء قلمة الكحلــ
طبعا فيه مليون نوع اللى فى السوق
ولقيت انواع رخيصة جدا كمان نوعها حلو
الفكرة ان فيه اختبار بسيط اوى اتعلمته عشان اعرف لون الكحل دة واذا كان من الانواع اياها اللى بتسيح ولا لأ

الاختبار هو:ـ

تجيبى قلم الكحل اللى هتشتريه وتعملى بيه خط بالطول على ضهر ايدك

وتيجى بصباعك بالعرض على الخط اللى انتى عملتيه كأنك هتعملى تقاطع على الخط وكأنك هتمسحيه بس طبعا ماتحاربيش مع ايدك احنا مش عايزين الخط يختفى خالص يعنى

بعدين تشوفى بأة الخط اللى انتى عملتيه حصله ايه

لو الكحل نوعه كويس طبعا الخط مش هيتمسح تماما

الحاجة التانية ودى الاهم
ان الكحل لو من الانواع اللى بتسيح هتلاقى تقريبا كل لون الكحل طلع فى صباعك اللى انتى جربتى تمسحى بيه واللون هيكون راح خالص تقريبا
ــــــــــــــــــــــــــــــــــــــــــــــــــ ـــ
ازاى تخلى الكحل اللى بيسيح فى العين مايسيحش:ـ
ـــــــــــــــــــــــــــــــــــــــــــــــ

للى عندهم قلم كحل وبيسيح ودفعوا فيه كتير
تجيبى ولاعة وتكونى ماسكة قلم الكحل السن بتاعه لتحت كأنك هتكتبى بيه(الكوفيرات بيعملوا كده)
وتولعى الولاعة على السن بتاع القلم لمدة ثانيتين بالظبط عشان مايسيحش على الأرض ويبهدلك الدنيا
وحاولى تعملى كدة فى الحمام احسن عشان لو لا قدر الله نقط منك او اى حاجة
وبعد كدة هتلاقى الكحل بقى سايح اوى
تفضلى ماسكاه دقيقة او دقيقتين على نفس الوضع والسن لتحت لحد ماينشف ويمسك تانى

وكل ماتبرى القلم تعملى كدة
الفكرة من الطريقة دى انها بتبخر اى مية فى الكحل فتخليه الى حد كبير أنشف ومش بيسيح
ـــــــــــــــــــــــــــــــــــ

مجمع للأفاده
مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

avatar
موضوع روعه تسلم ايديكى يا قمر
avatar
فكره كويسه بس انا عندى سوال لو القلم ناشف وصعب انك ترسمى به اعمل ايه مجهود رائع
avatar
منوراني يا حبيبتي
بس والله مش عندي فكره عن الموضوع ده ودورت عشان اشوف اجابه للسؤال ده وملقتش
ممكن حد من الاميرات لو عنده خبره يفيدنا في الموضوع ده
ومنوراني دايما يا حبيبتي
avatar
يا عالمعلومه
حلوه جدا
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى