استعرض الموضوع السابقاستعرض الموضوع التالي
26122010
السلام عليكم

بجد بجد وحشتونى حبايبى

انا بقى عيزاكم تساعدونى وتساعدوا كل البنات فى موضوع بجد مهم اوى وهو ان فى بنات فترة خطوبتها بتوصل لسنتين او اكتر وممكن سنة وممكن اشهر وفى حاجات كل يوم بتطلع وانتم عارفين بقى النظام الام تفضل تخزن كل حاجة ادامها لبنتها لحد يوم جوازها بس طبعا انتى بتبقى محتارة لو جبتى حاجة دلوقتى يمكن قرب جوازك موضتها تروح وهكذا انا بقى عيزاكم تقولوا معايا ايه الحاجات اللى ممكن نعينها ونشتريها قبل الفرح يجى اكتر من سنة ومش تبطل وايه اللى مكن تبوظ من الركنة لحد الجواز وايه اللى ينفع يتخزن ويبقى احسن لو اتخزن بدرى يعنى مثلا طقم الشاى هو هو طقم الشاى بتاع السنة دى زى بتاع السنة الجاية ولا هيقدم وموضته هتروح طيب ملايات السرير بتهيقلى ملايات السرير مش بتقدم ولا موضتها بتروح طيب والبلاستيك كدة فهمتونى وطبعا من الحاجات اللى مش ينفع تتعان المكياج لان ليه صلاحية انا بديكم امثلة بس انا بجد الموضوع ده مهم عندى ولبنات غيرى وكمان ايه الحاجات اللى تبدأى بيها تجهزيها فى ناس بتبتدى بالمفروشات وناس بالنيش وناس بالبلاستيك كدة شوفوا معايا وتعالوا نرتب ايه الحاجات اللى ينفع تتعان بدرى وايه الحاجات الضرورية فى الاول عشان نخلص منها ماشى وتسلموا حبايب قلبى وطبعا اكتر ناس هتفيدنا اللى اتجوزوا وعندهم خبرة وياريت يفيدونا بالحاجات اللى كنا بنسمع عنها كويسة وطلعت وحشة وقدمت وباظت وتعبتها وطبعا يشمل كل حاجة سواء اجهزة معروفة وطلع فيها عيوب فناخد خبرة مش نجيبها وايه الحاجات الحلوة اللى تنفع تتجاب زى مثلا ايديال زانوسى الغسالة بيقولوا ان الايطالى هى اللى حلوة القديمة يعنى لكن اللى موجودة الوقت مش حلوة خاااااااااالص وهكذا ياريت تشتركوا معايا فى الموضوع ده يا احلى اميرات
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق
الموضوع تحفة جدا

اولا البلاستيك هتية قرب الجواز لانة ممكن يبوظ

انيا البرفنات لو حاجة عجباكي هتيها لما بتتخزن بتكون احلي

وحجات الكهرباء كلها هتيها ف الشهر الي هتتجوزي فية احسن

بوصي السنة الي هتتجوزي فيها بالضبط تبداي تجهزي كل حاجة لان
كل بنوتة بتتجوز بتاخد الموضة بتاعتها
وكل سنة الموضة بتتغير وفية حجات مش بتتغير

لاكن كل واحدة بتاخد نصيبها
ف السنة الي هتتجوزي فيها جهزي

واللبس هاتي لبس البيت الاول واشتريية كبير شوية عليكي

علشان بعد كدة لو تخنتي ولا حاجة
لاكن لبس الخروج
اشتريهم ف الشهر الي هتتجوزي فية

علشان اللبس بيتغير

الخروج بالذات

انا هتجوز ف السنة دي وبجهز من دلوقت اشتريت حاجة المطبخ كلها وشوية من النيش ولبس البيت خلصتة لسة الخروج

فية اقطقم شاي مش بتتغير لانها بتكون وقورة بتكون سعرها عالي وخامتها نظيفة
وبتكرر كل سنة
زي الطقم الي جيباة
جميل جدا
والتيفال هكذا زهران والتركي جمال انا جايبة التركي
حلو اوي
والمفارش بيطلع اشكال جديدة لاكن مش فارقة المفرش الحلو بيفضل حلو اي حاجة تعجبك اشتريها

نيجي للثلاجة كريازي معفنة وحشة عندنا ومش حلوة
الرف الاخير عندنا زي الفريزر بيبوظ الاكل والخضار والرف الي تحت الفريزر بارد ومش بيسقع الحاجة
وفيها عيوب كتير وكل الكريازي كدة فعلا فيها عيوب
في انواع تانية احسن منها
والغسالات وايت ويل بيشكرو فيها جدا
ماشى يا كوكى انا معاكى فى كل حاجة واللى انتى تشوفيه تسلميلى اما انتى يا عيون القلب يسلملى مروك هى فعلا كريازى الوقت غير زمان خالص بس مش عارفين اى تلاجة حلوة تجيبيها وانتى واثقة اما بخصوص الحاجات التنية دى انا هبدأ اعمل زيك يا قمر واى حاجة تجيبيها تقوليلنا ماشى Very Happy
avatar
يا بنات ثلاجة توشيبا ما شاء الله تحفة انا جربتها فى بيت ماما كام سنة وجبتها فى جهازى بقالى سنتين وجبناها لاخوية الشهر ده تحفة ومنظمة من جواها وشكلها حلو اوى
avatar
woow ana kol yom bktsb 7`bra mnkom 3an al yom aly 2blow yarab dyman n7`od r2y ba3d w dayman yarab ll27san ya cleopatra
ها فييييييييييييييييين باقى الخبرات فين الستات اللى متجوزة انا عايزة اسال عن الطقم التشيكى ايه رايكم فيه وكمان الكوفرتات الفيبر شكلها تحفة وكمان مميزة كدة انا سمعت انها ب 500 جنيه عايزة الاراء تمطر عليا وقولوا بقى خبراتكم فى كل حاجة تخص العروسة انتى فين ياكوكيه انتىوتوتة مش انتم متجوزين فين بقى الحاجات اللى ريحتكوا فى بيتكم بعد الجواز وايه اللى مش نشتريه ملوش لازمة وكدة مستنية هيه يلا :roll:
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى