منتدى وصفات كليوباترا دخول

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ

10 علاقات غلط احذريها

شاطر

30032016
10 علاقات غلط احذريها


10 علاقات غلط وواحدة صح:

العلاقة (1): العلاقة اللى تحس فيها انك متكتف:
مشاعر متكتفه، احلام متكتفه، حب متكتف، سعادة متكتفه
لما يبقى شريكك عايزك تفضل فى قالب معين ماتخرجش عنه

العلاقة (2): العلاقة اللى تحس فيها انك متكدر:
الاصل فى العلاقة هى السعادة
بس لما تبقى الحياة كلها نكد وتكدير، فالحياة بتتعاش مرة واحدة بس .. فكر تانى

العلاقة (3): العلاقة اللى تحس فيها انك مضطر:
مضطر تكدب، مضطر تخبى، مضطر تيجى على نفسك، مضطر تصدق حاجة مش عايزها
مضطر علشان ورقة او عيل او وضع إجتماعى خايف يروح منك

العلاقة (4): العلاقة اللى تحس فيها انك محتاج:
محتاج حنان، محتاج حب، محتاج مشاعر من حد تانى غير نفسك
محتاج فلوس، محتاج جنس، محتاج اى حاجة من شريكك وعندك إحساس انك عمرك ما هاتلاقيها فى حد غيره
بتكلم هنا عن "الاحتياج" ودا اكيد غير مشاركة المشاعر دى مع شريكك
بتكلم عن الاحتياج كنقطة ضعف بتستغل من الطرف التانى

العلاقة (5): العلاقة اللى تحس فيها انك خايف:
لو مش حاسس بالامان فى العلاقة يبقى انت مش فى علاقة

العلاقة (6): العلاقة اللى تحس فيها انك عجوز:
لما شريكك يحسسك بالعجز مهما كان سنك
لما تحس انك روحك عجزت وماعدش عندك حاجة جديدة تقدمها لشريكك او فى حياتك
لو العلاقة مابتدبش فيك الروح علشان تطلع احسن ما عندك، فكر انت كنت دخلت العلاقة ليه من الاول

العلاقة (7): العلاقة اللى تحس فيها انك ضعيف:
ضعيف الشخصية، ضعيف الارادة، ضعيف الثقة فى نفسك وفى احلامك
العلاقة اللى ماتقويش .. تكسر

العلاقة (8): العلاقة اللى تحس فيها انك مش مهم
العلاقة اللى دورك فيها ضيف مش اكتر
العلاقة اللى مهما قدمت فيها مابيعجبش
لو مش هايبقى ليك رأى فى حياتك، امال هايبقى ليك رأى فى ايه !!

العلاقة (9): العلاقة اللى تحس فيها انك بتخسر:
بتخسر روحك، بتخسر حياتك، بتخسر فلوسك
ممكن تتقبل ان فلوسك تضيع او تروح مقابل حياة سعيدة
بس اكيد لو مش حاسس بالتقدير من شريكك هاتفكر الف مرة

العلاقة (10): العلاقة اللى تحس فيها انك بتعد صوابعك وراه:
فيه فرق بين الشك والغيرة
بتشك يعنى بتعترف ان فيه مشكلة فى العلاقة حتى لو كان الطرف التانى برئ .. مجرد الاحساس نفسه اقصد
العلاقة اللى كلها شك .. بتعور

العلاقة الصح هى العلاقة مع نفسك اللى بيها تقدر تقيم اى مشكلة موجودة فى العلاقة وتقدر بيها تاخد القرار اللى انت شايفه صح سواء هاصلح او هتمشى
كل العلاقات الانسانية بيبقى فيها مشاكل بنسبة ما .. بس احنا اللى بنختار نصلح ايه ونسمح بإيه وقد ايه

عيش سعيد
منقول من الفيس بوك

تعاليق

لا يوجد حالياً أي تعليق
صلاحيات هذا المنتدى:
لاتستطيع الرد على المواضيع في هذا المنتدى