avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 84015
الاوسمه :
العمل/الترفيه : طبيبه اسنان
19022016
الطريقة ‫#‏المُثلى‬ لإنهاء أي ‫#‏حوار‬
* لو الحوار ‫#‏سياسي‬: تقول "يلا.. ربنا يولي من يصلح" وتهز دماغك في آخرها وأنت بتحرك دماغك للناحية التانية كأنك سرحت في مستقبل ‫#‏البلد‬..
* لو حوار ‫#‏ديني‬: هتستنى يخلص أي جملة وتقول بعدها على طول وأنت بتحرك أيدك قدامك بمعنى الكلام خلص
"أيًا كان.. في الآخر الواحد بيقول الحمد لله على نعمة الإسلام وكفى بها نعمة" وتقعد تقول "الحمد لله.. الحمد لله" كتير وأنت بتهز دماغك، وبتحرركها يمين وشمال لغاية ما كل اللي قاعدين يقولوا " ‫#‏الحمد_لله‬"..
* لو الحوار ‫#‏إجتماعي‬: تقول بشكل قاطع
"بص.. هو محدش عارف الخير فين" هيكمل كلامه تروح مقاطعه بشكل أكثر قوة وأنت بتخبط على وركه "محدش عارف الخير فين" ممكن تتبعها بـ" ‫#‏أستأذن_أنا_بقى‬" أو تطلع موبايلك تقلب فيه..
* لو حوار ‫#‏رياضي‬ أو ‫#‏فني‬: تستنى لغاية ما الصوت يعلى في الكلام وتروح قايل "أنت عارف الناس دي بتاخد كام " أي كانت الإجابة تروح قايله "طب على أيه بقى وجع ‫#‏الدماغ‬ ده.. فاهمني؟" لو كانت الإجابة " ‫#‏فاهمك‬" يبقى غالبًا هيقول جملة كمان ويسكت.. لو الإجابة غير كده تكرر الجملة تاني لحد ما يقولك "فاهمك"..
* لو حوار ‫#‏علمي‬ أو ‫#‏طبي‬: "احنا مينفعش نقول غير سبحان الله.. وما أوتيتم من العلم إلا قليلا" تقال مع مصمصة الشفايف عدة مرات..
* لو حوار بين أتنين في ‫#‏الميكروباص‬ وصوتهم عِلي: "صلو ع النبي يا رجالة.. احنا على طريق" وتكمل بجملة من الجمل ‫#‏السابقة‬ وفقًا لنوعية الحوار..
* لو أصلًا مش عارف الحوار ولا مركز مع اللي بيقوله:
بتعمل تكنيك هز الدماغ.. أول ما يكون بيقفل جملة تهز دماغك.. بس بطريقة الهزة اللي معناها إنك سامعه مش موافقه.. خمس جمل كده.. وبعدين تروح قايل بإبتسامة صغيرة ( ‫#‏ربنا_يسترها‬) لو لقيته بيبتسم معاك كمل الإبتسامة.. مبتسمش يبقى بتموت الإبتسامة بهدوء.. وتنفخ في الآخر..
مُشاطرة هذه المقالة على:redditgoogle

تعاليق

لا يوجد حالياً أي تعليق

صلاحيات هذا المنتدى:
لاتستطيع الرد على المواضيع في هذا المنتدى