زواج_الصالونات .... بجد مافيش كده تموت من الضحك  
هو: طبعا انتى عارفه هما سابونا لوحدنا وخرجوا بره ليه ؟ 
هى: 
هو: طيب  .. هو من المفترض انهم سايبنا علشان نتعرف على بعض .. بمعنى ان خلال ال20 دقيقه اللى هنتكلم فيهم نكون قدرنا نحدد بشكل قاطع اذا كنا هننفع لبعض ولا لأ  .. و طبعا مع إحترامى لـ معهد الدراسات النوعيه اللى انتى متخرجه منه  لكن ده قرار بيتطلب نسبة وعى و فراسه مش موجودين حتى عند علماء الفلك .. فهمتينى ؟ 
هى: 
هو: بصى أصل فى حاجتين انا بعرف أعملهم كويس اوى   .. ‫#‏النسكافيه‬ .. و إنى أبص فـ عين ‫#‏البنت‬ أعرف إذا كانت على طبيعتها ولا بتدّعى   .. وبما إن Reaction ثابت من اول ما بدأت اتكلم  .. وسانده ضهرك ع الكرسى   .. و ايديكى الاتنين مفرودين على رجلك اللى محققه زاويه قايمه وماتحركتش من ع الارض   .. فا انتى طبقاً لـ قواعد لغة الجسد مسيطره على ‫#‏جسمك‬ تماماً ومنعاه من انه ينطق لان غالباً لو جسمك اتكلم هـ يفضحك   .. وده مأثبتش غير حاجه واحده وهيه إنك مذاكره كدب كويس
هى: 
هو- طب نتكلم فى الجد بقى  .. للاسف لسه فى إحتمال ألبس الجوازه بعد كل ده .. فاخلينى أقولك على شوية حاجات تتلاشيهم لو لا قدّر الله حصل نصيب 
مش معنى ان أخوكى مصاحب شوية عيال سيس عايزين يوجبوا معاه فـ فرح أخته إنى ألاقى 10 جرابيع راكبين موتسيكلات  منهم 4 قالعين هدومهم وماشيين يزفونا وموقفين الشارع كله ورانا  .. وأسمع انا سب الدين مـ الناس كلها يوم فرحى بسبب حضرتك   .. على جثتى زفة الموتسيكلات دى ها ؟ .. ده أولاً  
ثانيا : أمك لو جت يوم الصباحيه و خدتك على جنب  و فضلتوا تتودودوا   هتاخدك معاها وهي ماشيه   .. كفايه رخص بقى  
ثالثا ..ماعنديش إستعداد أسمى بنتى نمهنتكرفهـار أو مصبتمكربهيـن  ولا أى اسم من الاسامى الصايصه دى .. بنتى هسميها على اسم حبيبتى القديمه  
هى: أرجووووك .. قولى ع الطريقه اللى عايزنى أرفضك بيها 
هو: حبيبة قلبى   .. هوا دا الكلام  .. بصى بقى .. سمعتى عن صلاة الإستخاره ؟
هى: 
هو: يجيلنا بكره بقى تليفون من الحاجّه والدتك  .. تقول لـ أمى انك بعد ما صلّيتى شوفتينى فى الحلم بطفّى السجاير فى جسمك   وانى شر ليكى . يالا اشربى العصير .. لسه معانا وقت تحكيلى فيه عن الواد اللى انتى مصاحباه وماجاش اتقدملك لحد دلوقتى .. يمكن اقدر أساعدك