المتواجدون الآن ؟
ككل هناك 19 عُضو متصل حالياً :: 0 عضو مُسجل, 0 عُضو مُختفي و 19 زائر :: 1 روبوت الفهرسة في محركات البحث

لا أحد

استعرض الموضوع السابقاستعرض الموضوع التالي
11112010
الأفوكادو نقاء البشرة
الأفوكادو ثمرة مفيدة جداً للبشرة؛ لأنها بتضيف حيوية ونضارة على البشرة وبترطبها وبتمنع الشوائب من إنها تدخل في مسام البشرة ، وتقدري تجيبي "الأفوكادو" من السوبر ماركت الكبيرة أو من منافذ بيع وزارة الزراعة..



ودي مكوّنات ماسك "الأفوكادو" للبشرة:
نصف ثمرة أفوكادو "طرية"
معلقة عسل نحل
مغلي زهرة الكاموميل "الشيح"

الطريقة:
قشّري ثمرة الافوكادو، وشيلي البذرة اللي فيها وخدي القلب بتاعها، واخلطيه مع العسل ومغلي الكاموميل، وحطي الماسك ده على بشرتك وسيبيه لمدة ساعة وبعد كده اشطفيه بالماء الفاتر.

ولو عايزة تعملي به حمام كريم لشعرك ممكن تعملي نفس الطريقة بنفس المكوّنات دي، بس تضيفي عليهم كمية من حمام الكريم اللي بتستعمليه، وتقدري كمان تعملي به حمام زيت بإنك تضيفي على نفس المكونات اللي فاتت مجموعة زيوت مغذية زي زيت السمسم وزيت الجرجير.

يعني ممكن بمنتهى البساطة إننا نعمل الماسك ونحط منه كمية على بشرتنا، وبعد كده نضيف على الجزء الباقي حمام الكريم أو الزيوت وتحطي منه على شعرك.

ملحوظة:
مغلي الكاموميل(البابونج) ده بتعمليه بإنك تجيبي زهرة الكاموميل وتغليها كويس أوي مع شوية مية على النار، والمية اللي بتطلع دي هي اللي بتستخدميها في الماسكات.

بالنسبة لثمرة "الأفوكادو" فلازم تكون طرية، ولو اشترتيها وكانت ناشفة شوية ممكن تسيبيها شوية بره الثلاجة علشان تطرى.
وبالتوفيق للجميع :flower:
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق
avatar
فى مشكله نجيب الافوكادو ده منين Very Happy Very Happy
avatar
من اي سوبر ماركت هايبر او كارفور او خير زمان اولاد رجب او من منافذ بيع وزارة الزراعة :flower: ان شاء الله هتلاقيه يا جميل
avatar
تسلم ايديكى يا قمر
تسلم ايديكي وجزاك الله خيرا ...............
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى