المتواجدون الآن ؟
ككل هناك 17 عُضو متصل حالياً :: 1 أعضاء, 0 عُضو مُختفي و 16 زائر :: 2 عناكب الفهرسة في محركات البحث

mrianawessa

استعرض الموضوع السابقاستعرض الموضوع التالي
12102010



كل ما الواحد بيقرب من الجواز بيقلق من حماته و بيتسائل هيتعامل معاها ازاى و لو اتدخلت فى حياتى هعمل ايه

الموضوع ده خطر على بالى قلت اجمع لكم بعض النصائح علشان تعيشوا حياه هانئه و مستقرة

اولا يا ستى حطى فى دماغك ان دى مامته و حاسه انك خدتيه منها , علشان كده حاولى تفهميها ان انت مش هتاخديه منها و ان بدل ما كان ليها ابن بقى ليها ابن و بنت

و هذه بعض الطرق لتتقربى من حماتك و تجعلى حياتك و حياه ابنائك اسعد:

1- تحلى بحس الدعابه يعنى ماتخديش كل حاجه على قلبك و كبري دماغك و مع الوقت هتلاقى الامور اسهل ان شاء الله

2- لما تلاقى حماتك بتنتقدك و ده بيحصل كتير اسمعيها شويه صغيرين و بعدين بطريقه سلسه و لبقه غيري الكلام يعنى قوليلها شوفتى يا ماما صور الاولاد او بصى الاولاد اتعلموا اغنيه جديده و خليهم يغنوا او قوليلها اى خبر فى حاجه هى مهتمه بيها

3- حولى الحاجات السلبيه لحاجات ايجابيه ازاى؟
بصى مثلا لما تدخل لو عملت اى حاجه خديها بمحمل كويس يعنى ماخدتش بالها ماتقصدش كده

4- خليكي صبورة و قللى من توقعاتك يعنى ما تتوقعيش ان اول ما تتجوزى الحياه هتبقى سلسه اكيد فى بدايتها هيبقى فى شويه صعوبات و ربنا يوفقك و تعديها

5- حاولى طبعا انك تحصلى على دعم جوزك فى الحصول على حب والدته و هو اللى هيكون لك العون ان شاء الله و لو حصلت اى مشكله اتكلمي معاه براحه و شوفوا حل لكن ماتعديش تقوليله مامتك عملت و كده لحسن القصه كلها ممكن تتقلب عليكي ساعتها و اهم حاجه فى الموضوع ده كله انك لازم تتعاملى بذكاء معاهم و ربنا يعينك

6-و فهمى جوزك برده بطريقه لبقه ان ديه حياتكم مع بعض و ان اى قرار لازم يبقى بتاعه و بتاعك و ان ماينفعش ان حد يتدخل فيه و طبعا هو راجل البيت ولازم يحاول يقرب بينك و بين مامته

7- اعرفى كويس انها مش هتتغير و حاولى تتعاملى معاها زى ما هى و فى نفس الوقت مش لازم تروحيلها كل شويه , خلى فى بينك و بينها مسافه

و بالتوفيق يا بنات


عدل سابقا من قبل نفرتيتي في 28.03.13 20:12 عدل 1 مرات
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق
طيب انا كنت مخطوبه بقالي سنتين ولسه الخطوبه مفسوخه انهارده بسبب حماااااااااااااااااااااااااااااتي و اخت خاطيبي واالله العظيم كنت بعمل للي بتقولي عليه و اكتر وياماااااا استحملت اخته و امه بس لما اخته كانت بتزعل مني كانت هي كمان تقلب عليا و كنت مبستحملش زعلهم و اروح اطيب خاطرهم و في الاخرمن اول مره قولتلهم ليه بتعملوني وحش قلبو عليا و خاطيبي كان معاياو يقولي اهل يمش فصدينك انتي بالاخص هماكده مع اي حد و رجعت استحملت تاني لغايه ما بقت حالتي في النازل و باباو ماما خافو علياجدا منهم و قالو احنا لسه علي البرو يحصل كل ده وخاطيبي شايفاني عندي حق عشان هو نفسه شارب منهم من زمان بس جد اناحالتي وحشه و كان نفسي نكمل مع بعض بس منهم لله و الحمد الله علي كل حاجه
ma3lesh ya paskotaya ana brdo ma5toba w 7mati w o5t 5atibi metala3in 3ini w mesta7melahom 3shan 5ater 5atibi w howa eli mesbarni w kont hasiboh kza mra bs rge3t fe klami isa rbna hay3wadek 5ir isa be wa7ed a7san meno milion mra isa
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى