شاطر
استعرض الموضوع السابقاستعرض الموضوع التالي
05102010

اجمل قصه حب حقيقيه محمود وايمان Empty اجمل قصه حب حقيقيه محمود وايمان

تقييم المساهمة: 100% (1)
انا جبتلكم قصه جميله قريتها وحبيت انقلها ليكم
للامانه هي مش من تأليفي بس منقوله

القصه حقيقيه وبجد تحفه عاوزه تفاعل جميله جدا جدا جدا

بتمني انكم تتابعوها معايا وتقولولي رائيكم ايه
الحلقه الاولي
مامى كلمتنى النهارده و أنا فى الكليه و قالتلى أن محمد ابن طنط انعام _ و انا مشعارفه محمد و لا حتى طنط انعام_ جاى النهاردة عشان يشوفنى و يتقدم لى
عشان كده ماما قالتلى ما بهدلش نفسى فى الشمس فى الكليه اوى و ارجع بدرى عشان العريس جاى الساعه سبعه و الحق اجهز
مش عارفه اول مره ييجى بيتنا عريس يتفرج
رغم ان اخواتى البنات متجوزين
يمكن عشان كل واحده فيهم كانت مرتبطه بعريسها قبل الخطوبه و كانت مجية اهله عندنا مجرد شكلياتانما انا طول عمرى رافعه شعار لا للارتباط
قولو عليا عسكرى بقه اى حاجه
لكن انا كنت شايفه انى لازم استني النصيب و ما فيش حد من اللى كانو عايزين يرتبطو بيا شكله نصيب خالص
شكلهم كلهم ناس عايزه تتسلى و انا مش بتاعة تسالى
المهم روحت و لقيت الشغاله قاعده تلمع فى طقم الفضيه الشهير و مامى بنفسهابتطلع طقم الشاى النوريتاكى من البوفيه لحسن البنت تدشه والاستعدادات شغاله على ودنه
مامى : نعم يا حبيبتى

ايمان : مين محمد ابن طنط انعام و عرفنى منين

مامى : ما يعرفكيش يا حبيبتى و لا طنط انعام كمان دى واحده صاحبتى لسه متعرفه عليها النهارده الصبح هاها

ايمان : اي ده يا مامى احنا حانهذر ازاى يعنى النهارده الصبح
مامي : و الله كنت عند التزرى باخد التايير بتاعى قابلتها هناك و بعدين واناباخد بنطلونك اللى كان بيضيق سالتنى انت عندك بنات قلت لها اه عندىالدكتوره ايمان فى اعدادى صيدله قالت لى طيب ممكن نتعرف عليكم عشان اناعندى ابنى اصمله عليه مهندس بترول فى السويس و ما بيجيش الا كل اجازه وهوه هنا و عايز يشوف بنتك

ايمان : يعنى من غير اى اساس كده يا مامى دى حتى ما تعرفش احنا مين و لا عيلتنا و لا اى حاجه

مامي : لا ماهو واضح ان الترزى كان مضبط معاها المعاد و قايلها علينا ده هوه اللى كلمنى النهادره و اصر انى لازم اروح اخد التايير
ايمان : ماشاءالله ده كمان خاطبه
مامي: يعنى اهو وسيله الناس تعرف بيها بعضها و مش حانخسر حاجه

ايمان : خلاص يا مامى انا حاجهز و اجرب الموضوع ده هاها انا حاسه انى داخله انترفيو فى الجامعه ربنا يستر بقه و ما فضحكوش

مامي: لا انشاء الله تعدى على خير


و جاء العريس مع امه فى الميعاد تماما
كويس انا احب المواعيد الكويسه
بس كان جايب شكولاته كوفرتينا
انا بقه ما بحبش شكولاته كوفرتينا دى ربنا يستر بقه
و طلعت قعدت مع الناس و حسيت انى داخله على جهاز اشعه مش على انترفيو بس
يعنى طنط انعام قعدت تقيسنى من فوق لتحت بالقلم و المسطره و هى بتبوسنىحضنتنى جامد اوى مش عارفه ايه السبب و كان فاضل بس تطلعلى البندقه اكسرهابسنانى
بصيت للعريس و قعدت استنى تحصل حاجه زى اللى باسمع عنها فى الافلام و القصص
ما حصلش اى حاجه و لا كهربا و لا اى حاجه
بس الظاهر هوه حصل عنده عشان كان مش على بعضه خالص و عرقان ع الاخر
رغم ان الجو كان جميل
حكالى عن ظروفه و انه قاعد فى السويس عشان الشغل و ان مرتبه كويس وانهعايز عروسه تعيش هنا و تستناه لما يرجع من اجازته كل 15يوم
كل ده و انا عماله افكر
يعنى الواحد بيتولد و يفضل مع اهله من قديم الزمان لكن ينفع يختار اهل كده مايعرفهمش و يعاشرهم لحد اخر الزمان معقول

المهم القعده خلصت انهم اعجبو بى خالص و انه نفسه ييجى تانى بكره لوحده من غير مامته يقعد معايا شويه
ماما وافقت و ودعناهم و نزلو
و بعد ما نزلو مامتى سالتنى ايه رايك
قلت لها يا مامى ده انا باخد وقت اطول من كده عشان اانقى فستان عايزانى انقى عريس كده فى ساعه سيبنى افكر لحد بكره


الحلقة الثانية
عدل محمود من رباط عنقه و تاكد من وجود اوراقه فى مكانها بالحقيبه قبل ان يذهب
لتناول الافطار مع والدته .


الام : صباح الفل يا حبيبى انت نازل بدرى النهارده .



محمود: ايوه يا ماما ادعيلى احسن النهارده اول مره ادخل سكشن و اشرح .


الام : داعيالك يا حبيبى و انت قدها و قدود و تاكد ان ربنا مش حايضيع تعبك .


يعنى معقوله المذاكره و الاجتهاد ده كله و اول دفعتك خمس سنين و تقلق من شويه


عيال فى اعدادى صيدله لسه جايين من المدارس الثانوى امبارح .


محمود: الطلبه بتبقى عندها ميزان حساس بصرف النظر عن سنها بتوزن بيه المدرس .


الام : و انت ان شاء الله تكون من الناجحين الموزونين ان شاء الله و اشوفك عريس يا


بنى يا رب .


محمود : ماشى يا ماما عايزه حاجه انا نازل .


الام : خليك كده كل ما نجيب سيرة الجواز تتهرب .


محمود : لسه يا ماما ما لقتش واحده تخطفنى و تخلينى احس انى لازم اقضى عمرى
معاها .
الام : يا حبيبى انت حاتتقدم و يحصل تعارف و بعدين ان شاء الله يحصل القبول .


محمود : نتفاهم بعد ما ارجع يا حبيبتى عشان انا لازم انزل سلام .


و قبل محمود امه و نزل و هو يفكر فى كلامها , هل من الممكن ان يتزوج بهذه الطريقه


ان يختار شريكة عمر وحياه لمجرد ان اهلها ناس طيبين و انها حلوه و ست بيت


بشهاده الشهود
لا احد يعلم ماذا يخبئه النصيب لكنه دائما يستطيع ان يتمنى التوفيق من الله .



دخلت ايمان الكليه ساهمه و سالتها منال صديقتها


منال : انتى مش طبيعيه النهارده يا ايمي.


ايمان : ايوه انا قلقانه اوى امبارح جالى عريس


منال : مبروك و اللى يجيلها عريس تقلق دى تفرح .


ايمان : ما هو انا ما حستش اى احساس بيه و خايفه اظلمه يعنى بس اعمل ايه .


منال : يعنى هوه لازم يكون حب من اول نظره .


ايمان : ما قصدش حب من اول نظره لكن ع الاقل ارتياح من اول نظره , وهو جاى


النهارده تانى .


منال : طيب اديله فرصه يمكن من تانى نظره .


ايمان : مش عارفه انا قلقانه و مش مبسوطه و صليت استخاره امبارح و يعنى


حاسه انى مش مرتاحه .


دخل الطلاب الى السكشن و كان عددهم قليل بعكس المحاضرات فتوفرت لحسام


الفرصه ان يراقبهم عن قرب


السعاده الممزوجه بالترقب و الطموح فى اعينهم و معها الفخر بالانتساب لكلية


الصيدله
فى جامعة القاهره العريقه لقد كان حسام احدهم يوما ووفقه الله الى كل ما حلم به


و بدأ محمود الكلام مع الطلبه و تعريفهم بمادته و بعد دقائق سمع قرعا على الباب


و ظهرت فتاتان متاخرتان عن الميعاد


و احتار ماذا يفعل هل يؤنبهما ام يتركهما تدخلان ام ماذا يفعل


ياه احداهما فى غاية الرقه و تبدو مثل الاطفال فى وداعتها و الثانيه متنمره و تنظر له


بتحدى
ووجد نفسه يقول : ايه اللى اخركم عن السكشن


ايمان : متاسفين يا دكتور ما كناش لاقيين المكان .


منال : معلش توهان اعدادى بقه .


محمود : احنا حانهذر يا انسه اتفضلى بره انتى و هى .


ايه يا محمود ليييه لماذا طردتهما ده اول يوم , يعنى كل اللى كنت بتعترض عليه فى حياتك زمان فى


الدكاتره بتعمله انت دلوقت لا حول ولا قوة الا بالله


و زاد احساسه بالذنب احمرار عينى الفتاه الطفله و اوشكت على البكاء


كان يريد ان يتراجع لكن هيهات خلاص دبح القطه و عمل سبع رجاله فى بعض يرجع


ازاى ؟؟؟


خرجت البنتان فى هدوء و خلفتا له شعورا بالذنب لا يوصف


بعد انتهاء السكش بحث عنها بنظره فى كل مكان و لم يجد لها اثرا


كان يريد ان يصالحها لكن هيهات ............



ايمان : انا عمرى ما حد احرجنى كده ايه ده ليه كده هوه الناس دى ربنا لما بيديها


سلطه ليه بس بتتجبر .


منال : انا مش عارفه و الله ايه الالاطه بتاعته دى هوه ما فيش حد غيره حلو و شيك .


ايمان : حلو و شيك ايه انتى كمان انا مش طايقاه و لا طايقه نفسى .




و عادت ايمان الى المنزل منهكه
ووجدت امها تذكرها بمقابلة المساء المرتقبه


يييه ماهى ناقصه اصلها


بصى يا مامى انا مش حاقابل حد اعتذرى له لو سمحت باى حاجه


الام : ازاى يا بنتى احنا حتى ما خدناش نمرته و بعدين الناس تقول علينا ايه .


ايمان: انا مش مرتاحه للموضوع ده و لا للشخص نفسه و مش عايزه اعلقه بى


اكتر, يبقى من دلوقت احسن ارجوكى يا مامى ما تغصبيش على .

الحلقة الثالثة

طبعا كالعاده انتهى النقاش بينى وبين مامى النهايه الحتميه الاكيده طلعت هى اللى صح ...وكانت وجهة نظرها انى لازم اديله فرصه و اقابله تانى و لو مره واحده بس عشان هو ما يتعييبش و دخله ممتاز و وسيم و و و وماما مش قادره تفهمني الشراره ما انطلقتش بيننا انا لما اشوف جوزى او اللى حايبقى جوزى حاعرفه من وسط مليون واحد ان شاء الله حاعرفه لكن يبقى قاعد على كنبة الصالون و ما اقدرش اتعرف عليه يبقى اكيد مش هوه ده وجاء محمد فى موعده و معه شنطة هديه كبيره نسبيا و اعطاها لىيا عم ما تزودش احساسى بالذنب بقه انا عماله احاول مش نافع خااالص وبعد الشاى و الجاتوه و المقدما تتكلم معى عن عمل المرأه وانه ممكن ما يوافقش عليه عشان انا حلوه اوى ( على حد قوله ) و حايخاف على حتى انى اخرج من بيته مين يا عم هوه انا اعرفك وكمان عن الست والدته و فضلها عليه و ان هى اللى قعدت تدور لحد ما لقتنىوشويه كلام مديح كان بيقطع فى عشان انا كنت حاسه خلاص انى اتخنقت الرسول عليه الصلاة و السلام قال : انظر اليها عسى ان يؤدم بينكماو انا مش شايفه انى قادره اتواصل معاه و مخنوقه منه من غير سبب و بعدين انا مصليه استخاره كذا مره من امبارح يعنى لو كان خير كان زمانى قابله اهو انتهت المقابله وانا على قرارى لن اراه مره اخرىحرام اجازته صغيره و انا بذلك اضيع عليه فرص اخرى ممكن ان تفوته كمان هوه صعبان على لسبب ما انا مش عارفه خايفه يحس انه فيه عيب او حاجه لكن الحقيقه هوه ما فيهوش عيب مجرد عدم ارتياح و بس وبعد مانزل قلت لمامتى و لبابايا كمان ان خلاص ما فيش امل و انا مش قادره اتواءم مع فكرة انى اقضى معاه عمرى كله و مامى قالت لى خلاص يا بنتى لما يكلمونا تانى نبلغهم بصنعة لطافه كده و خلاص دخلت الاوضه وبنت اختى و فتحت كيس الهديه و طلعته ااتفرجى يا مامىىىىايه يا بنتى ردت مامىشفت محمد جايبلى ايه طقم شاور جل و كريم و صابونـــــــــــــ طب ليه كده ده انا حتى لسه مستحميه النهارده الصبح فكرك لاحظ اى حاجه يعنى هاهاهااو راحت أمى هى الاخرى فى نوبه من الضحك و هى لاتصدق هذه الهديه صحيح انه ماركه معروفه و ممكن يكون غالى و متهرب كمان من السويس بس دى هديه حتى ما يجيبهاش واحد لمراته اللى بقالها عشرين سنه على ذمته و بعدها اتصلت طنط انعام و الده محمد لتسال عن امكانية حضورها هى و ووالده و اعمامه و كده عشان يقرو الفاتحه و لم تصدق طنط انعام نفسها عندما علمت برايي و كان ابنها جوهره و لا يمكن حد يرفضه وبعد محاولات مستميته للكلام معىتمكنت امى الحبيبه من اقناعها بعدم جدوى المحاوله وعندما تاكدت طانطى انعام .طلبت من ماما الهدايايا نهار ابيض هدايا ؟؟ دى هى هدية واحده بس . ردت طنط انعام و ما تنسيش الشكولاته و لما سمعت كده قلت ده و الله يستاهل الصابونااااااااه سبحان المنجى من المهالك انا كنت حاتجوز واحد عايز علبة الشوكولاته تانىو يا ريتها باتشى و لا باشنيل و لا حتى جواهرده كوفرتينا يعنى كان مصيرها ام سيد الشغاله تاخدهاو قمت من فورى و صليت صلاة شكر عميق لله ياه فات اسبوع على طردى من السكشن و كنت باتحاشى اقابل اللى اسمه د. محمود ده باى طريقه حتى لما كنت اشوفه فى الكوريدور كنت باعمل مش واخده بالىكرامتى يا ناس اتبعترت و كان السكشن ده عملى و تشريح كمان و دخلت السكشن و لقيت الدكتور محمود باصصلى اوى ومركز معايا فيه ايه بس يا عم ابعد عننا بقه ادينى جيت اول واحده اهه و ياريتنى ما جيت اول واحده كان في ضفدعة متشرحة من السكشن اللي قبلنا وفجاة قامت تنط وهي بطنها مفتوحة و حاجات طالعه من بطنها كتير كده فجاه لقيت الاصوات كلها بتبعد وصوت وش جامد و الوان داخله فى بعضهاو قلت لنفسى استنى كده يا بت جايز ما تقعيش لكن للاسف تقريبا وقعت أغمي علي..و بعد فتره لا يعلمها الا الله لقيت نفسى فى غرفة المعيدين بعيدا عن رائحة الفورمالين فى السكشن وداده من الكليه ماسكالى كباية ميه بسكر واغرب منظر ما توقعتش اشوفه ابدا....................د. محمود واقف قدامى مذهول و الدموع فى عينيه!!!
مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

avatar
حلو اوى يا نور بجد البنات بتحبب القصص اوى تسلم ايديكى
avatar
طيب واخر قصه دى ايه
avatar
ده اللى احنا متعودين عليه منك يا نور دايما متالقة
avatar
هيا فعلا قصة حلوة جدا بس للامانة انا قريت نفس السيناريو قبل كده باسم شيرين وحسام بس استمروا هيا فعلا قصه جميله جدا
avatar
يعني هي خلصت الاسامي يعني لما تخلوها محمود وايمان حرام الي بيحصل ده والله هههههههه
avatar
هههههههههههههههههه هههههههههههههههههههههه حماتي وحمايا اسمهم محمود وايمان ميكونش يطلعوا هما الي في القصه بس جابوا خطيبي امتي :lol:
avatar
في 06.10.10 9:46نور محمد عبد السلام
يارب يخليكي يا كليوباترا انا بحبك جدا وانا بحب القصص
دي اوي
بسمة محمد بسبوسه ايه ده عاوزه الاخر بسرعه شكلك
مش بتحبي الانتظار هنزل دلوقتي جزء من عنيا ياسكره

heba anter يارب يخليكي يا حبيبتي كلامك جميل زيك

rody88 تسلمي حبيبتي انا قرأتها وعجبتني جدا ومكتوب
عليها حقيقيه فقلت انقلهالكم لكن هي بالأسماء دي انا مش
غيرت حاجه وخليكي متابعه
يمكن تتغير ويشرفني انك تكوني معانا يا قمر

emanrefat في حاجه يا ايمي والله مش قصدي هي القصه
كده اوعي يكون حب قديم الغي القصه خالص بس انتي مش تزعلي


كاتي باتي ههههههههههههههه
انتي دمك سكره لكن قوليلي انتي حماكي معيد في صيدله
وحماتك عينها زرقاء مش مهم اكيد ليهم قصه حب
خاصه بيهم ربنا يوفقك وانتي خطيبك اسمه ايه عشان بس لو حبينا نضيف
جزء تالت لما يجيبوا اولاد نسمي اسم خطيبك ماشي


avatar
في 06.10.10 9:58نور محمد عبد السلام
الحلقه الرابعه
النهارده رايح السكشن الصبح وانا بافكر فى طريقه اراضى بيها البنات اللى طردتهم المره اللى فاتت انشاله حتى اعيدلهم الشرح
لوحدهم و فجاه لقيت واحده منهم قدامى .
و فجاه لقيتها ماسكه دماغها وعماله تترنح و فى ثانيه وقبل ما تقع ع الارض كنت ساندها .ايه الاحراج ده ....
الطلبه دخلو عليا لقونى ماسكها عشان ما تقعش و عمال انادى على الداده عشان اخدها بره بعيد عن الفورمالين
و مر وقت و انا باحاول ارش علي وشها كولونيا لحد ما بدات تفوق .
سبحان الله ملاك يا ربى
ايه ده يا عم محمود اجمد يا دى الاحراج فاقت وانا عمال ابحلق فيها ياخبر
ايه العينين دول ؟
دى عينيها زرقه رغم انها خمريه و شعرها اسود
ما شاء الله لا قوة الا بالله !!!!!
تقريبا كان شكلى اخر هبل لانها بمجرد ما شافت وشى قامت مفزوعه و لمت حاجتها و مشيت من غير و لا كلمه .
طيب بالنسبه للشخص اللى شال و تعب ده ما فيش اى شكرا .....
لا حول ولا قوة الا بالله !!!!
منال : حمدلله على سلامتك يا ايمي ايه اللى حصل يا بنتى .
ايمان : انا اخر حاجه شفتها ضفدعه بتنط و كل حاجه واقعه منها و بعد كده ما درتش ...........
منال : الا و دكتور هيركليز شايلك
ايمان : ياخبر معقول ... شالنى يا دى الفضايح
منال : مش شالك اوى يعنى هوه سند سعادتك كده و لما دخلو الطلبه كان حيرميكى من كسفته تانى فى الارض لولا انا و البنات سندناكى
ايمان : ده انا قليلة الذوق اوى انا حتى ما شكرتوش
كل اللى عملته لما شفته قدامى انى قمت جريت
منال : انت حاتفضلى طول عمرك قفل كده
ايمان : المره الجايه لما اشوفه حاشكره ان شاء الله
و خطت ايمان نحو سيارتها لكن كانت هناك عينان تتابعها من فوق
محمود: دى راكبه بى ام . دى بنت مين فى مصر دى
د.اشرف : دى يا سيدى بنت هشام الحديدى رجل اعمال و صاحب شركات
محمود : و انت عرفت منين يا اشرف
اشرف : مانا اعرف جوز اختها الكبيره معرفه شخصيه هوه كمان والده صاحب شركة ادويه و كنت ناوى اشتغل معاه قبل ما اتعين معيد فى الجامعه بس ايه عيله سقع و ابوها مش مخلى حد من بناته عايز حاجه
و فى طريق عوده محمود الي المنزل لم يستطع منع نفسه من التفكير فى ايمان التى كان قد عرف اسمها اخيرا
يعنى ابوها مليونير و جوز اختها صاحب شركات و انت تيجى ايه يا صعلوك عشان تفكر فيها
الله يرحمه ابوك كان موظف على قده و لولا انه سابلك العربيه دى اللى جابها بعد معاناه كنت زمانك راكب الاتوبيس زى غيرك و ما كانش حيلتك غير شطارتك و بس
و لولا مامتك و تشجيعها ليك طول عمرك كان زمانك ولا حاجه , دى فاكره ان العرايس حاتتحدف عليك عشان الشهاده و الشقه الايجار القديم بتاعتك
يعنى معقوله واحده زى ايمان دى ترضى تقعد مع امى فى شقتنا ...
ايه الكلام ده يا محمود انت زى ما يكون اتقدمتلها خلاص و فاضل موضوع الشقه ؟؟!!! اهدا كده الله يهديك .

و فى اليوم التالى ذهبت ايمان لمقابله محمود فى مكتبه و هى تقدم رجلا و تؤخر الاخرى من الخجل .
نظر اليها حين دخلت الغرفه و رفرف قلبه من السعاده ثم لاول مره بدا يلاحظ ملابسها و حذاءها المتناغم مع الحقيبه الجلديه و عطرها الرائع و النظاره الشمسيه التى تجمع بها شعرها من الامام
وللعجب تضايق ...
احس انها اقوى بغناها ومركز والدها ...
ايمان : صباح الخير يا دكتور محمود
محمود : صباح النور اى خدمه
ايمان : بس انا اسفه انا مشيت من غير ما اشكر حضرتك و البنات قالولى .....ا
رد محمود باقتضاب دون ان يرفع عينيه عن اوراقه : العفو ما فيش حاجه
ايمان : انا بس قلت واجب اشكر حضرتك و حامشى مش حاعطلك عن اذنك
وهمت ان تستدير لتمشى
فقام من مكتبه قائلا :
انسه ايمان انا برضه عايز اعتذر عن يوم ما طردتك من السكشن و لو عزتى اشرحلك اللى فاتك ممكن
ايمان مبتسمه : يا ريت احسن حقيقى مش فاهمه حاجه فى الاناتومى بسبب السكشن اللى ما حضرتوش ده
محمود : خلاص بكره انا ما عنديش سكاشن ممكن تيجى الساعه اتناشر لو فاضيه اشرحهولك
ايمان : اوكى اتناشر مناسب اوى و لو ممكن منال تيجى معايا
رد عليها من تحت اسنانه : اه طبعا امال ايه تتفضل
و بعد قليل فى الكليه :
ايمان : انا اتفقت مع د. محمود بكره يشرحلنا السكشن اللى فاتنا .
منال : ايوه يا عم ماشى يا ستى .
ايمان : انتى مش حاتيجى معايا و اللا ايييه .
منال : طبعا لاه انا ما حبش اكون عزول ابدا و بعدين خالد بكره حاييجى مخصوص يقابلنى .
عشان هوه ماعندوش حاجه بكره اكسفه يعنى ؟؟
ايمان: انا مش مرتاحه لخالد ده يا منال نظراته كده مش عاجبانى ابدا .
منال : يا بنتى كل الشباب بتبص سيبك انتى ده دمه خفيف اوى .
ايمان : ربنا يستر بس احنا جايين نتعلم مش نستخف دمنا و ده عايد السنه انا خايفه ياثر عليكى انت طول عمرك شاطره .
منال : و حافضل شاطره برضه ياستى ساعه لقلبك بقه و بعدين مانتى كمان رايحه اهه تقعدى مع الجو .
ايمان : من فضلك يا منال انتى صاحبتى بس بلاش الكلام ده احسن و الله ما تكلمش معاك.
منال : بس بس انت اتحمقت و وشك احمر ليه كده خلاص يا ستى انا باهذر معاكى .

و فى اليوم التالى وجدت ايمان نفسها تستهلك وقتا طويلا فى الوقوف امام المراه اكثر مما تعودت و تنتقى ملابسها بعناية
اشد من كل يوم لكنها لم تثقل من الماكياج اذ لم تكن بحاجه اليه
انها جميله و هى تعلم ذلك لكنها ابدا لم تكن مغروه بهذا الجمال .
و ذهبت للمكتب قبل ميعادها بدقائق و انتظرت بالخارج و اثناء انتظارها لفت انتباهها دخول فتاه من دفعة السنه النهائيه كانت راتها سابقا ، دفعها الفضول لتنظر من الباب
ازيااااك يا مودي
فوجئت بها تسلم بحراره على محمود و هو يبادلها السلام بقلق وينظر حوله كانه يخاف ان يراه احد .
الحلقة الخامسة
فى طريق العوده للمنزل لم تستطع ايمان التوقف عن التفكير فى محمود
هوه انا بحب محمود و اللا ايه ؟؟
ايه اللى ضايقنى اوى لما لقيت واحده بتسلم عليه
و بتدلعه وتقوله يا مودي انا مالى اساسا
طب هوه كمان كان مكسوف اوى و متضايق ليه انى شفتها معاه ؟؟
ايه يا ايمان تكونشى هى دى الكهرباء
انا بس بطنى بتوجعنى كل ما اكون رايحه اشوفه !!
هوه الحب بييجى فى البطن و اللا ايه ؟
بس بافرح لما باشوفه اوى
والحمد لله ان البنت دى كانت مجرد زميلته فى الدفعه سنتين قبل ما تخيب و تسقط و شكله مش طايقها كمان بس ليه هوه كان مهتم اوى يقولى انها مجرد زميله هوه بان على انى انا غيرانه و اللا ايه
بس الحمد لله ما فهمتش اى حاجه فى الاناتومى برضه
يمكن اضطر بقه اخد درس عنده و خلاص
بس هوه بيشرح حلو حسيت كده يعنى من
اخلاصه بس انا كنت مشغوله بيه هوه ايديه .......زى الفنان الراجل فعلا بيبان من ايديه
و عينيه ..........ليه لما بيبصلى مش بحس انه بيبص على زى كل الناس
لا بحس انه بيبص جوايا و ما بقاش قادره احول نظرى عنه و لا حتى قادره ابص له
يمكن هوه ده الحب اللى طول عمرى اسمع عنه من غير ما اجربه ..........
محمود:مش ممكن الزفته اللى اسمها هند دى ... انا مش مصدقها حقيقى يعنى
انا مشفتهاش من سنه تيجى كده زى القضا فى نفس معاد ايمان
هوه انا بحب ايمان و اللا ايه , ليه كنت خايف اوى تشوف هند عندى ....
بس هى بتغير و اللا ايه ؟ لا ما عتقدش دى بس ممكن تضايق عشان اديتها معاد و لقتنى مشغول
انا حاسس انى ما عرفتش اشرح لها و لا كلمه ,متلخبط و كل ما ابص لعينيها الاقى حاجه تشدنى و اتلخبط زياده و اتوتر ليه
ممكن يكون ده حب ؟؟
طب وهند كانت ايه ؟ لا يا محمود عمرك ما حبتها .
هى طول عمرها بتفرض نفسها عليك و انت
عمرك ما حسيت بيها
دخلت ايمان الى المنزل هائمه و قبلت امها ثم رن جرس الهاتف
منال : ايه الاخبار يا ايمى
ايمان : كنتي فين يا منال طول النهار انت مش قلتى خالد جايلك الكليه النهارده ؟
منال : لا مانا خرجت انا هوه شويه بره الكليه ناكل ايس كريم
ايمان : خرجتي معاه ؟ فى عربيته ؟؟
منال : ايوه و فيها ايه مش زميلى
ايمان : بصى يا منال احنا طول عمرنا كنا فى مدراس راهبات و كنا بنات بس لكن ده مش معناه ان اول مانشوف الولاد نتهبل و ننسى نفسنا افرضى باباكى او حد من اخواتك شافك
منال : هاها من نعم ربنا علينا ان القاهره
واسعاااه ما تخافيش انتى بس ده احنا ما قعدناش ساعتين على بعض
ايمان : انا خايفه عليكى يا منال هما الساعتين دول شويه يعنى ربنا يسترها
منال : المهم انتى عملتى ايه النهارده مع محمود شرحلك السكشن ؟
ايمان: ايوه و ما فهمتش حاجه دى ماده صعبه اوى ماتيجى ناخد درس
منال : اه طبعا ماناخدش ليه بكره اروحله المكتب و اطلب منه يدينا درس
ايمان : صحيح يا منال ؟ وناخده عندى فى البيت ايه رايك
منال : طبعا يا ست هانم ما طول عمرنا بناخد عندكم يعنى حناخد فين يعنى ّ!!!
و فى اليوم التالى ذهبت منال لمكتب محمود

منال : صباح الخير يا دكتور
محمود : صباح النور يا انسه
منال : و الله انا كنت بس عايزه اتفق مع حضرتك على درس عشان احنا مستصعبين الماده شويه و طلبات حضرتك اوامر
محمود : انا مش بادى دروس يا انسه شوفى حد تانى فى القسم
منال : لييه بس يا دكتور ده حضرتك اللى بتدرسلنا فى السكشن و احسن ناخد عندك عشان يبقى الكلام واحد و بعدين ده ايمان حاتزعل اوى اوى
محمود و قد لمعت عيناه : ايمان ؟؟
منال : ايوه مانا وهى حاناخد مع بعض عندها فى البيت لو ما عندكش مانع
محمود: وهى ما جتش معاكى ليه
منال : اصلها تعبانه النهارده و ما جتش مامتها قلقت عليها من ساعة ما اغمى عليها و خدتها للدكتور النهارده
محمود : الف سلامه عليها خلاص نبدا الاسبوع الجاى يوم السبت ان شاء الله ممكن العنوان
منال : ثوانى و اكتبه لحضرتك هوه و التليفون عشان لو فيه اى تغيير . و شكرا يا دكتور الف شكر

ثم على الموبايل
منال : تمام يا فندم السبت الجاى ان شاء الله حايكون عندك فى البيت
ايمان : وافق بسهوله كده
منال : لا مش بسهوله وافق لما عرف ان حضرتك حتاخدى معايا مش قلت لك فيه حاجه و النبى يا ريت ده الواد زى القمر يا ايمي طول بعرض و بنات الكليه كلها حاتتجنن عليه و على عنيه الواسعين دول !!!
ايمان : و بعدين بقه يا منال فى الكلام ده باى باى بقه اشوفك بكره

صح هوه زى القمر و طول بعرض و حنين اوى ده عيط عشانى , لا و صوته , من الاخر انا باين كده بحبه
عمرى ما حسيت بحد الاحساس ده!!يبقى اكيد ده هوه الحب

معقول حاشوف ايمان يوم السبت فى بيتها ! وحاديها درس كل سبت ؟ انا مش عارف البنت دى عملتلى ايه ؟ ده انا رفضت اى درس جالى قبل كده اشمعنى ده عشان ايمان , انا باين بحب ايمان
لا مش باين انا اكيد بحب ايمان
ممكن اكلمها فى التليفون ...
بس اكلمها اقولها ايه ؟
مش مهم انا حاكلمها و خلاص

محمود : الو انا دكتور محمود بادرس للانسه ايمان فى الجامعه اقدر اكلمها

الشغاله : لحظه يا فندم اندهلها ..... انسه ايمان د. محمود عايز حضرتك
ايمان : بتقولى مين.........................؟
avatar
في 06.10.10 13:11نور محمد عبد السلام
اه نسيت يا اميرات ما تنسوش التقييم اذا عجبتكم
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى