استعرض الموضوع السابقاستعرض الموضوع التالي
02042013
حملة ارادتى حديد و هخس اكيد اللى هينضم للحمله يدخل ضرورى




ازيكم يا بنات بما ان الشتاء خلص خلاص و كتير مننا تخن فى الشتاء قلت لازم نعمل مع بعض ريجيم صحى و سهل علشان نخس مع بعض انا شخصيا عايزه اخس حوالى 20 كيلو ياريت بقي يا بنات كل واحده تسجل اسمها و عايزه تخس اد ايه علشان هنبدا ان شاء الله مع بعض من يوم السبت اللى جاى
مبدايا الحمله هتبقي ريجيم سهل هنزله هنا و على الفيس بس التمارين هنزلها هنا بس علشان الفيس مش هيشغل التمارين لانها صور متحركه

كل واحده تستعد و تجهز الميزان


انا مستنياكوا كل واحده تسيب بياناتها

اضغط هنا تمارين الحمله تمارين سهله اوى و للمبتداين


هتلاقوا هنا الريجيم الاول للحمله هيخسس ان شاء الله 4 كيلو فى اول اسبوع

وصفات اكلات ريجيم لحمله ارادتى حديد و هخس اكيد

ريجيم الاسبوع الثانى


عدل سابقا من قبل نفرتيتي في 12.04.13 21:29 عدل 5 مرات
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق
اهلا بيكم يا بنات هنزل لكم الريجيم بكره ان شاء الله
ها يا بنات فين باقى المشتركين
بصوا يا بنات مبدايا هتتوزنوا بكره الصبح علشان تتاكدوا من وزنكم قبل الريجيم علطول و لو هتعملوا التمارين اللى هنزلها تاخدوا مقاس الخصر و الهانش بالمازوره و هنبدا من بكره علطول ان شاء الله

الريجيم الاول اللى هنبدا بيه هو الريجيم الكلاسيكي ريجيم سهل جدا و لو مشيتوا عليه بالضبط هينزل على الاقل 4 كيلو فى الاسبوع ده بس لازم تعملوا التمارين اللى هنزلها او تمشوا كل يوم نصف ساعه او لو بتحبوا الرقص ارقصوا ربع ساعه بس متواصله

أولا : وجبة الفطور
ربع رغيف بلدي + طبق فول صغير(أربعة ملاعق) بدون زيت أو سمن…. (لا تقلقي فطعمه مقبول جداً)
أو ربع رغيف بلدي
+ بيضة مسلوقة
أو ربع رغيف بلدي +قطعة جبن قريش (50 جرام)
أو 2 ثمرة فاكهة
+ كوب شاي بمللعقة واحدة سكر أو شاي بحليب بدون سكر

ثانياً: وجبة الغداء
النشويات: ربع رغيف بلدي أو 3 ملاعق أرز أو 3 ملاعق مكرونة
الخضروات : طبق خضار سوتيه أوطبق شوربة خضار بدون بطاطس ويراعي أن على شوربة لحمبدون وش أو ماء(أبتعدي عن شوربة الفراخ لكثرة الدهون بها) + طبق سلطة خضراء بأي كمية (أستعملي ثمرة طماطم واحدة فقط في السلطة)
اللحوم: 2 شريحة لحم (مسلوق أومشوي) 150 جرام أو ربع فرخة (صدر فرخة مسلوقة أو مشوية بدون جلد) أو 3 سمكات مشوية (متوسطة الحجم) أو تونا (تصفى من الزيت وتشطف بالخل والليمون) أو 2 بيضة مسلوقة
الفاكهة : ثمرة زاحدة متوسطة الحجم

وجبة العشاء :
كوب حليب (سبق غليه ونزع الوش وبدون سكر)
أو كوب زبادي وسط بدون وش
أو قطعة جبن قريش + خيار + 1 ثمرة طماطم
أو2 ثمرة فاكهة متوسطة الحجم

الممنوعات في الريجيم :
إمتنعي عن هذه الأشياء تماما لأن جزء بسيط منها ممكن أن يضيع عليك تعب الأسبوع كله
1-جميع أنواع الحلويات بما فيها اللبان
2- اللب والفول السوداني والمكسرات
3- الحوادق والمخللات لأنها تزيد الشهية
4-المياه الغازية
5- بعض الفواكه مثل: البلح والتين والشمام والقصب والمانجو والعنب
6- اللحوم الدسمة والكبدة والكلاوي والبسطرمة واللانشون
7- القلقاس والقرنبيط والبسلة والبطاطس
8- الخضروات الناشفة مثل: الفاصوليا الناشفة واللوبيا الناشفة
9- البقوليات فيما عدا الفول (ولكن بدون زيت أو سمن)
10- الحمام والبط والأوز والديك الرومي

بين الوجبات خدوا شاى اخضر و يستحسن انه يكون الشاى الاخضر الورق مش الباكيتات

إرشادات عامة:
1-
مسموح بتناول 2 ملعقة سكر يومياً أو عسل نحل
ربع رغيف بلدي = 1 رغيف سن = 2 توست سن
لاحظي أن يكون العيش السن أو التوست من النوعية الناشفة لأن النوعيات اللينة يكون بها زيوت وأحياناً يتم إضافة عسل أسود عليها
الفواكه المسموحة: التفاح والموز والبرتقال والبرقوق والكانتلوب والكمثرى و اليوسفي والخوخ والجوافة
ممنوع إضافة وجبة سابقة لم تؤكل إلى الوجبة التالية
يجب أن تقيسي وزنك على ميزان واحد فقط وفي وقت مححد كل أسبوع ويفضل أن يكون صباحاً بعد الحمام
عند الإحساس بالجوع بين الوجبات الأساسية يمكنك تناول نوع واحد فقط من الأصناف الأتية بين كل واجبة وأخرى بأي كمية
الجزر (2 فقط لكثرة السكريات به) – الفجل – الجرجير – الخيار – القتة (بدون قلب) – الفلفل الأخضر – الكوسة المسلوقة – البقدونس – الكرات – الخس بدون ورق (لكثرة الزيوت في الورق)
زجاجة مياه غازية = 3 قوالب سكر = رغيف عيش كامل


عدل سابقا من قبل نفرتيتي في 05.04.13 15:20 عدل 1 مرات
التمارين كمان نزلت يا بنات ادخلوا شوفوها نزلتلكم تمارين كامله للجسم هتضبط كل الاماكن اللى مضايقاكم و كمان هتقوى العضلات و تمارين سهله جدا جدا للمبتداين و اى سؤال انا معاكم
avatar
استنوا خدونى معاكم انا نفسى اخس بس فعلا ناقصنى الاراده اللى من حديد وانا بتابع مع دكتور يدوب من اسبوع
انا طولى 162
وزنى 95
الهدف الاول 80
الهدف التانى70
الهدف الاخير 60
ياااااااااااااااااااااااااااااااااارب اوصل
يارب توصلى يا قمر ربنا معاكى و يقويكي
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى