oshi410
oshi410
مشرفه قسم الاعمال اليدويه
مشرفه قسم الاعمال اليدويه
رقم عضويتك : 1470
عدد المساهمات : 9782
الاوسمه :
21072012
بسم الله



[ندعوك للتسجيل في المنتدى أو التعريف بنفسك لمعاينة هذه الصورة]





رمضان في مصر ... غير ... غير ... غيييييييييييييييييير

دي كلمة بقولها عن ثقة مطلقة . ... رمضان في مصر مختلف عن رمضان في أي مكان في العالم



في مصر ... رمضان ليه طعم تاني و روح تانية بتهز القلب بمجرد إن الواحد يفتكر أجمل الذكريات عن أجمل أيام في حياه الواحد على الإطلاق ...




[ندعوك للتسجيل في المنتدى أو التعريف بنفسك لمعاينة هذه الصورة]






الروح دي مش عارف منين




يا ترى من الفوانيس اللي بتملا مصر و كل شارع في مصر مهما كان شعبي و بسيط يبقى منور طول الليل ببركة رمضان ؟


و لا من الزينة اللي بتجمل شوارع مصر كلها بلا استثناء .. كل الشوارع تزين بالزينه الجميله البسيطة و يتبارى الشباب في تعليقها بس عشان الناس تحس بالعيد اللي هما داخلين عليه و جمال و روعة أيام رمضان القادمة



و لا من صانعي الكنافة و القطايف و بائعي الياميش اللي بيقلبوا شوارع مصر مهرجان من أجمل مهرجانات السنة ؟



و لا من ليله الرؤية لما الناس تعرف إن رمضان بكرةو يهنوا بعض من الشبابيك و بالتليفون و الأولاد ينزلوا يضربوا بمب احتفالا بالرؤية و نسمع صوت من بعيد ينشدنا .. رمضان جانا و فرحنا به بعد غيابه و بقاله زمااااان



[ندعوك للتسجيل في المنتدى أو التعريف بنفسك لمعاينة هذه الصورة]




و لا يمكن من موائد الرحمن اللي بتملى مصر و في كل مكان و انتو راجعين قبل المغرب تشوفوا الموائد و اللي مقعدشي على واحده منهم و راكب مواصلات مستعجل يروح يتحدف عليه البلح و الأكل في العربية بالعافية عشان يفطر على بركة الله ...
و هو ده اللي كان بيحصل معايا بالظبط و انا راجعة من الكلية كل يوم ................................يااااااااااااااااا ه على الخير


و لا من الناس في المواصلات و هي ماسكة المصحف و عايزة تختم القرآن في هذا الشهر الفضيل و الكل يتبارى في الخير


و لا يمكن من موائد الرحمن اللي بتملى مصر و في كل مكان و انتو راجعين قبل المغرب تشوفوا الموائد و اللي مقعدشي على واحده منهم و راكب مواصلات مستعجل يروح يتحدف عليه البلح و الأكل في العربية بالعافية عشان يفطر على بركة الله ...
و هو ده اللي كان بيحصل معايا بالظبط و انا راجعة من الكلية كل يوم ................................يااااااااااااااااا ه على الخير


و لا من الناس في المواصلات و هي ماسكة المصحف و عايزة تختم القرآن في هذا الشهر الفضيل و الكل يتبارى في الخير



[ندعوك للتسجيل في المنتدى أو التعريف بنفسك لمعاينة هذه الصورة]





و لا من العيلة و اللمة و الصحبة الحلوة و كل يوم فطار عند حد و صله الرحم و الحب و الألفة بيجمع ما بين الكل و رمضان بيحب اللمة


و لا من صوت الشيخ محمد رفعت و هو يقرأ قرآن المغرب و احنا الأطفال قاعدين متلهفين لسماع صوت المدفع الحبيب إلي قلوبنا ....( مدفع الإفطااااااااااااااااااااااااااااااااااااااااااااا اار أضرااااااااااااااااااب ) ... و انطلق مدفع الإفطار .. هييييه حناكل ....و نروح نتفرج على بوجي و طمطم




[ندعوك للتسجيل في المنتدى أو التعريف بنفسك لمعاينة هذه الصورة]





و لا حتى من السحور و زماااااااان كان ييجي صوت المسحراتي أصحى يا نايم وحد الدايم .... رمضان كرييييييم

و لا يمكن الروح دي من صلاة التراويح ... و خصوصا لو في مسجد عمرو بن العاص أو الأزهر و الناس سادين الشوارع ما شاء الله و الستات ماليين مكان الصلاه الخاص بالنساء و مفيش مكان لقدم .




[ندعوك للتسجيل في المنتدى أو التعريف بنفسك لمعاينة هذه الصورة]








و لا من الحسين و قهاوي الحسين الشعبية الجميلة السهرانه لوش الصبح و لو نزلتوا الساعة 3 بالليل تلاقي الشارع ماليان ناس ...



و لا من الغورية و لا باب الخلق و لا الموسكي و لا و لا و لا



و لا من المساجد القديمة المليئه بذكر الله و تراث و عبق بيصل لاكتر من 500 و 600 سنة .. تاريخ و أصاله و جمال غير عادي




[ندعوك للتسجيل في المنتدى أو التعريف بنفسك لمعاينة هذه الصورة]






و لا من صاجات الكحك البيتي اللذيذ اللي كانت بتصنعه أمهاتنا و جداتنا في البيت على أخر رمضان ..كحك و غريبه و بتي فور كلها في البيت و تتبارى النساء في صنعه و التبادل و التهادي به و طبعا كنا إحنا الأطفال المستفيدين الأوائل من الحكاية دي


الروح دي جاية منين و لا منين ... مش عارفة


[ندعوك للتسجيل في المنتدى أو التعريف بنفسك لمعاينة هذه الصورة]





بس اللي أعرفه إنها أجمل أيام عدت عليا في حياتي و إني مهما شفت رمضانات في أي مكان في العالم مش حيكون زي رمضان في إم الدنيا ...


مش حيكون زي رمضان فيكي يا مصر



[ندعوك للتسجيل في المنتدى أو التعريف بنفسك لمعاينة هذه الصورة]








عشان كده تعالو بالصور نشوف رمضان في مصر بالذات في الأماكن الشعبية و المساجد القديمة و البوابات لمدينة القاهرة ... بيبقى عامل ازاي
...

تابع باقي الأجزاء




يتبع




مُشاطرة هذه المقالة على:redditgoogle

تعاليق

oshi410
في 21.07.12 14:50oshi410
و نكمل على بركة الله ..في سياحة رمضانية في مصر .. مش بس في أحلى الأماكن اللي تتراح في رمضان إنما كمان أجمل عادات المصريين في رمضان


فوانيس رمضان .... عادة مصرية أصيله .. مشفتهاش في أي دوله أخرى في العالم



[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]





و دوره معروف كعنصر إضاءه للشوارع خاصة قبل دخول الكهرباء ... وقد تحول الفانوس من وظيفته الأصلية في الإضاءة ليلاً إلى وظيفة أخرى ترفيهية إبان الدولة الفاطمية حيث راح الأطفال يطوفون الشوارع والأزقة حاملين الفوانيس ويطالبون بالهدايا من أنواع الحلوى التي ابتدعها الفاطميون، كما صاحب هؤلاء الأطفال بفوانيسهم (المسحراتي) ليلاً لتسحير الناس، حتى أصبح الفانوس مرتبطاً بشهر رمضان وألعاب الأطفال وأغانيهم الشهيرة في هذا الشهر ومنها وحوي وحوي.





و بيبقى منظر المحلات اللي بتبيع الفوانيس من أجمل و أحب المناظر للإطفال قبيل رمضان ....



[ندعوك للتسجيل في المنتدى أو التعريف بنفسك لمعاينة هذه الصورة]





[ندعوك للتسجيل في المنتدى أو التعريف بنفسك لمعاينة هذه الصورة]






[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]




و زماااااااان كانت الفوانيس تصنع يدويا و بالذات في الأماكن الشعبية المصرية و كانوا بيتفننوا في جماله و روعته لان في منه الأحجام الكبيرة الخاصة بالمحلات و الشوارع




دلوقتي بأه ...... حل الفانوس الصيني مكان الفانوس المصري الغلبان و إن كان أقل منه جمالا بكثييييييييير و احكموا انتوا بنفسكم





[ندعوك للتسجيل في المنتدى أو التعريف بنفسك لمعاينة هذه الصورة]







و أصبحت الفوانيس على كل شكل و لون فتلاقي فانوس على شكل المفتش كرومبو ,و بيغني رمضان جانا ... و لا حتى التكتك و بيغني و الله بعوده يا رمضان ( و الله الصينين دول حيجننونييييييييييييي ).. و يقال إن السنة دي عملوا فانوس مصري عشان في مشاكل في استرياد الصيني و العملة و

كده .. و الله أحسن


[ندعوك للتسجيل في المنتدى أو التعريف بنفسك لمعاينة هذه الصورة]





المهم إن فانوس رمضان من أبرز و أجمل ما يميز رمضان في مصر ..........


و بالذات للإطفال ... و إذكر إن أمتع لحظات حياتي لما كنت العب مع أخواتي بالفانوس....... مش ممكن .......... ذكرياااااااااات ....

[ندعوك للتسجيل في المنتدى أو التعريف بنفسك لمعاينة هذه الصورة]




يتبع
فاطمة الزهراء
في 21.07.12 18:21فاطمة الزهراء
ياحبيبتى يامصر
تشكرى على الموضوع الرائع ده
ام انتصار
في 21.07.12 21:15ام انتصار
موضوع رائع جدا ومميز رغم انه الصور ما فتحت
oshi410
في 22.07.12 14:24oshi410
بارك الله فيك يا بطوط


بارك الله فيك يا شوشو


:اسعدنى تواجدكم
صلاحيات هذا المنتدى:
لاتستطيع الرد على المواضيع في هذا المنتدى