استعرض الموضوع السابقاستعرض الموضوع التالي
21052012
مين فينا مش نفسها تحس بنعومة الأطفال و بياض التلج و لون موحد زي القطن و احساس بهدوء الأعصاب و الريلاكس كأنها كانت بتعمل مساج فأحسن سبا
مين مش نفسها تحس بالدلع و الترف
و تنسى بقا هم العيال و الشغل و لا الدراسه و تلتفت لنفسها شويه
اكييييييد كلنا

طيب جربي اسألي عن الحمامات الملكى و المساج فأي كوافير هتلاقي الاسعار استعبـــــــــــــــــــــاط و استغلال لأبعد الحدود
بس على مين
احنا هنعمل كل حاجه بنفسنا و بأقل تكاليف و فبيتنا من غير ما نضيع وقت و لا فلووووووووووس
و كمان المتجوزين لازم يفرحو جوازهم و يرضوهم
منعا لزوغان العين احم احم



و البنوتات كمان لازم نتعلم كل حاجه و ندلع نفسنا بقى كفايه مذاكره و هلكة أعصاب يوم راحه عشان نحس قد ايه احنا جماال و نحمد ربنا


الطريقه :
ازاله شعر الجسم بشكل كامل قبلها بيوم او كام ساعه أنا ضد ازالة الشعر فالحمام للي مبيستعملوش ماكينة الحلاقه لأن غير كدا بياخد وقت و المفروض نقصر الوقت فالحمام على قد ما نقدر و ربنا يحفظنا


-1- أعشاب عطره و ممكن زيوت عطريه استخدمي أي نوع تفضليه
ارشح الميراميه مع الجنزبيل الأخضر ريحه عطره و ازالة السموم من الجسم بشكل كبير و الجنزبيل بياض و نضافه حطيه فشراب فيليه و اربطيه كويس

-2- نص كوب حليب للترطيب بعمق مخلوط بنص كوب خل تفاح لازاله السموم من الجسم

3 - -معلقه كبيره كربوناتو للتبيض و التقشير

-4 - سكراب للجسم اي نوع ممكن منتج من السوق أو ملح الحليب و أنا بحب اعملو بنفسي ( معلقتين زيت زيتون + عصير ليمونه + 3 معالق كبار سكر خشن + معلقه كبيره ملح )
طبعا السكراب لتقشير الجسم و ازاله الجلد الميت و تنضيفه عشان يستقبل الماسك بصوره أفضل .

-5 - ماسك الوجه بجد لازم تجربو الماسك دا حقيقي تحفه ( معلقه صغيره جنزبيل مطحون + معلقة عسل نحل _ معلقة حليب سائل )
أنا كنت أول مره أعملو و بجد حسيت بنعومه و بياض و بشره نضيفه و بجد دا أجمل ماسك عملتو و هرجع أعملو تاني كتيرجربي اعمليه زي ما هوا و على ضمانتي انا عملاه من يومين بلمس وشي عشان اتأكد قبل ما اكتبلكو بجد نعومة أطفال

-6 - ماسك الجسم ( نشا + عصير لمونه + مية ورد )
دا بقا تبيــــــــض تبيـــــض تبيــــض و هتحسي برده بفرق كبير في لون البشره و نعومتها غير انو هيفتح الأكواع و الركب عالاقل درجه و أنا حسيت أكتر من درجه كمان

7 - -حجر خفاف لرجلينا طبعا

-8 - فرشاة أسنان مع معجونك و أنا بستخدم بودره للسنان من ابفا يعني زيادة الخير خيرين

9 - -صابون أو شاور جل ارشح الصابون المغربي / صابون البابايا / صابون الغار و دا اللي استعملتوو سيبكو بقى من لوكس و المنتجات بتاعت الدعايه لأنها بتنشف البشره جدا

-10 - شامبو النوع براحتك خاالص

جربتي بانتين الجديد بزهرة الكاموليا ؟؟؟ كاموليا ايه مش فاكره اسم الزهره بس انتو فاهمين قصدي صح هوا حلو و خلاص

-11- كريم مرطب او زيت ترطيب انا بستخدم كريم اسمو جرجنز على كل جسمي دا حبيبي مستغناش عنو بيخلي البشره حرير بملمس مخملي تحفه

-12 - بشكير نضيف طبعا

13 - -هدوم نضيفه شيء لا بد منو

14 - -توك لشعرك و بونيه

15 - -زيت للشعر أنا استخدمت كركار و مفيش نوع أحسن منو استخدمتو أبدا بس استعملي الموجود مش هنختلف

16 - -ليفه و أنا مبقتنعش غير بالمصريه الأصيله

-17 - كريم للرجلين اقترح عليكي تجربي زبدة كاكاو حمرا على كعوب رجليكي و تخصصيها لدا أنا بعمل كدا هتخليكي رجليكي ناعمه و لونها وردي جميل

18 - شراب قطن لرجليكي الحلوين دول بعد الكريم و البادكير
- ايه كمان ايه كمان اممم

ادخلى الحمام
الخطوه الأولى : اقفلي كل الشبابيك و الابواب و استحمي عادي اغسلي شعرك بالشامبو و جسمك بالصابون

الخطوه التانيه : املي البانيو بميه دافيه و سيبي البخار يطلع عشان نفتح المسام حطي فالبانيو أول 3 حاجات جهزناها ( الشراب الفيليه اللي جواه أعشاب + مخلوط الحليب و خل التفاح + معلقه كبيره كربوناتو )

الخطوه التالته : أثناء ما البانيو بنتملي اغسلي وشك بالغسول و قشريه بحركات دائريه بالسكراب اشطفيه بعدين حطي الماسك عليه و على رقبتك و حطي زيت على شعرك و اعملي مساج لشعرك بلطف

الخطوه التالته : اعدي فالبانيو و استرخي خاالص فكري فكل حاجه حلوه أحلامك أولاد الناس اللي بتحبيهم مستقبلك متسيبيش حاجه نفسك فيها فكري و احلمي
هوا التفكير كمان هيحاسبونا عليه
احساسك هيبقى حلو اووي بس اوعي تنسي نفسك و تنامي لأن بجد ممكن تتمني تقضي عمرك جوا البانيو من كتر الاسترخاءالخطوه دي ممكن من 15 ل 20 دقيقه ب

الخطوه الرابعه : فضي البانيو من الميه و انزلي تحت الدش اشطفي جسمك ووشك
خلي شعرك فيه الزيت و بالاعشاب اعملي تدليك بيها لجسمك من تحت لفوق من رجليكي تحت لحد فوق بعدين الرجل التاني و دراعك اليمين من الصوابع لفوق وطبعا بحركات دائريه و اعملي جسم كلو بالطريقه دي و متنسيش وشك دلوقتي اشطفي جسمك من فوق لتحت العكس من وشك بعدين دراعك صدرك ازلي لبطنك و ضهرك بعدين رجليكي و دي الطريقه اللي بيستخدموها للتدليك الاخصائين و يا سلام بجد لو استخدمتي زيوت عطريه
الخطوه الخامسه : اعملي تقشير لجسمك بنفس الطريقه من تحت لفوق بحركات دائري هو ركزي على الكوع و الركب و متنسيش كعب رجليكي و معلش لو زغزغك شويه و اشطفيه من فوق لتحت برده ( متستغربيش النعومه نستاهل أكتر)


الخطوه السادسه : اطلعي من الدش و اقفليه نشفي جسمك شويه و حطي ماسك النشاعلى جسمك كلو
الخطوه السابعه : الماسك هياخد حوالي ربع ساعه نعمل فيهم اى حاجهاغسلي سنانك و اعملي رجليكي بالحجر الخفاف الخطوه التامنه : نشطف بقى جسمنا من الماسك و شعرنا من الزيت و مفيش داعي أبدا لصابون أو شامبو و فالاخر خدنا دش مايه ساقعه عشان ننشط الدوره الدمويه و نقبض المسام المفتوح بقالو كتير مفتوح من البخار دا الخطوه التاسعه : نشفي جسمك كويس و حطي مية ورد كنوع من القابض للمسام أو تونيك و كمان بيدي البشره انتعاش أووي رطبي جسم بكريم أو بزيت جونسون الخطوه العاشره: اطلعي بقى و في الجمال بجد هتحسي احساس بالرفاهيه بعد الحمام دا و نعومه و هتلاقي جسمك الانسجه لينه و بياض و نضافه و أنووووووووووووووثه بجد البسي أقصر فستان عندك ما احنا مش كل يوم رجلينا حلوه و أعملي شعرك أحلى تسريحه
بجد يا بنات أنا طلعت من الحمام حاسه اني واحده تانيه حاسه بهدوء أعصاب و جمال و حاسه قد ايه أنا بقدر نفسي و مش سايبه الزمن يتحكم فيا و الدنيا تاخدني من نفسي

( ان الله جميل يحب الجمال ) حاسه بالانوثه و الجسم اللي كلنا بنتمناه حاسه اني بجد هعمل الحمام دا كل ما يبقى فيه فرصه لأنو يستاهل الوقت و المجهود بجد جسمي في حاله هدوء عضلات و عقلي في حالة خمول بينادي روحي نامي و احلمي احلام حلوه و نمت الحمد لله كدا موضوعي خلص



طبعا كل واحده تغير فالحمام على حسب رغبتها و احتياجها بس اتمنى الفكره تكون واضحه

حمام لبياض و نعومه و توحيد لون الجسم
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق
avatar
@soma yousif كتب:بارك الله فيك ياقمر

ربنا يخليكى ياسكر انتى الى اقمر ;)
avatar
ماشاء الله موضوعك متميز فعلا اووووي ربنا يجازيكي كل خير حبيبتي ويجعله ف موازين حسناتك مووووووووه تسلم ايديكي
موضوع راااااااااااااائع ... بس كنت عايزه اعرف ايه بديل البانيو علشان انا عندى دوش مش بانيو
avatar
@Um Jode كتب:ماشاء الله موضوعك متميز فعلا اووووي ربنا يجازيكي كل خير حبيبتي ويجعله ف موازين حسناتك مووووووووه تسلم ايديكي

ربنا يخليكى ياسكر انتى نورتينى نورتينى تسلم ايديكي
I love you I love you I love you
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى