شاطر
استعرض الموضوع السابقاستعرض الموضوع التالي
01032012
hi
اعرفي عريسك بدري بدري.. من طريقة أكله ...
---------------------------------------------------



1- إذا كان عادي يعني لا بياكل بسرعة ولا ببطء ولا دايمًا شبعان
ولا مفجوع على طول.. يبقى شخص معتدل في عواطفه وقراراته ويبقى ده آخر
الرجال المحترمين.. كلبشي.. واستعجلي الزفاف والحياة هتبقى بمبي


2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية على
أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان
طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟


3- أما إذا كان مش مهتم بالمرة.. لايقولك ده حلو ولا ده عادب ولا مالح
ولا مستوي ولا لسه ني ولا بيعلق أي تعليق.. وعمره مايقولك جعان أو
شبعان يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد واعملي حسابك هاتركبيه
وتدلدلي رجلييكي.


4- أما إذا كان بياكل زى مايكون حد بيجري ورااااه وساعة الأكل بيجيله
حالة صرع معوي.. ويقوم من ع الأكل قبل أي حد تاني يبقى متسرع.. ومتهور
في اتخاذ قراراته وممكن بعد الجواااز يكتشف إنك لست ملهمته..ولست فتاة
أحلامه ولستِ حلمه.. ويروح مطلقك بالتلاتة.. إخلعي إنتي بدري أحسنلكرامتك.


5- أما إذا كان بياكل على مهله.. ويمزمز.. ف كل صنف لوحده.. ويسأل عن
كل صنف إيه مقاديره ومعمول إزاااي ويقعد يستطعم فالأكل من العصر
للمغرب حاسبي منه يا اختي ده النوع اللي له مخ.. وبيوزن الأمور بطريقه
تفقع المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟ نظااااام شلل رعاش بدري.... بدري.... إخلعي يا أمي...


6- أما إذا كان بيقعد يقطع ف الأكل زي مايكون ف خناقة ويخبط فطبق
من الغل.. ويقطع حتة اللحمة زي ما يكون بيدبحها.. ويتفتف..
ويتكلم.. طول ماهو بياكل لما يغرق وشك أكل.. ده شخص عصبي جدًاااا..
ومع أول خناقة هايروح مناولك بالكرسي ف راسك أو بالسكينة ف عينك
يعمل لك عاهة مستديمة وبعدين.. يهدى.. ويقول لك:"سوووري ياروحي
هي جت فيكي.. معلش" ""معلش برَّه يا حبيبي وخد الباب ف أيدك""


7- أما إذا كان دايمًا قرفاااان دايمًا مش عاجبه العجب ولا الصيام في
رجب.. يع.. الملوخية تقيلة.. ياي.. السمنة كتيرة على وش الشوربة..
ياساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة.. إذا كان كده توكلي على الله وهاتي أحمى ساطووووور
عندك وأنا أعرف لك واحد محامي هايطلعك منها زي الشعرة م العجيييين

والأحسن من ده كله..... مالها القعدة ف بيت أبووووووووكي؟؟
باي

مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

ههههههههههههههه اهو انا خطيبي بيفضل ياكل من المغرب للعصر ومش عجبه العجب ربنا يستر
هههههههههههههههه ربنا يستر عليكى يا بنتى هتفضلى واقفة فى المطبخ على طووووووووول ;)
هههههههههه انا كمان عندى نفس المشكله بتاعه هدى
بارك الله فيك على الموضوع الجمل يا ميرفت
الله يعينك حبيبة قلبى توتة تقريبا كده المقوله صحيحة ان اقرب طريق لقلب الرجل معدته هههههههه :نورتونىى:
avatar
وانا كمان يابنات بيفضل ياكل من العصر للمغرب بخلص الاكل وافضل متذنبة جنبه لحد مايخلص الظاهر كلهم كده ولا ايه Question
@Ranoshaa mohamed كتب:وانا كمان يابنات بيفضل ياكل من العصر للمغرب بخلص الاكل وافضل متذنبة جنبه لحد مايخلص الظاهر كلهم كده ولا ايه Question
هههههههههههه وهتفضلى متذنبه كتيييييييير اكيد هييجى الوقت وتسبيه ياكل براحته بعد كده هههههههه ;)
avatar
اه منا بعد معاه دلوقتي عشان بعد كده هياكل براحته بئا هااااااااااااااااااع
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى