شاطر
استعرض الموضوع السابقاستعرض الموضوع التالي
05022012
طريقه وضع كحل ثابت و مش بيسيح

[ندعوك للتسجيل في المنتدى أو التعريف بنفسك لمعاينة هذه الصورة]


عندى ليكم 3 أفكار

_ افضل كحل لأحلى عيون
_ازاى تختبرى الكحل قبل ماتشتريه
_ازاى تخلى الكحل اللى بيسيح مايسيحش


1_ افضل كحل لأحلى عيونطريقة لأرخص وأثبت كحل فى حياتك

عارفين الكحل السايل البودرة بتاع جداتنا وامهاتنا اللى كنا بنألس عليهم وبنأرف نستخدمه هو دة

تحطى منه على أد ما نتى حابة يكون اللون تقيل ومركز

وبعدين تغسلى وشك وعيونك بمية باردة من غير ماتدعكى مجرد تغسلى وشك علدى جدااااااااااا

وبعدين طبعا تنشفى وشك عادى بردو وطبعا تبعدى عن عنيكى عشان غلط تنشفيهيم بالفوطة بتأذى العين على المدى الطويل وبتعمل تجعدات للجفون

وبعد كدة تجيبى قطنة نضيفة ومن غير كريم تمسحى اى كحل ساح على عنيكى من المية

واستمتعى بكحل ثابت ولونه مط غامق لأطول فترة وكمان والله عن تجربة بيكون شكله احلى ومظبوط أكتر


2 _ازاى تختبرى الكحل قبل ماتشتريه


نيجى بأة لطريقة شراء قلمة الكحل

طبعا فيه مليون نوع اللى فى السوق
ومن احسن الانواع اللى جربتها اوريفليم

بس بردو والله لقيت انواع تانيةرخيصة جدا كمان نوعها حلو

الفكرة بأة ان فيه اختبار بسيط اوى اتعلمته عشان اعرف لون الكحل دة واذا كان من الانواع اياها اللى بتسيح ولا لأ

الاختبار اهو

تجيبى قلم الكحل اللى هتشتريه وتعملى بيه خط بالطول على ضهر ايدك
وتيجى بصباعك بالعرض على الخط اللى انتى عملتيه كأنك هتعملى تقاطع على الخط وكأنك هتمسحيه بس طبعا ماتحاربيش مع ايدك احنا مش عايزين الخط يختفى خالص يعنى

بعدين تشوفى بأة الخط اللى انتى عملتيه حصله ايه

لو الكحل نوعه كويس طبعا الخط مش هيتمسح تماما
الحاجة التانية ودى الاهم
ان الكحل لو من الانواع اللى بتسيح هتلاقى تقريبا كل لون الكحل طلع فى صباعك اللى انتى جربتى تمسحى بيه واللون هيكون راح خالص تقريبا


3 _ازاى تخلى الكحل اللى بيسيح مايسيحش


الفكرة التالتة بأة

للى عندهم قلم كحل وبيسيح ودفعوا فيه كتير ومستحرمين يرموه

تجيبى ولاعة وتكونى ماسكة قلم الكحل السن بتاعه لتحت كأنك هتكتبى بيه
وتولعى الولاعة على السن بتاع القلم لمدة ثانيتين بالظبط عشان مايسيحش على الأرض ويبهدلك الدنيا
وحاولى تعملى كدة فى الحمام احسن عشان لو لا قدر الله نقط منك او اى حاجة

وبعد كدة هتلاقى الكحل بقى سايح اوى
تفضلى ماسكاه دقيقة او دقيقتين على نفس الوضع والسن لتحت لحد ماينشف ويمسك تانى

وكل ماتبرى القلم تعملى كدة

الفكرة من الطريقة دى انها بتبخر اى مية فى الكحل فتخليه الى حد كبير أنشف ومش بيسيح


منقول
مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

avatar
حلو اوي الافكار دي
بجد موضوع روعة ومفيد جداااااااااا تسلم ايدك ياتوتة وبالنسبة للكحل البودر ما تضحكوش اه فيه بودر انا عندى ومش عارفة استعمله كان من الهند وكمان عندى المكحله الخاصة به وانا باستعمل الاقلام دايما وكنت عايزة اجربه بس مش عارفة هههههههه
avatar
الله عليكى موضوع محتاجه من زمااااااااااااااااااااااااااااااااااان
اهلا بيكم يا اميرات
نورتونى
انا كمان كان عندى يا ميرفت الكحل السايب ده بيبقي كحل اصلى بس استعماله كان صعب اوى
بصي انت بتملى المكحله كويس اللى هى العصايه نفسها و تحطيها على الجفون زى الكحل العادى
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى