منتدى وصفات كليوباترا دخول

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ

الدورة الشهرية من الالف الي الياء

شاطر

31012012
الدورة الشهرية من الالف الي الياء

الدورة الشهرية
قبل مانتكلم عن وجعها و قرفها و مشاكلها
و كل الحوارات دي
نعرف الاول ايييييييييييييه هي الدورة الشهرية


الدورة الشهرية باسلوب كوميدي
مسكت بيضة من طبق البيض
خبطتها في حيطة
نزلت السائل اللي جواها


الدورة الشهرية باسلوب علمي بقي
مسكت دي الجسم و الهرمونات
البيضة هي البويضة
طبق البيض هي المبيض
الحيطة هي جدار الرحم
السائل هو دم الدورة

يعني الهرمونات و خصوصا الاستروجين و البروجستيرون خرجوا البزيضة من المبيض و فضلت في جدار الرحم لمدة يومين ل 3 ايام مستنية الحيوان المنوي ولما مجاش سابتله الرحم و نزلت وقالت طب والله مانا قاعداله فيها
هههههههههههههههههههههههههههه

بتيجي امتي الدورة الشهرية؟؟؟
نبدأ نستعد ليها من اول عمر 10 سنين

و ده معناه ان الام تبدأ تعرف بنتها بوجود جاحة اسمها دورة شهرية من عمر 8 سنين
علي مراحل

بحيث ان البنت ماتخافش لما تجيلها الدورة
ماتقوليش بدري
ماتقوليش لسه صغيرة
لا
في بنات كبروا من عمر 8 سنوات
لازم تحطي في بالها ان في حاجة اسمها دورة شهرية
و ممكن تفهميها دي باسلوب البيضة والحيطة

لحد لما تكبر شوية و نبدأ نشرحها باسلوب علمي مبسط

بس اهم حاجة لازم نبدأ
ممكن نبدأ بالحجاب
ماهو الحجاب مقترن بالدورة الشهرية

الام هتقول للبنت مثلا
و هي بتشوف بنتها بتقلدها في لبس الطرح
ان الطرحة لبستها من اول ماجتلها الدورة
البنت هتسأل وايه هي الدورة دي
تبدأ الام بقي تقولها علي نقطة البيضة والحيطة

و كمان ممكن تبدأ بالصلاة والثواب والعقاب الالهي
و الحسنات والسيئات

في مليون بداية
المهم نبدأ

لاني اعرف ام معرفتش بنتها بحوار الدورة والبنت جاتلها الدورة عند سن 9 سنوات
و جتلها صدمة
فضلت تتعالج منه سنة بحالها

يبقي ليييييييييييييييييييييييييييييييه نحط نفسنا فالمواقف دي

نبدأ من سن 8 سنوات
نبدأ نعرف كل حاجة خطوة خطوة

و ان شاء الله هكمل معاكم الدورة الشهرية و مواويلها
بس اعرف الاول
رأيكم اييييييييييييييه؟

الموضوع من عندي
مع حملة لا للمنقول

تعاليق

فوق الروعه بجد يا ساره برافو عليكي ربنا يبارك لك يارب ده موضوع تحفه لكل البنات وخاصه اللي قربت ومش فاهمه هوه ايه برررررررررررافو عليكيكملي كملي
avatar
جميل يا سارة

اسلوب مبسط وجميل جدا

حلو قوى

كملى يا قمر

avatar
دلوقتي بقي انا ام و عندي بنت في اولي ابتدائي يعني 7 او 8 سنين
اعرفها ازاي ولا ابدأ معاها منين
و البنت بتترعب من منظر الدم


اقولك يا ستي
ابتدي معاها من اكتر من اتجاه
اولا هي بتترعب من اللون الاحمر المميز للدم ولا من الدم ذات نفسه؟؟
لو من اللون الاحمر
ممكن تبدأي ب انك تدخلي اللون و درجاته في حياتها بشويش
ازاااااااااااي


عروسة و الفستان بتاعها احمر
بلونة لونها احمر
بطانية و فيها رسومات بالاحمر علي خفيف كده
توكة لونها احمر
كده يعني
دخلي اللون حتة حتة
لقيتيها نفرت من اللون اكتر
اهدي شوية و بعدين ارجعي تاني


بتخاف من الدم ذات نفسه بقي
دي ممكن تبدأي معاها ب مثلا
بمعرفة اصل الخوف منين
لو انها اتعورت تعويرة كبيرة و هي صغيرة؟
لو انها حضرت و هي صغيرة مشهد ذبح الاضحية فالعيد الكبير؟؟؟
معرفة السبب بتساعد كتير في العلاج فالحالات دي

لو من الاضحية
ممكن تبدأي معاها ب انك تعرفيها ليه بنضحي اصلا
و تحكيلها قصة سيدنا اسماعيل و الكبش

لو بقي البنت مابتخافش لا من اللون ولا من الدم بقي

ابدأي عرفيها يعني ايه حجاب
ليه احنا الكبار بنلبس حجاب
و ان الحجاب مقترن ب ان خلاص بنتحاسب بقي علي اللي بنعمله
عملنا كويس ناخد ثواب و حسنات
عملنا وحش ناخد عقاب و سيئات

و ممكن تبدأي تعرفيها انك مثلا سامحالها تلبس اللي هي عاوزاه دلوقتي بس لما تكبر شوية لازم مثلا لو بتلبس بلوزات منغير اكمام يبقي تبدأي تجيبلها بلوزات ب نص كم مثلا او ربع كم
لو الجيبات فوق الركبة ابدأي طويليها سنة سنة

و لو اعترضت مثلا
قوليلها مش انتي بتحبي مامي و عاوزة تلبسي زيها؟
مامي مش بتلبس منغير كم

كده يعني

ممكن تحببيها فالحجاب
عشان يبقي مرتبط في بالها انه اول ماتجيلها الدورة هتلبس الحجاب
عن طريق تحفيظ القرآن
و هي بتحفظ تبقي لابسة حجاب
وانتي كمان
لان البنت بتقلدك

و هنا خلصنا ازاي نعرف الطفلة من الاول ايه الدورة و ايه الحجاب
الحلقة الجاية نعرف ايه مشاكل شهر واحد دورة
و ايه حلولها
avatar
تسلم يا جميل

طريقتك بسيطة

avatar
ياختي
اخدنا ايه من الكلكعة

SmileSmileSmile
avatar
و من طرق تهيئة الطفلة لاستقبال الدورة الشهرية
الموضوع ده
https://www.wasafatcleopatra.com/t21851-topic#154282
avatar
جت خلاص الدورة؟
طب اول مرة بتكون ازاي




والله دي بتختلف من بنت لبنت
في اللي بتيجي عادية خاااااااااااالص منغير اي وجع
و في اللي بتيجي مجرد وجع خفيف
و في اللي بتيجي بوجع اعوذ بالله


الخطر في حاجة
انها تيجي منغير اي وجع خالص و شهر اه و شهر او 2 لا
ده خطر و مش خطر
ازااااااااااااااااي
خطر لبنت عمرها 16 او 17 او 18 سنة
يعني بنت خلاص جاتلها الدورة من زمان
ده ماعناه ان في مشكلة فالمبيض

مش خطر لبنت في عمر 10 الي 15 سنة
لان فالسن ده المبيض بيكون لسه بادئ يشتغل و ساعات ممكن يلخبط

الوجع بقي بيكون ازاي
و نرتاح منه ازاي

بيكون النفسي منه : اكتئاب - رغبة فالبكاء بدون سبب - عصبية لاتفه الاسباب
العضوي منه: وجع فالركبة - وجع اسفل الضهر - وجع اسفل البطن - دغدغة او وجع خفيف او تقل ساعات فالثدي

علاج الوجاع العضوية
قبل الدورة باسبوع
المداومة علي حمام دافئ مع تدليك جيد للبطن و شرب البابونج بالعسل و نعناع
يوم الدورة
كيس مليان مية سخنة و تدليك بشكل دائري علي البطن او ممكن حمام دافئ مع التدليك
و برضو نعناع و بابونج بالعسل

علاج الاوجاع النفسية بقي
حاولي تسيطري علي حدة انفعالاتك بالوضوء
حاسة انك هتتعصبي اتوضي
هتعيطي اتوضي
هتكتئبي اتوضي
بس خلي النية صافية لوجه الله انك عاوزة تتخلصي بالوضوء من ذنوبك

طبعا انا عمالة اقول قبل الدورة باسبوع قبل الدورة باسبوع
طب هعرفها ازاي

اقولك يا ستي
تجيبي اجندة كده او كشكول كبير
و تكتبي تاريخ اول يوم من كل دورة
ده بي مفيد في ايه
ده مفيد اني عارفة مثلا يوم الفلاني بالغالب هتكون الدورة
اه
يبقي اعمل حسابي قبلها باسبوع علي الحمام الدافئ والبابونج او النعناع
و اعمل حسابي برضو علي الفوط الصحية
عشان الفضايح فالمدارس والاماكن العامة


مدة بين دورة و اخري 28 يوم
يعني اقدر احسب الدورة المرة اللي جاية هتيجي حوالي يوم كذا


اااااااااااااه قلت حوالي
ليه بقي ماقلتش بالظبط؟؟؟
عشان في اسباب تخلي الدورة معادها يجي بدري اسبوع او متأخر اسبوع
زي الامتحانات و الرجيم القاسي والانيميا و التوتر الشديد

طب ليه مش اكتر من اسبوع؟
اه اتأخرت معاكي الشهر ده اكتر من اسبوع استني الدورة الجاية
اتأخرت برضو يبقي تكشفي
جت في معادها يبقي انتي كنت متوترة جدا فالدورة دي او عمتي رجيم قاسي او هرموناتك قررت فجأة تلاعبك
SmileSmileSmile

و نكمممممممممممممممل الحلقة الجاية و اي اسألة يا اميرات؟؟
تسلم ايدك موضوع مميز على الاخر
بجد روعه وانا استفدت منه جدا يارب يبارك لك يا ساره يارب
صلاحيات هذا المنتدى:
لاتستطيع الرد على المواضيع في هذا المنتدى