المتواجدون الآن ؟
ككل هناك 16 عُضو متصل حالياً :: 0 عضو مُسجل, 0 عُضو مُختفي و 16 زائر :: 2 عناكب الفهرسة في محركات البحث

لا أحد

استعرض الموضوع السابقاستعرض الموضوع التالي
10012012
دلوقتي يا حلوين جايبالكم صابونه عشان تنعيم الجسم و تفتيحه
انا عملتها و قولت مش هقولكم عليها الا لما اشوف النتيجه
من اول مره استخدمتها و حسيت بفرق علي الاقل تحسي ان جسمك طري اكنك حاطه لوشن او مرطب

المهم بقي

- هتجيبي صابونه عاديه خالص جوود مورنينج مثلا المهم متكونش فيها نسبه كريم او اي حاجه
تمام كده و هتبشريها بالمبشره بتاعه المطبخ العاديه

- فنجان ميه ورد

- 1/2 كوب عصير ليمون و يا ريت يكون بالبذر و معصور كويس

- ملعقه كبيره زيت لوز

- ملعقه كبيره نشا

- ملعقه كبيره زيت زيتون

- بشر ليمون و هتبشريه بالمبشره برضو

تمام كده
بس في ملحوظه صغنونه كده

ان الملعقه اللي هتحطي بيها تبقي مليانه متبخليش يعني :d


دلوقتي بقي هتجيبي حله ستانلس يعني مش المونيوم عشان المكونات متتفاعلش معاها

و ملعقه ستانلس او خشب

الاول هتجيبي ميه الورد و تدفيها علي النار و تضيفي الصابون
هتقلبيه كويس لحد ما يسيح تمامااا و يعمل رغاوي كده و يبقي خليط متجانس

و بعد كده تضيفي عصير الليمون هتلاقي الخليط اتقطع منك متقلقيش
كده صح
استمري في التقليب لحد ما الصابون يتجانس تاني و يبقي مفيهوش قطع

و بعد كده نحط زيت الزيتون
و نقلب
و زيت اللوز
و نقلب
و بعد كده النشادر بس نضيفه شويه شويه عشان ميكلكعش و نقلب كويس اووي اوووي عشان ميبقاش في اي حاجه مش متقلبه
اخر حاجه بقي هتضيفي بشر الليمون

و تقلبي كووويس

و لو الليمون قشرته رفيعه اوي و مش هيطلع معاكي بشر يبقي خلاص مش مشكله
بس يستحسن انك تحطي بشر الليمون
لو عندك ليمون اخضر هتكون قشرته سميكه و هتطلع معاكي بشر

المهم بقي
كده الصابون بقي جاهز و تتاكدي انه كله متجانش و ناعم

هتسبيه يهدا كام دقيقه كده
و تصبيه في برطمان زجاج مش اي حاجه تانيه
و تسبيه يبرددد
و بعد كده تغطيه
و تحطيه في التلاجه يوم

و بعد كده تبتدي تستخدميه
ازاي بقي
هتطلعيه قبل الشاور بساعه
و هتجيبي منه بملعقه او باي حاجه و تحطي علي الليفه و تغسلي جسمك كويس

و تحاولي تسبيه 10دقايق او ربع ساعه علي جسمك
متقلقيش كلها مكونات طبيعيه و عايزين الجسم يستفاد منها و كمان الصابون ده قوامه كريمي شويه و مفيهوش رغاوي كتير

استخدميه كل يوم لمده شهر
و بعد كده مرتين في الاسبوع و ان شاء الله هتحسي باختلاف كبير من نعومه و تفتيح

خلي بالك الصابون ده كله من مكونات طبيعيه يعني لازم تسبيه في التلاجه و تطلعيه قبل الاستخدام بساعه و ترجعيه التلاجه تاني

كل واحده بقي تجربه و تقولي ايه النتيجه و بالله عليكم تدعولي ربنا يحققلي اللي في بالي Smile

منقول
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق
فكرة جميلة جدا وان شاء الله اجربها...انا عايزة اسال...لما اعمل ماسك بمواد طبيعية يعنى الباقى منه اعمل فيه اية..عشان انا مش ببقى عارفة اعمل فى الباقى اية ولمل بيقعد اكتر من اسبوع فى التلاجة بيبوز بيترمى فا مش عارفة اعمل اية لا اى ماسك بيتعمل مرة واحدة او مرتين على تالاقل فى الاسبوع... ارجو الرد وشكرا
avatar
@memo_a كتب:فكرة جميلة جدا وان شاء الله اجربها...انا عايزة اسال...لما اعمل ماسك بمواد طبيعية يعنى الباقى منه اعمل فيه اية..عشان انا مش ببقى عارفة اعمل فى الباقى اية ولمل بيقعد اكتر من اسبوع فى التلاجة بيبوز بيترمى فا مش عارفة اعمل اية لا اى ماسك بيتعمل مرة واحدة او مرتين على تالاقل فى الاسبوع... ارجو الرد وشكرا
بصي ياقمر لو بتتكلمي عن الوصفة دي بتاعت الصابونة دي تشيليها فالتلاجة وقت الاستخدام تستخدميها وتدخليها تاني التلاجة ومش هتبوظ
اما لو اي وصفة تانية بئا حاولي تعمليها علي اد استخدام المرة بس لان ساعات في وصفات مثلا بيكون من مكوانتها بيض فطبعا هيبوظ حتا لو حطتيه فالتلاجة
فانتي اضمن حاجة تعملي الوصفة علي اد استخدام مرة واحدة بس كده اضمن
يارب اكون قدرت افيدك
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى