شاطر
استعرض الموضوع السابقاستعرض الموضوع التالي
12122011
طريقة وضع كريم الأساس والكونسيلر
=====================
[ندعوك للتسجيل في المنتدى أو التعريف بنفسك لمعاينة هذه الصورة]


أول حاجة هنعملها قبل ما نبدأ في الميك أب إننا ننضف الوش كويس بماء الورد أو التونيك علشان لو فيه أي تراب أو أي شوائب من الجو نقدر نشيلها، ومهم جداً إننا نعمل الخطوة دي قبل ما نحط الميك أب ولازم كمان نهتم بمنطقة الرقبة برضه وننظفها، وبعد ما نخلص نبدأ نجفف الوش كويس.. وبعد كده نحط كريم ترطيب قبل الميك أب علشان يرطب ويدّي إشراق ونور للوجه.
بعد كده نبدأ في أول خطوة، وهي إننا نحط الكونسيلر “مصحح العيوب” تحت العين، وممكن نوزعه بالفرشة أو بصوابعنا على حسب الطريقة اللي تريحنا.. وطبعاً لو عندنا هالات سوداء مش هنختار درجة فاتحة أوي لأن اللون ممكن يقلب معانا بلون أزرق.
وبعد ما وزعنا الكونسيلر على العين كلها نبدأ نوزع كريم الأساس بالإسفنجة الخاصة به، وطبعاً بنختار كريم الأساس بالدرجة اللي تناسب لون بشرتنا يعني مثلاً لو لون البشرة برونزي فمش هينفع نستخدم معاها درجة أساس فاتحة.
ولو عندنا مناطق غويطة شوية في الوش زي المنطقة اللي تحت الدقن أو تحت العين أو حول الأنف، فإحنا ممكن نعالجها بإننا نحط عليها درجة فاتحة من كريم الأساس أو الكونسيلر.
وما ننساش طبعاً إننا نوزع كريم الأساس على الرقبة علشان ما يكونش فيه فرق في اللون بين الوجه والرقبة.
ولما نيجي نوزع كريم الأساس في منطقة تحت العين بالذات فإحنا بنوزعه بطريقة الضغط الخفيف، زي ما نكون بنعمل مساج
ياريت تكونوا فهمتوا ما اقصده واكون قدمت لكم افادة مناسبة ياحلوييين
مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

avatar
[ندعوك للتسجيل في المنتدى أو التعريف بنفسك لمعاينة هذه الصورة]

avatar
رائع
طب هو كريم الاساس زي البودرة المائية؟؟؟
avatar
حلوو اوي اوي يا ميرفت بتجيبي مواضيع في الصميم يا حبيبتى بجد تسلمي
بعد اذنك هرد علي حبيبتى ساره بصي يا ساره لا لا البودره المائيه مؤذيه جدا ابعدوا عنها كريم الاساس ارحم بس بردوا الاتنين للضروره الشديده اوي لانهم بيعملوا مسام واسعه وكمان بتعمل حبوب لو البشره متنظفتش كويس وكريم الاساس طبيعي اكتر من البودره المائيه
avatar
@كليوباترا كتب:حلوو اوي اوي يا ميرفت بتجيبي مواضيع في الصميم يا حبيبتى بجد تسلمي
بعد اذنك هرد علي حبيبتى ساره بصي يا ساره لا لا البودره المائيه مؤذيه جدا ابعدوا عنها كريم الاساس ارحم بس بردوا الاتنين للضروره الشديده اوي لانهم بيعملوا مسام واسعه وكمان بتعمل حبوب لو البشره متنظفتش كويس وكريم الاساس طبيعي اكتر من البودره المائيه

ميرسييييييييييييييييييي يا كوكي [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى