شاطر
استعرض الموضوع السابقاستعرض الموضوع التالي
22082011
انا الحمد لله عملت رقاق الجلاش فى البيت طريقته سهله و طلع جميل جدا مافيش فرق بينه وبين الجاهز بالعكس يمكن احلى وجربو بنفسكم

حتجيبى كوبايتين دقيق وذرة ملح وتعجنيهم بنص كوب ماء او اكتر على حسب نوع الدقيق عندك بتختلف كمية الميه المهم ان العجينه تكون متماسكه
نسيبها ترتاح شويه
ونجهز كوب نشا او اكتر للفرد
اهم حاجه النشا لازم تتوصى بيه قوى
نرش شويه ونبرم عليه العجينه وبعدين نقطعها صوابع بالسكينه زى لما بتيجى تعملى القراقيش كده
نرش عليهم نشا كويس جدا ونرصهم على بعض ونسيبهم يرتاحو شويه
نفردهم واحده واحده واتوصى بالنشا قوى قوى وانتى بتفردى ونرصهم فوق بعض المهم النشا عشان مايلزقوش فى بعض
وبعدين نقلبهم ونجيب اول واحده كانت اتفردت ونفردها تانى كويس جدا لحد ماتبقى رقيقه زى الرقاق الجاهز
ونرصهم فوق بعض ونساوى الاطراف على قد الصينيه الى حتعمليه فيها
نبتدى نرصها فى الصينيه وندهن كل رقاقه بالزبده وبعد مانحط نص الكميه نحشى بالمكسرات او بالتمر او العجوة بيكون جميل
جدااااا
نحط باقى الكميه من الرقاق وماتنسيش تدهنى كل رقاقه تحطيها بالزبده
نقطعها وبعدين ندخلها الفرن على درجة حراره 180 درجة مئوية لحد ماتحمر
نطلعها وهى سخنه ونسقيها بالشربات البارد
وبالهنا والشفا

ماتنسوش التقييم لو عجبتكم

مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

جميل يا فطومه

وانا هجبلكم عجينه بلح الشام زي اللي بيتشري بالظبط

وربنا يعينكم
avatar
تسلميلى يارب يارورو ياقمر

ياريت فعلا ياروان لانى مابعرفش اظبطه خالص مش عارفه ايه مشكلته معايا
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى