شاطر
استعرض الموضوع السابقاستعرض الموضوع التالي
12062011

السلام عليكم ورحمة الله وبركاته
لكل الأميرات المتميزات على منتدانا الغالى اهدى اليكم هذا الموضوع لتتعرفوا على مكياج واسرار الخبيرات

اول حاجه لازم نعرف ان المكياج هو جمال البنت كله من اختيار لبسها وتناسق جسمها مش بس مساحيق التجميل اللى بتستعملها بس

ايه تأثير الاضاءه على المكياج؟
يمكن يكون السؤال غريب شويه بس لازم نعرف ان للاضاءه تأثير على شكل المكياج
الاضاءه البيضاء او الفلوروسينت اثناء وضع المكياج بتخليه يطلع باهت نوعا ما
انما الاضاءه الصفراء المتوسطه بتخلى الالوان تطلع قويه واضحه وحقيقيه
يعنى واحنا بنعمل مكياج افضل نعمله فى اضاءه صفراء متوسطه غير مباشره على وشنا
يعنى تكون اماميه او جانبيه او خلفيه

تحضيرات قبل المكياج

بنحتاج مكعب تلج نمرره على الوش كله لغلق المسام ونضع منديل على الوش ونضغط عليه بهدوء ليمتص المياه الزياده

بعدها نضع زبده كاكاو بالفراوله على الشفايف

اذا كنتى هتلبسى عدسات استعملى قطره قابضه للعين وإلبسى العدسات بعدها

اذا كانت بشرتك فيها اماكن مقشره حطى نقطه كريم مرطب على الاماكن دى قبل ما تمررى التلج على وشك


استخدمى الالوان اللى انتى بتحبيها ومش لازم تربطى لون مكياجك بلون لبسك وفى نفس الوقت ميكونش نشاز معاه يعنى نستعمل الالوان المتماشيه

يعنى مثلا لو لابسه الوان على اخضر ممكن نعمل شادو على بنيات ولو لابسه على ازرق ممكن نعمل على بينكات وهكذا

[[ندعوك للتسجيل في المنتدى أو التعريف بنفسك لمعاينة هذه الصورة]]



مكونات شنطه مكياج خبيره التجميل


**الفرش

1- فرشه كريم الاساس

2- فرشه اللوس بودر

3- فرشه الرموش

4- فرشه الحواجب

5- فرشه البلاشر

6- فرشه الروج

7- فرش اسفنجيه لتوزيع الشادو


**كريم اساس

اما ان يكون سائل او استيك او كومباكت وعلى الاقل يكون فيه منه درجتين واحده فاتحه وواحده غامقه عشان نقدر نستخدمه لكل الوان البشره

السائل بنستخدمه للبشره صغيره السن الخاليه من العيوب وللبشره كبيره السن المجعده لانه خفيف عليها

الكومباكت بنستخدمه للبشره الدهنيه لانه خالى من الزيوت

الاستيك يصلح فى الغالب لكل انواع البشره ويستخدم فى التغطيه العاليه التى يتطلبها ثبات المكياج لفتره طويله مثل مكياج العروس

اهم شئ ان كريم الاساس يكون نوعه كويس ومعروف


**البودره

بودره مضغوطه وبودره لوس بدرجات مختلفه طبعا واللوس بودر يكون بدرجه فاتحه شويه لانه بعمل عمل الكونسيلر تحت العين يعنى بيعمل اضاءه تحت العين


**اقلام كحل بألوانها اسود وبنى وابيض

** كحل كريمى اسود و شادو اسود مطفى

**ماسكرا بألوانها اسود وبنى وأزرق وموف

**آى لاينر اسود مطفى ولامع

**رموش صناعيه بشكل الطبيعيه ومقص صغير لتقصيرها اذا احتاج الامر

**اقلام تحديد شفايف بألوان مختلفه وبرايه

**روج بأنواعه استيك وجلوس وكريم وبألوان مختلفه

**اسفنج مضغوط وقماش للبودره

**بلاشر بألوان مختلفه بنى وروز وموف

**شادو بأنواعه مطفى ولامع و بكل الالوان



كده خلصت مكونات شنطه المكياج للخبيرات والمره اللى جايه هنبتدى فى خطوات وضع المكياج
اذا مهتمين بالموضوع نكمل سوا بس عرفونى

ومستعده للاجابه على اى سؤال شاغل بالكم فى المكياج وفى الماسكات الطبيعيه للوجه وللشعر
مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

avatar
انا عندي البودرة المائية
امتي احطها و ازاي
و الاي لينر ده عاوزة اعرف بيتحط فين فوق الجفن ولا تحت ولا علي خط الرموش
و ايه هو مكياج الصبح الهادي
والمكياج الناعم الغير مبتذل
و ميرسي كتير علي موضوعك الجميل ده
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى