avatar
monaalunaa
اميره فضيه
اميره  فضيه
رقم عضويتك : 18255
عدد المساهمات : 3879
الاوسمه :
03052011
اختبار البوريو
أشهر ستايل للبسكويت من زمان ستايل
بسكويت الشيكولاتة (طبقة فوق + طبقة تحت + في النص طبقة من الكريمة)، أنا
بعتبرها أجمل حاجة ممكن الواحد يبدأ بيها يومه، وأنا من النوع اللي بيحب
يضربها مع كوباية شاي بلبن (أكبر مج في المطبخ)، كنت فاكر إن دي الطريقة
الوحيدة اللي ممكن يتاكل بيها النوع ده من البسكويت، مافيش أجمل من أنك
تسيب اللبن يخترق حبيبات البسكويت ويخليها طرية زي لقمة العيش الفينو اللي
لسه خارج من الفرن وبعدين تحطها في بقك وتستمع بيها وهيه بتدوب لوحدها
وبتاخد طريقها بسهولة في اتجاه المعدة من غير قرقشة وتكسير أسنان وتحس بيها
وهي ماشيه في طريقها وسايبه علي لسانك خليط من طعم السكر والشيكولاته
واللبن الدافي، حاجة تجنن وتخليك تسحب واحدة تانيه وتغرقها في الكوباية
وتبعتها ورا أختها.

الحياة وجهات نظر وكل واحد حر في وجهة نظره ومن
حق أي حد إنه ياكل البسكويت بالطريقة اللي تريحه وتخليه مبسوط، بس خد
بالك... الطريقة اللي بتاكل بيها النوع ده من البسكويت بتحدد شخصيتك وبتقول
عيوبك ومميزاتك.. تحب تعرف نفسك؟

هات باكو بسكويت وانت بتاكله حاول تعرف أنت بتاكله إزاي.. هتلاقي نفسك بتاكله بطريقة من دول..

1- بتاكل الكيس كله علي مرة واحدة.

2- بتاكل الواحدة في قطمة.

3- بتاكل الواحدة قطمة قطمة علي مهلك.

4- بتاكل الواحدة قطمة قطمة لكن بسرعة.

5- بتاكلها مع شاي بلبن أو نيسكويك.

6- بتفك البسكوتاية وبتاكل اللي جوه الأول وبعدين الباقي.

7- بتفك البسكوتايه وبتاكل اللي جوه وترمي الباقي.

8- بتفك البسكوتايه وبترمي اللي جوه.

9- مابتحبش البسكويت أصلا.

طيب...

لو
أنت النوع رقم (1): أنت شخص طايش جدا ومستهتر وفيه ناس كتير متغاظة منك،
أنت شخص الواحد لازم يخاف منه، وفيه كلام كتير علي أنك شخص مايقدرش يشيل
مسئولية وكل حاجة لازم تعتمد فيها علي بابا وماما.

لو أنت من النوع
(2): أنت شبه ملايين الناس علي كوكب الأرض، معظم الناس بتاكل النوع ده من
البسكويت بالطريقة دي، أنت شخص طبيعي جدا بس المشكلة أنك شخص ماعندوش أي
خيال.

لو أنت من النوع (3): أنت شخص منظم جدا، وبتمشي علي القواعد
اللي موجودة في أي مكان بتروحه، بتهتم بالتفاصيل، بتسأل كتير لدرجة ممكن
تصدع الناس اللي حواليك، مابتحبش تعمل مشاكل.

لو أنت من النوع (4):
أنت أول واحد بيسلم ورقته في لجنة الامتحان، وأول واحد بيخلص الواجب بتاعه
في البيت، وفي دماغك مليون حاجة عايز تعملها، بس للأسف مابتخلصش منها ولا
حاجة، محتاج تتعلم التركيز جدا.

لو أنت من النوع (5): أنت شخص عاطفي
جدا، محبوب من اللي حواليك، طيب وماتحبش تزعل حد، عندك طريقة تحول بيها
الحاجة الصعبة لحاجة سهلة جدا، بس ماتحبش تتهزم ولو حتي في ماتش بلاي
ستيشن، ومتعصب جدا لفريق الكرة اللي بتشجعه.

لو أنت من النوع (6):
أنت شخص فضولي، دايما بتحشر مناخيرك في كل حاجة، عايز تكسر أي حاجة تقابلك
علشان تعرف هيه عامله إزاي من جوه (ممكن تكسر دماغ واحد صاحبك علشان تعرف
هو بيفكر إزاي)، تعرف معلومات كتيرة جدا، ذكي وبتقدر تخبي إنك عملت حاجة
غلط، وعلشان كده أنت بتكدب كتير.

لو أنت من النوع (7):أنت هتبقي رجل
أعمال ناجح جدا لأنك عارف أنت عايز إيه بالضبط، بتحب المخاطرة، عندك قدرة
علي التركيز في اللي أنت بتعمله، بس مشكلتك إنك أناني ومشاعرك باردة وساعات
بتكون طماع.

لو أنت من النوع (8): أنت شخص قوي وتقدر تستحمل الألم ومابتشكيش كتير، مشكلتك إنك مابتتكلمش كتير مع اللي حواليك.

لو
أنت من النوع (9): أنت شخص غريب، تقريبا أنت أغرب واحد في العالم لأنك
أصررت تعرف شخصيتك من طريقة أكلك للبسكويت مع إنك مابتحبوش أصلا.

التقييم بسرعة يا بسكوتات
مُشاطرة هذه المقالة على:redditgoogle

تعاليق

a.l.y.a.a
انا رقم 3 ممكن اقعد فى واحده لغايه اللى جمبى ما يخلص الكيس ههههههههههههه
وبردو احب اكلها مع الشاى
avatar
انا باكلها على طريقتين ال 3 و 5
جميييييييييييييييييل الموضوع اوى يا منوس ياقمر
lolla samir
انا با كلها بطريقة مش موجودة هنا
بفكها و آكل الناحية اللي مش عليها كريمة الاول و بعدين اللي عليها الكريمة
ده معناه ايه لسه محدش فهمني ولا ايه ؟
avatar
عارفة انا حركات العيال دي يا لولة كنت بعملها وانا صغيرة
lolla samir
و الله انا معترفة اني لسه طفلة و مش ناوية اكبر ابدا
بس حد يقول لي ده معناه ايه ..... انا مش بنام من التفكير
هههههههههههههههههههه
avatar
اقولك يا ستي معناه انك رايقة جدااااااااااااااااااا وبتحبي تتمزجي بكل حاجة تعمليها ايه رأيك بئة في التفسير دة
avatar
انا رقم 6 بس انا والاهى مش فضولية خاللللللللللللص بس انا بحب الكريمة اكتر عشان كدة بكلها الاول [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
avatar
انتي قمر يا دينا وعسل خالص حساكي كدة
صلاحيات هذا المنتدى:
لاتستطيع الرد على المواضيع في هذا المنتدى