شاطر
استعرض الموضوع السابقاستعرض الموضوع التالي
25032011
المقدمة



أستيقظت
من نومها الطويل وهى تشعر بألام شديدة
من صداع ودوار يكاد أن يفجر رأسها
فأخذت تنظر شاردة إلى حجرتها وكأنها تراها للمرة الأولى وجدت نفسها نائمة
على الأرض وتذكرت أنها كانت تصلى ثم أخذت تدعو وتبكى إلى أن غشى عليها
النوم فهى كانت تدعو الله أن يرزقها الحبيب والزوج الصالح الذى يملأ حياتها
فهى تشعر بالوحدة بالرغم من كثرة صديقاتها وأقاربها حقيقة هى لم تتجاوز
الثامنة عشر من عمرها فتكاد تبدو صغيرة ومراهقة إلا أنها تمتاز بالنضج
العقلى والجسدى فهى حكيمة وأديبة وربة منزل ماهرة وأيضا طالبة مجتهدة
جدااااا فى دراستها لا ترضى بالفشل ولا تسمح له أن يقتحم حياتها وعلى الرغم
من ذلك فتراها عابدة لله تعالى تحاول أن ترضيه قدر أستطاعتها.....وهى
عاشقة تحب الحب المجرد ولكنها لا تنجرف نحو كلمات الحب الزائفة فلديها من
الفراسة ما يجعلها تفرق بين الحب الصادق والتيكاوى
..........
إنها
<<نهى>> طالبة فى المرحلة الثانية من الثانوية العامة على
الرغم من مشاكل دراستها إلا أنها لم تنس انها عاشقة فأخذت تبحث عن الحب فى
خيالها ووضعت الحب هدفا أمام عينيها وأتخذت دراستها دربا لتحقيق هذا الهدف
فهى لن ترضى أن ترتبط بأنسان غير ناجح ولذا لا يجب عليها النجاح فقط بل
التفوق
................

















]uالحلقة الأولى]




ياااااااااه باقى شهرين على أمتحانات الثانوية العامة يارب ساعدنى نفسى أحقق طموحى وأدخل الكلية إللى نفسى فيها .. يارب ساعدنى.......
وبعد مرةر ثلاث أشهر........

-الحمد لله إنالأمتحانات خلصت على خير يا ماما أنا فعلا كنت حاسة أنى همووووت من التعب وقلة النوم كنت دايما اصحى مفزوعة من النوم وأقول لنفسى"شوفى كده يا بت يا نهى يمكن فيه حاجة مش متأكدة منها لما رجعت المنهج كله حوالى أربع مرات"
-الحمد لله يا بنتى بس المهم إنه يكون بفايدة إن شاء الله ربنا هيجزيك خير على تعبك
-يارب ياماما أنا كل ما أفتكر إنه خلاص كلها ساعتين تلاتة والنتيجة تظهر بتمنى إنى أموت ولا أعرفها
-يا بنتى إن شاء الله خير يالا أنتى بس أتوضى وصلى ركعتين علشان تهدى كده.....
حااااااااااضر يا ماما بس انتى أدعيلى.
وفجأة تخرج نهى مفزوعة على صوت ضجيج بالخارج
-إيه يا جماعة خير فيه أيه؟؟؟؟؟؟؟؟؟؟؟؟؟
-فيه يا ستى إن أولا عمك جابولك النتيجة بتاعتك.
-نتيجتى أنا؟؟؟؟؟؟؟؟؟بس أنا مش عاوزة أعرفها علشان خاطرى يا ماما بلاش خليهم يروحوووووو
-هما مين دول إللى يروحو يا أنسة نهى طيب أحنا مش هنقولك ع المجموع لكن ناقص منه 3.5%راحو فين يا أنسة؟؟؟؟؟؟؟؟؟
-أيه أنا جبت 3.5% ......يا نهاااااااار
-ههههههههههههههههى تقصد المجموع ناقص 3.5% يعنى المجموع أصلا 96.5%
مبروك يا حبيبتى شوفتى أزاى ربنا جزاكى عن تعبك.
-ااااااااااااااه الحمد لله ألف حمد وشكر ليك يارب ...وتركت الجميع فرحين ودخلت حجرتى وسجدت شكراااا لله تعالى وغرقت بين دموع فرحتىوتذكرت حبيبى الغائب الذى لا أعرفه ودعوت الله أن يرزقنى به عن قريب ليشاركنى فرحتى.........


************
مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

avatar
ياااااااااااااااااااااااااااارييييييييييييييييييت اشوف ردودكم ع الموضوع I love you
avatar
تسلم ايديكى يا قمر مستنيين الباقي اوعي تتاخري علينا شوقتينا
نورتينا واسعدنا انضمامك معانا ان شاء الله تنبسطي معانا وتستفيدي شكرا I love you بحبكم
نهى أيوب
حلو قوى ياريت تكمليها
Sandro
وتذكرت حبيبى الغائب الذى لا أعرفه ودعوت الله أن يرزقنى به عن قريب ليشاركنى فرحتى.........

حلوة اوووووووووووي كمليها انا بحب القصص ديه جدا
avatar
لا لا لا كده ازعل انتى لسه قولتى حاجة ده احنا يا دوب بنسخن معلش يا قمر متتاخريش علينا مستنين التكملة
ربنا يجازيكى خير ويرزق الجميع ازواجا صالحين جزاكى الله خيرا
nodaa
هااااااااااااااااااااااااااااااااااا وبعدين

يلا بسرعة كملى

avatar
الحلقة الثانية
***********
سبحان الله النهاردة أول يوم رمضان والواحد حاسس إنه هيموووت من التعب علشان مشريش شوية ميه إنما الناس إللى ياعينى فى الحرب يعملو إيه؟؟
-يانهى يالا تعالى علشان تحضرى معايا الفطار
-حاضر يا ماما بس ممكن بعد ما نصلى المغرب إن شاء الله كده ونفطر أنزل لأصحابى علشان نصلى العشاء وصلاة التراويح فى المسجد الجديد أللى جبنا......
-ماشى يا نهى مافيش مانع إنزلى مع والدك بعد الفطار وبالمرة خدى الروشيتة ديه هاتيها من الصيدلية وأنتى راجعة.
-أيوة يا ماما لكن أنا مش بحب أشترى حاجة.
-نهى هى كلمة واحدة مفيش غيرك نازل دلوقتى ولا تصلى هنا معايا أحسن....
لأ وعلى إيه حاضر يا ماما..........
ونزلت نهى وراحت مع صحباتها المسجد علشان يصلوا ...

-
-
-
طيب يا بنات أنا رايحة أجيب الوا من الصيدلية لماما مين شطورة هتيجى معايا؟؟؟؟؟؟؟؟؟؟
-أيه مين دول اللى يروحو معاكى باى باى يا نونوس نتقابل إن شاء الله بكرة سلاااااام
-ماشى وعليكم السلام ورحمة الله وبركاته..
-ودخلت نهى الصيدلية إللى فاتحة جنب البيت عندهم من سنتين تقريبا لأول مرة........
-السلام عليكم.
-وعليكم السلام ورحمة الله وبركاته.
-لو سمحت يا دكتور ممكن تصرفلى الروشيتة ديه؟؟؟
-تحت أمرك يا أنسة بس هو فيه نوع واحد بس مش موجود دلوقتى ممكن كمان ساعة تيجى تاخديه.

-لأيا دكتور مش هقدر أنزل تانى.
-خلاص مفيش مشكلة ممكن حضرتك تدينى العنوان وأنا أبعته للبيت.
-أوكى يا دكتور...
-طيب أسم حضرتك إيه؟؟؟طبعا نهى سمعت كده قالت فى نفسها وهو ماله أسمى إيه ده رخم وقليل الذوقأنا يادكتورأسمى محمد
-نعم يا أنسة أسم حضرتك محمد؟؟؟لأ ده أسم والدى مش هو ده إاللى المفروض تبعت عليه العلاج
-فعلا عندك حق ..المهم أتفضلى الورقة ديه لما يجى لك الدليفرى تديها له وهو يديلك العلاج
-متشكرة سلام عليكم......
وأخدت نهى الورقة وفتحتها وهى فى طريقها للبيت ووجدت توقيع الدكتور موجود بأسم دكتور أحمد.....
بعد ما نهى مشيت من الصيدلية دكتور أحمد أفتكر موقف لما سألها عن أسمها وأزاى وشها جاب ألوان الطيف ومن ساعتها مش مبطل ضحكوبعد مرور أسبوع......
دكتور أحمد واقف فى الصيدلية ووجد إن نهى داخلة ...يا ترى إيه الحوار اللى دار بينهم.؟؟هنعرف الحلقة الجاية إن شااااااااء الله تعالى
a.l.y.a.a
جميله بس طولى الحلقه شويه و متتاخريش
avatar
الحلقة التالتة

************
أحمد كان موجود فى الصيدلية وفجأة نهى دخلت وكانت منهارة من العياطدكتور أحمد: فيه ايه يا أنسة مالك؟؟؟ونهى مش قادرة تتكلم ومش مبطلة عياااط
-أيه اللى حصل بس فهمينى؟؟؟ حد سألك عن أسمك وقولتيله عليه...
-لأ بس فجأة ماما وقعت فوق الأرض ومش بترد عليا خااااالص وأنا لوحدى
-طيب خلاص الله يخليكى مش تعيطى كده أنا هجيب جهاز الضغط وأجى معاكى..


فى بيت نهى...
أتفضل يا دكتور... ماما جوة فى الأوضة تشرب إيه؟؟؟؟؟لأ أنا عاوز أشوف مامتك دلوقتى...
----أحمد دخل عند والدة نهى وكان بيقيس لها الضغط ونهى مش مبطلة عيااااااط
-لو سمحتى يا آنسة ممكن تسكتى شوية صدعتينى..... ع العموم والدتك كويسة بس هى ضغطها واطى شوية
-
-أنا مش قولتلك تبطلى عياااط أقولك أطلعى برة الأوضة أحسن
-نعم يا دكتور هو حضرتك جاى تطردنى من بيتنا؟؟؟؟
-أنا مش هرد عليكى المهم والدتك ضغطها واطى وأنا هبعتلها دوا للضغط دلوقتى ولازم تقيسه كل4 ساعات...فاهمة .
أحمد كان بيشخط فى نهى لكن من جواه بيضحك وهى صعبانة عليه جداا لأنه حاسس أنها طيبة.......... وبعدين خرج أحمد من الأوضة علشان ينزل من البيت فشاف إن نهى فاتحة باب الشقة وعرف أنها عاملة كده علشان هو موجود فضحك فى سره وفى نفس الوقت أحترمها جدااااااا
-مع السلامة يا أنسة.........
(برده مش هقولك على أسمى) متشكرة يا دكتوروبعد شوية رن جرس التليفون ونهى راحت علشان ترد
-ألو : سلام عليكم
-وعليكم السلام منزل الأستاذ محمد؟؟أيوة يا فندم مين حضرتك؟؟؟
-أنا الدكتور أحمد مين حضرتك؟؟؟؟نهى سمعت كده ومش عارفة ترد تقول أيه(ممممممم)أيوة يا دكتور خير؟
-أبدااا بس كنت بسأل ليه مامتك ماجتش تقيس الضغط هى عاملة أيه دلوقتى؟؟الحمد لله أحنا كنا بنجهز وخلاص نازلين
-أوكى أنا فى أنتظارهامع السلامة يا دكتور....
نهى نزلت مع ما متها علشان تقيس الضغط والحمد لله نهى قابلت فى الشارع واحدة صحبتها أسمها سهى
-أزيك يا سهى عاملة إيه؟فينك يا بنتى من زمان مش شوفتكأنا الحمد لله كويسة انتى ايه أخبارك؟؟؟الحمد لله .. أنتى عاملة أيه مع خطيبك.
-الحمد لله ما تيجى معايا أنا رايحة أشترى حاجات من البوتيك إللى فى أول الشارع ونتمشى شوية.
-مش هينفع والله يا سهى لأنى رايحة مع ماما تقيس الضغط.
أم نهى : لأ روحى يا نهى أحنا أهوه قدام الصيدلية أنا هدخل لوحدى.
-أيوة يا ماما بس أزاى أسيبك؟؟؟؟
-أم نهى :خلاص روحى أنا كويسة ...
وطبعا دكتور أحمد كان متابع الحوار كله من جوا الصيدلية ولما شاف نهى مشيت مع صحبتها حس بخيبة أمل وكان هو إللى هيعيطنهى مع سهى فى البوتيك
-أيه يا بنتى سرحانه فى أيه؟؟ أنتى بتحبى جديد ولا حاجة
-لا أبدااا والله بس أنا قلقانة على ماما بصى أنا مش هقدر أكمل معاكى لازم أروح وهبقى أكلمك سلام......

أحمد كان زعلان جداااااا إن نهى مش دخلت مع مامتها وكان بيفكر أزاى يعرف أسمهايا ترى أحمد هيعرف أسم نهى أزاى ؟؟وأزاى هيكلمها تانى؟؟؟
هنعرف الحلقة الجاية
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى