المتواجدون الآن ؟
ككل هناك 13 عُضو متصل حالياً :: 0 عضو مُسجل, 0 عُضو مُختفي و 13 زائر :: 2 عناكب الفهرسة في محركات البحث

لا أحد

استعرض الموضوع السابقاستعرض الموضوع التالي
08032011

الينسون anise

تقييم المساهمة: 100% (1)
اولا اسفة ع التاخير هو المفروض ده الموضوع بتاع امبارح بس اعذروني
المهم اول حاجة الينسون ده اساسا فاكهة ايوووووة يعني الينسون ال عندنا ف البيت ده من الفواكه مش بذور
تاني حاجة مهمة جدا طريقة تحضير الينسون ممنوع ممنوع ممنوع الغلي لو غلتيه كأنك بتشربي مية بالظبط و لا ليه اى فايدة عشان المادة الفعالة فيه هي عبارة عن زيوت طيارة لو اتغلي الزيوت دي بتتطاير و خلاص الفايدة كلها بتروح يبقى ازاى بقى نحضر الينسون زي الشاى بالظبط نحطه هو و السكر في كوبايه و نصب الميه السخنة عليه وبعد ما نصب المية نغطي الكوباية و نسيه 3 دقايق كده و بعدين نشربه
نتكلم بقى عن فوايد الينسون
هو طارد للبلغم و عشان كده بيستخدم كعلاج للكحة
كمان هو ملطف و بردو عشان كده بيستخدم ف علاج الكحة والتهاب الشعب الهوائية و السعال الديكي
زمان كانو بيستخدموه عشان المغص عند الاطفال ومازالو طبعا
مدر للطمث و مدر للبن
يستخدم ف علاج انتفاخ القولون
كمان حلو جدا للهضم ممكن تضفيه للشاى و تشربيه هيدي طعم حلو و هيساعد ع الهضم
مين ابقى الناس ال الازم تستشير الطبيب قبل ما تشرب الينسون
في بعض الناس عندها حساسية من الينسون ف اذا شربته ممكن تتعب لو حصل كده نروح للدكتور و نسأله هل ده بسبب الينسون و لا ليه اسباب تانية
كمان الناس ال بتعاني من الضغط المرتفع لازم استشارة الدكتور قبل شرب الينسون
ياااااارب يكون الموضوع عجبكو و ادعوووووووولى ربنا ييسرلي كل عسير
و عايزة اسألكو ايه رايو المرة الجايةاكتب شوية تعليمات لازم نعملها لما نيجي ناخد الدوا و لا اكمل اعشاب و خلاص ؟؟؟؟؟
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق
avatar
في 08.03.11 0:48كليوباترا
ما شاء الله عليكى يا قمر بجد مواضيعك هايله كل اللي بتنزليه مفيد زي ما يقولوا البنات بس انا حبه اعرف عن الادويه والتعليمات بردوا تفيدنا اوى لاننا انا عارفه بنعك كتير شكرا روعه مع حبي
في 08.03.11 1:01super mero
ربنا يخليكي يا كوكي و ترفعي معنوياتي هههههههه خلاص هنشوف هيقولو ايه و كده كده هكتب ده و ده
avatar
في 08.03.11 1:30a.l.y.a.a
جميل قوى تسلمى على المعلومات دى واكتبى فى كل حاجه ادويه واعشاب عايزين نعرف كل الحاجات دى
في 08.03.11 1:32semsemaamir
شكرا يا قمر علي الموضوع تسلم ايدك
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى