المتواجدون الآن ؟
ككل هناك 23 عُضو متصل حالياً :: 1 أعضاء, 0 عُضو مُختفي و 22 زائر :: 2 عناكب الفهرسة في محركات البحث

كليوباترا

استعرض الموضوع السابقاستعرض الموضوع التالي
01032011
طريقه بيتزا سهله و بسيطه اوى
الطريقه دى شفتها زمان فى برنامج و من ساعتها ما غيرتهاش عشان مفيش اسهل ولا ابسط من كده
المكونات
3 كوب دقيق ( يمكن استخدام 2 كوب دقيق اسمر و كوب دقيق ابيض لتكون اخف و اصح )
1 معلقه كبيره خميره فوريه ( لو عايرتى الدقيق بكوبايه صغيره خليها معلقه خميره ممسوحه و لو مج كبير املى المعلقه شويه و طبعا كله بالنظر )
كوب و ربع حليب دافئ
بيضه واحده
رشه ملح و رشه سكر

الطريقه

يتم خلط كل المكونات الجافه مع بعض
ضيفى البيضه ثم ضيفى الحليب بالتدريج حتى تتأكدى من ان الكميه مناسبه ولا تزيد عن حاجتك و تعجن جيدا حتى تكون طريه فى ايديكى وما تكونش بتلزق
جمعى العجين كويس و تحطى فى ايديك شويه زيت و تدهنيها كلها عشان و هى بتخمر ما تلزقش و تقفش فى جوانب الطبق و بعد كده تغطيها كويس او تحطى الطبق فى كيس و تربطيه و تحطيها فى مكان دافى ساعه الا ربع و بعد كده افرديها فى الصوانى ورققيها على قد ما تقدرى عشان لما تخمر و تنفش و هى بتستوى ما تلاقيهاش سميكه
بألف هنا و شفا و تحت امر كل الأميرات فى اى وصفه من معلوماتى المتواضعه



عدل سابقا من قبل Mai Hasan في 01.03.11 22:58 عدل 1 مرات
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق
شكرا ليكي يا مى بجد موضوع رائع
تسلم ايديك بس اكتبي فوق انها وصفتك الخاصه علشان العضوات يعرفوا انها طريقتك
و انا شخصيا هبقى اجربها ان شاء الله
تسلم ايديك يا قمر
انا اللى اشكرك انك شجعتينى انزلها و خصوصا ان ده اول موضوع انزله و ان شاءالله ماتبقاش الاخيره و ميرسى على ردك الجميل كلك ذوق
ان شاء الله مايبقاش الاخير
انا هستنى مواضيعك الجميله ديه
تسلم ايديك
avatar
مقولتيش طريقة الصلصة وبقية البيتزا انتي قولتي العجينة بس !!!!!!كمليها وخدي ثواب ههههههههه
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى