المتواجدون الآن ؟
ككل هناك 30 عُضو متصل حالياً :: 1 أعضاء, 0 عُضو مُختفي و 29 زائر :: 3 عناكب الفهرسة في محركات البحث

كليوباترا

استعرض الموضوع السابقاستعرض الموضوع التالي
06042010
اعرفي عريسك من طريقة اكله

1- إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في عواطفه وقراراته ويبقى ده آخر الرجال المحترمين..

كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي..

وطايش.. وأوعي تتجوزيه أحسن ياكلك وانتي نايمة....؟؟


3- أما إذا كان مش مهتم بالمرة.. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست فى وقت واحد واعملي حسابك هاتركبي وتدلدلي رجلييكي.


4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من على الأكل قبل أي حد تاني.
يبقى متسرع .. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك.


5- أما إذا كان بياكل على مهله.. ويمزمز.. فى كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم فى الأكل من العصر
للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش
بدري.... بدري....
إخلعي يا أمي...


6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"
""ماعاليش برَّه يا حبيبي وخد الباب ف أيدك""
مُشاطرة هذه المقالة على:diggdeliciousredditstumbleuponslashdotyahoogooglelive
تعاليق
هههههههههههههههه والله دمك زى العسل
هههههههههههه بجد تجنن حلوه قوي تسلمي ياجميل
ههههههههههههههههههههههه حلوة موووت موضوع جميل تسلمي
هههههههههههههههههههههههههههههه لالي عندها حق بصراحه يا نفرتيتي علشان الواحد يقصر هههههههههههههههههههههه
avatar
في 11.10.10 2:39فتاة الاحزان
هههههههههههه دمك شربات ياتوتا ياقمر
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى