منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
a.l.y.a.a
اميره برونزيه
اميره برونزيه
رقم عضويتك : 10196
عدد المساهمات : 1078
الاوسمه :
23012011

انا امبارح عملت حواوشى وقلت اصورهلكم بس هى الصور مش مظبوطه قوى معلش اصل اول مره اصور اكل
ان شاء الله المره اللى جايه اصور احسن من كده
نبتدى بئا
انا عايزاكى تقومى تدخلى المطبخ وتحضرى الحاجات دى

المقادير

1_نصف كيلو لحم مفروم (والكميه دى تكفى لعمل 5 ارغفه )
2_بصلايه كبيره وطمطمايه
3_بقدونس وكسبره خضراء
وثوم
وفلفل اخضر حــــــــــــامى

4_وليه

وملح وفلفل اسود وشطه لو عايزاها مشطشطه





الطريقه

نقطع المقادير زى ما انتوا شايفين كده والبصل قطع صغيره جداااا وبعدين نحمر البصل والثوم لغايه ما يبئا لونه اصفر ونحط الطماطم المقطعه





نسبها تدبل شويه وبعدين نحط البقدونس والكسبره والفلفل الحامى واللحمه المفرومه والليه ونضيف بئا الملح والفلفل الاسود
والشطه






ونسبها لغايه ما تستوى شويه اللحمه مش كتير يعنى من 5 _10 دقائق
وتبئا بالشكل ده والليه دى بتعمل طعم وريحه جامد جدااااااااااااا








نجيب بئا صاج والصاج اللى فى الصوره دا اللى بيبئا فى الفرن بتاع البوتاجاز
وتدهنيه بماده دهنيه وبردو تحطى فيه حتت من الليه الصغيره

وتقطعى العيش من الطرف بس مش كله يعنى حته تقدرى تحطى منها الخلطه دى بسهوله وانت مستريحه

وفى الوقت اللى بتحطى الخلطه فى العيش تولعى على الفرن على الاخر




ودخليه الفرن وسبيه لمده 5 دقائق والنار عاليه وبعدين وطى عليها شويه
ولو حسيتى انه ممكن يتحمص من تحت قوى ممكن تولعى الشوايه ثوانى علشان يحمر الرغيف من فوق

وبعد ما تطلعيه وحسيتى انه ناشف قوى حطيه فى اى حاجه وغطيه شويه هتلاقيه متحمص وطرى فى نفس الوقت تعرفى تاكليه




وقدميه مع سلطه طحينه
وبالهنا والشفا





مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
تسلم ايديكى يا قمرايه بس احنا بعد ما بنتبل اللحمه بنحطها نيه جوه العيش على طول و دايما بنعملها كده و بتستوى كويس و العيش بيتحمر و يبقى مقرمش و جميل بس نفسى اجربه بالعجينه زى الاسكندرانى و ياريت اللى بتعرف تعمله تكسب فينا ثواب و تحطلنا الوصفه بس بجد طريقتك جديده و جميله اوى تسلملنا ايديكى. انا فى سر صغير بعمله فى الحواوشى بيخلى طعمه جنان و عشان بحبكم هاقلكم عليه, انا بحط شويه دبس رمان على الخلطه و كمان انا عايشه فى الخليج وفى حاجه بتتباع نوع من انواع التوت المجفف بتبقى حبوبه حمرا و صغيره كده بس بيقولو عليها رمان مجفف برضه بحط شويه بس ممكن الدبس كفايه و موجود فى مصر بيديله مزازه جميله اوى لو جربتوها ان شاءالله هاتحبوها و كل اللى هايدوقها هايقولك قد ايه طعمها حلو
avatar
ميرسى يا مى على السر الخطير ده
avatar
تسلم ايدك جوعتتتتتتتنى
تسلم ايدك يااقمر انا بحبووو اوى
سلمت الايادى حلوووووووو قووووووووووى

قبلاتى
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى