منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 36 عُضو متصل حالياً :: 2 عُضو, 0 عُضو مُختفي و 34 زائر :: 1 روبوت الفهرسة في محركات البحث

joka.jaky, وائل ربوع

أكبر عدد للأعضاء المتواجدين في هذا المنتدى في نفس الوقت كان 1001 بتاريخ 24.03.13 0:13

طريقه عمل الحواوشى بطريقتى .....بالصور

صفحة 3 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل

23012011

مُساهمة 

default طريقه عمل الحواوشى بطريقتى .....بالصور





انا امبارح عملت حواوشى وقلت اصورهلكم بس هى الصور مش مظبوطه قوى معلش اصل اول مره اصور اكل
ان شاء الله المره اللى جايه اصور احسن من كده
نبتدى بئا
انا عايزاكى تقومى تدخلى المطبخ وتحضرى الحاجات دى

المقادير

1_نصف كيلو لحم مفروم (والكميه دى تكفى لعمل 5 ارغفه )
2_بصلايه كبيره وطمطمايه
3_بقدونس وكسبره خضراء
وثوم
وفلفل اخضر حــــــــــــامى

4_وليه

وملح وفلفل اسود وشطه لو عايزاها مشطشطه





الطريقه

نقطع المقادير زى ما انتوا شايفين كده والبصل قطع صغيره جداااا وبعدين نحمر البصل والثوم لغايه ما يبئا لونه اصفر ونحط الطماطم المقطعه





نسبها تدبل شويه وبعدين نحط البقدونس والكسبره والفلفل الحامى واللحمه المفرومه والليه ونضيف بئا الملح والفلفل الاسود
والشطه






ونسبها لغايه ما تستوى شويه اللحمه مش كتير يعنى من 5 _10 دقائق
وتبئا بالشكل ده والليه دى بتعمل طعم وريحه جامد جدااااااااااااا








نجيب بئا صاج والصاج اللى فى الصوره دا اللى بيبئا فى الفرن بتاع البوتاجاز
وتدهنيه بماده دهنيه وبردو تحطى فيه حتت من الليه الصغيره

وتقطعى العيش من الطرف بس مش كله يعنى حته تقدرى تحطى منها الخلطه دى بسهوله وانت مستريحه

وفى الوقت اللى بتحطى الخلطه فى العيش تولعى على الفرن على الاخر




ودخليه الفرن وسبيه لمده 5 دقائق والنار عاليه وبعدين وطى عليها شويه
ولو حسيتى انه ممكن يتحمص من تحت قوى ممكن تولعى الشوايه ثوانى علشان يحمر الرغيف من فوق

وبعد ما تطلعيه وحسيتى انه ناشف قوى حطيه فى اى حاجه وغطيه شويه هتلاقيه متحمص وطرى فى نفس الوقت تعرفى تاكليه




وقدميه مع سلطه طحينه
وبالهنا والشفا





الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

طريقه عمل الحواوشى بطريقتى .....بالصور :: تعاليق

مُساهمة في 24.01.11 10:40 من طرف فاطمة الزهراء

عجينة العيش سهله جدا دقيق خميره ماء دافئ ملح تحطى الدقيق و الملح وتذوبى الخميره فى ميه دافيه و تضيفيها وتبتدى تحطى الميه على الدقيق شويه شويه وتعجنى كويس لحد ما يبقلى عندك عجينه متماسكه وتسيبيها تخمر وبعدين تقطعى العجين ثم تبططى وتسيبيه شويه بعدين تحطى الحشو وتقفليه كويس و تدخليه الفرن تسيبيه يستوى كويس عشان اللحمه تستوى من جوى مظبوط لما يطلع حيكون ناشف شويه تحطيهم على بعض وتسيبيه شويه حيبقى طرى
الحشو تعمليه بنفس المقادير اللى علياء كتبتها ربنا يكرمها

الرجوع الى أعلى الصفحة اذهب الى الأسفل

مُساهمة في 24.01.11 14:20 من طرف a.l.y.a.a

حلو قوى موضوع انكم تعجنوا العيش بس انا مكنتش بعرف ازاى بيتعمل
وتسلميلى يا كوكى وشكرا يا بطوط انك قولتنا على طريقه عجن العيش
نورتونى بجد ومبسوطه انها عجبتكم

الرجوع الى أعلى الصفحة اذهب الى الأسفل

مُساهمة في 25.01.11 0:07 من طرف monia14

عجينة العيش عبارة عن دقيق وماء دافي وخميرة وملح ويتعجن لحد متكون العجينة طريه وتسيبيه يخمر
وبعدين تقطعيه كور وتسبيه يرتاح لحد متعملي الحشو اللي و اللحم وتكون نيه
وبعدين تحطي الحشو فالعجين وتلفي العجين على اللحم ويكون على شكل رغيف عيش
وعشان العجين مش يلصق فايدك رشي شوية دقيق
وبعدين سبيها تهدي شووبعدين حطيها فالفرن لحد متستوي

الرجوع الى أعلى الصفحة اذهب الى الأسفل

مُساهمة في 25.01.11 0:19 من طرف نفرتيتي

شكرا ليكي يا اميرة على الوصفه الهايله هاخد طريقه العجين منك و طريقه اللحم من علياء و اعمل حواوشي
تسلم ايديكوا يا بنات

الرجوع الى أعلى الصفحة اذهب الى الأسفل

مُساهمة في 25.01.11 0:35 من طرف sebrahem

تسلم ايديكم انتو ا الاثنين أخواتي وطريقه تفتح النفس وكمان طريقة العيش كنت بحسها صعبه سهلتيها عليا الله يبارك لكم
انا ام ابراهيم عضوه مش جديده أوي بس مشاركاتي قليله بعض الشئ بس اكيد بستفيد أوي منكم جزاكم الله خيرا

الرجوع الى أعلى الصفحة اذهب الى الأسفل

صفحة 3 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى