طريقه عمل الحواوشى بطريقتى .....بالصور

صفحة 1 من اصل 6 1, 2, 3, 4, 5, 6  الصفحة التالية

avatar
a.l.y.a.a
اميره برونزيه
رقم عضويتك : 10196
عدد المساهمات : 1078
الاوسمه :

مُساهمةa.l.y.a.a


انا امبارح عملت حواوشى وقلت اصورهلكم بس هى الصور مش مظبوطه قوى معلش اصل اول مره اصور اكل
ان شاء الله المره اللى جايه اصور احسن من كده
نبتدى بئا
انا عايزاكى تقومى تدخلى المطبخ وتحضرى الحاجات دى

المقادير

1_نصف كيلو لحم مفروم (والكميه دى تكفى لعمل 5 ارغفه )
2_بصلايه كبيره وطمطمايه
3_بقدونس وكسبره خضراء
وثوم
وفلفل اخضر حــــــــــــامى

4_وليه

وملح وفلفل اسود وشطه لو عايزاها مشطشطه





الطريقه

نقطع المقادير زى ما انتوا شايفين كده والبصل قطع صغيره جداااا وبعدين نحمر البصل والثوم لغايه ما يبئا لونه اصفر ونحط الطماطم المقطعه





نسبها تدبل شويه وبعدين نحط البقدونس والكسبره والفلفل الحامى واللحمه المفرومه والليه ونضيف بئا الملح والفلفل الاسود
والشطه






ونسبها لغايه ما تستوى شويه اللحمه مش كتير يعنى من 5 _10 دقائق
وتبئا بالشكل ده والليه دى بتعمل طعم وريحه جامد جدااااااااااااا








نجيب بئا صاج والصاج اللى فى الصوره دا اللى بيبئا فى الفرن بتاع البوتاجاز
وتدهنيه بماده دهنيه وبردو تحطى فيه حتت من الليه الصغيره

وتقطعى العيش من الطرف بس مش كله يعنى حته تقدرى تحطى منها الخلطه دى بسهوله وانت مستريحه

وفى الوقت اللى بتحطى الخلطه فى العيش تولعى على الفرن على الاخر




ودخليه الفرن وسبيه لمده 5 دقائق والنار عاليه وبعدين وطى عليها شويه
ولو حسيتى انه ممكن يتحمص من تحت قوى ممكن تولعى الشوايه ثوانى علشان يحمر الرغيف من فوق

وبعد ما تطلعيه وحسيتى انه ناشف قوى حطيه فى اى حاجه وغطيه شويه هتلاقيه متحمص وطرى فى نفس الوقت تعرفى تاكليه




وقدميه مع سلطه طحينه
وبالهنا والشفا





صفحة 1 من اصل 6 1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
طريقه عمل الحواوشى بطريقتى .....بالصور :: تعاليق
نفرتيتي
ملكه المنتدى
ملكه المنتدى
رقم عضويتك : 2
عدد المساهمات : 18504
الاوسمه :

مُساهمة في 23.01.11 17:20 من طرف نفرتيتي

الله انا بحب اوى الحواوشي
بس بعمله بطريقه تانيه خالص
انا بجيب المقادير اللى قلتى عليها بس التسويه مختلفه خالص
جربيها و قوليلي رايك
بصى اللحمه المفرومه بتحطيها نيه قبل ما تستوى فى العيش
و تجيبي طاسه بغطى و تحطى عليها نقطه زيت او سمنه و تحطى فيها الحواوشي و تعدى تقلبيها و غالبا هتحتاجى تحطى زيت او سمنه تانى مع نقطه مياه و هتبقى حلوة
و الف شكر على الطريقه الرائعه و التصوير حلو
تسلم ايديك
avatar
MisS.G
اميره جديده
اميره جديده
عدد المساهمات : 10
الاوسمه :

مُساهمة في 23.01.11 18:24 من طرف MisS.G

أنا بحب الحواوشي أوييييي

تسلم إيديكي Smile
avatar
a.l.y.a.a
اميره برونزيه
اميره برونزيه
رقم عضويتك : 10196
عدد المساهمات : 1078
الاوسمه :

مُساهمة في 23.01.11 19:11 من طرف a.l.y.a.a

جميل يا نفرتيتى انا سمعت بردو انا ممكن اخلط كل المقادير دى واحطها فى الرغيف من غير ما اسوى اللحمه يعنى كله نى بس خفت احسن الرغيف ينشف قوى وتكون اللحمه لسه نايه
اتفضلى يا miss.sاجبلك رغيف ؟

نفرتيتي
ملكه المنتدى
ملكه المنتدى
رقم عضويتك : 2
عدد المساهمات : 18504
الاوسمه :

مُساهمة في 23.01.11 20:49 من طرف نفرتيتي

اهه ياريت تبعتيلي انا كمان واحد اصلى بحبه اوى اوى

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى