وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 عايزة تكتشفى هو بخيل ولا لأ تعالى بسرعه اقولك ازاى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
20012011
مُساهمةعايزة تكتشفى هو بخيل ولا لأ تعالى بسرعه اقولك ازاى


طرق اكتشاف الرجل البخيل


طرق اكتشاف الرجل البخيل
عزيزتي الفتاة... لازم تكوني عارفة ومتأكدة ومقتنعة انه اسوأ صفة في الرجل على الاطلاق هيي البخل.. وانه الكرم هو افضل واحسن صفة ممكن يتصف فيها الرجل على الاطلاق و الي ممكن تغطي على عيوبه التانية..
بينما البخل هيي الصفة الي ممكن تحول الحياة لجحيم ومش ممكن علاجها لأنه الطبع غلب التطبع..
لذلك اقدم لكي هذا الكتاب قصدي البوست ليكون دليلا لكِ ترجعين اليه حتى تعاينيه وتكتشفيه ازا بخيل او لا...


مين هو البخيل؟




البخل عامل عام.... يعني مش بس بخل مالي بل هو بخل في العواطف والمشاعر الإنسانية... وهاد هو العنصر المؤلم اكتر شي بالنسبة للزوجة..
البخيل ثري في أغلب الأحوال بس مش مبين عليه .. بيملك المال لكنه بطلع من تحت جلده يعني مش من الجيبة ، وما بحب مساعدة الآخرين سواء مساعدة مادية أو معنوية.. يعني اناني ولئيييم.


ليش صار بخيل؟

البخل مرض نفسي وتربوي.. والي بقلك غير هيك اجحريه وقوليله لا مرض نفسي
يعتبر نوع من أنواع افتقاد الإحساس بالأمن والأمان ،من اهم اسبابه الحرمان في الصغر أو أنه بالفطرة إنسان أناني ويكره العطاء والإنفاق على أهل بيته.


البخل والحرص:
ولو انه في فرق بين البخل والحرص الي هو التدبير والاقتصاد، لكن الحرص مش من الصفات الي بيفتخر فيها الرجل (مع انه لا يعيب الرجل)... انما الحرص ضروري تتصف فيه المرأة الي هيي مفروض تكون مدبرة المنزل. بينما الكرم صفة بتتناسب مع طبيعة الرجل ووظيفة (القوامة) يعني الشغلة هاي في صميم الرجولة..



اكتشفي بخله فقط بخمس نقاط

عزيزتي.. النقاط التالية هيي نتاج بحث وتمحيص وسؤال وتجريب... فإزا كنتي بتحبي واحد... (وهاد وارد لذلك ازا مابتحبي استثني حالك بدون فلسفة) وكان بخيل فكك منهوقولي يا فكاك او يا فكيك (تصلح على الوجهان)
ازا كنتي مخطوبة.. ماتخافي ما راحت عليكي يعني برضه في امل... بس يا ريت بأسرع فرصة تخلصي حالك لأنها حياة... و من هون لبين ما تقززيه ولبين ما تقنعي اهلك لاتطلبي منه اشي لأنه بعد الفسخ رح تكتشفي انه مسجل كل شي وكله بحسابه

اما ازا كنتي متزوجة... عليه العوض ومنه العوض اصبري واحتسبي واتعايشي... بديش يقولو سوفت خرابة بيوت بس سنحك لو مكانك بخلعه

نيجي لأعراض البخل:

اولا: المشاعر:
1- زي ما حكيت بكون بخيل بمشاعره وبالكلمة الطيبة.. كأنه بدفع حقها من جيبته..
2-ما بيشكرك على اشي جبتيه اياه (لأنه بكون مشغول بالتفكير )،
3-مابيمدح جمالك وما براعي مشاعرك...


تانياً: في المطعم:
1- طلعتو سوا عالمطعم... بس ما سألك وين حابة تروحي عأي مطعم مثلا... (لأنه خايف تختاري مكان غالي) حتى لو اخدك على مطعم منيح.. ماتنخدعي.. كان لازم يسألك بالاول.

2- وصل الجرسون وسألكم شو بتحبو تاخدو... هو ساعتها لازم يخليكي انتي تختاري شو بدك تاكلي ... بس لو قرر هو شو بدكم تاكلو بكون بخيل حتى لو طلب اكل غالي لا يغرك... وانتي برضه اطلبي اغلى اكل وشوفي ردة فعله ازا هو انحرج وصار وجهه احمر ولا انسدت نفسه عن الاكل. بي.اس: لو طلب نفس الي طلبتيه او خلاكي انتي تختاري شو ياكل بكون ينعن عمري

3-طبعا رح يضل طول القعدة عينه على صحنك وبقلك بانفعال كلي حبيبتي... كليياروحي.... ليش صحنك لساتهمليان وبإلحااااح

4-ازا دخلتو المطعم بدون موعد سابق او دخلتو مكان تشربو اشي وانتي قلتي مابدي اشي هو مفروض يسألك مرة تانية بس هو طبعا مابصدق على الله وتقوليها وبتحسي هيك كأنه الدنيا انفتحت بوجهه وصار بشوووووش... ممكن يرجع يسألك هيك بس من الفرحة.. ارجعي ارفضي.... بس ازا قلك لا مابصير واصر عليكي او جابلك اشي عزوءه.. بكون هو زوءوكريم

5-ممكن تطلبي عصير وماتشربيه.. او تشربي لقمتين وتقولي موجاي عبالي... ساعتها شوفي ردة فعله... ازا مافرقت معه بكون قليل زوء.. ازا مافرقت معه بس اصر يطلب اشي تاني بكون كريم... ازا حسيتي انه وجهه اختلف وعرق شوي بكون بخيل... ازا حاولتي تغيري الموضوع وحسيتيه لساته عينه عالكاسة بكون وضعه منتهي... ازا اخد الكاسة وشربها بكون وضعه زفت ورح تلاحظي انه بعد ماشربها ارتاح شوي

6- وقت الدفع... بس يطلب الفاتورة خلي عينك عليه.. المفروض انه ما يتغير شكله... ويدفع بكل روح رياضية.. مع بخشيش كمان... بس برضه ماتظلميه ممكن يكون مش عامل حسابه وطلع المبلغ اكتر مما معه... في حاله البخل.. مابرتاح الا ازا فاصل.. وممكن ينادي الجرسون والمدير مشان في غلط بالفاتورة وممكن يلم الناس عليكم وفي الحالات المستعصية ممكن يقلك انا رايح غسل ايديي ومايرجع






ثالثاً: في السوق: ....

1- طبعا بأي طلعة...للسوق للمطعم....الخ.... رح يفضل تتمشورو بالسيارة احسن وفي ظل ارتفاع اسعار النفط عالميا ورمي الحكومة للمواطن بالشارع مع خلق اليات للتخفيف من معاناته رح يرتاح اكتر في الاماكن العامة المجانية

2-بيختار المتاجر الرخيصة او الي عاملة تنزيلات... وبقعد يحكيلك عن استغلال المحلات المكندشة الي بتدفع المواطن حق الكهربا والديكورات

3- بس يعجبك اشي.. اول اشي بتيجي عينه عليه هيي السعر... وبناء عليه بيبني تقييمه للقطعه.. انتي حاولي تختاري قطعة غالية وحلوة وشوفي ازا كان كل اهتمامه انه يقول بتطلع حلوة عليكي بكون ما عليه حكي.. بس ازا بخيل ييقول مش حلوة (حتى قبل القياس) وبيطلع 100 علة فيها... وممكن يقلك انا بوديكي مكان فيه نفس القطعه بس (احسن)

4-وانتو مروحين بضل طول الطريق حديثه عن غلاء الأسعار ... ورح يحط كل غله بالحكومة هاد ازا مخطوبين... اما ازا متزوجين فبنكد عليكي عيشتك... آآآه ست زبيدة... بطل يعجبك المحل الي بوديكي عليه... الا بدك من الغالي... بنت فرير لأنك... ومن هاد الحكي

5- اجمالا بكون متردد كتير لحتى يشتري الشغلة.

6-ازا اعطاكي مصاري او مصروف بحاسبك على كل قرش... شو اشتريتي وشو ضل معك..




خامساً: عالتلفون:
1-بيختصر بيختصر قد ما الله يقدره عالتلفون ازا هو الي حاكي معك... اما ازا انتي الي اتصلتي فيه بياخد راحته بالحكي الا ازا كان هو شاحنلك الرصيد

2-لما تحكو عن اشي بخص المصاري بقعد بتشكون... علي ديون وعليي التزامات وراتبي مش مكفي ومش عارف من وين بدي ادبر....الخ.... بهاي الحالة يا اما بكون بدو يفهمك انه ماتطلبي... او انه بده يطلب منك... اوعي

عفكرة غالبا مابيتظاهر بالفقر والحاجة ، وهو ممثل رائع في هاي الحالة.. لكنه فاشل في تمثيل دور الكريم في فترة الخطوبه ، لأنها صعبة عليه كتير


سادساً: الحياة الاجتماعية:

1- بحاول يتناسى المناسبات الخاصة الي لازم يشتري هدية فيها... وبيهرب هروب منها

2- ممكن تظهر عليه بعض الأعراض المفاجئة مثل ارتفاع الحرارة والمرضالمفاجئ يوم عيد ميلادك

3- بفضل يتداين من الناس على انه يفشخ الحصالة او يسحب من البنك والله يعين الي داينه على ما ابتلاه.

4- بيكره الضيوف لانه بيعتبرهم عبئ مالي يذهب برحيلهم

5-عادة بيتزوج بسن متأخر



طبعا في اعراض تانية ممكن انتو صبايا تشاركونا فيها... بس انا هاد الي بعرفه

يا ويلي تعبت

منقووووووووووووول
كاتب الموضوع : نفرتيتي
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

عايزة تكتشفى هو بخيل ولا لأ تعالى بسرعه اقولك ازاى :: تعاليق

تحفة والله و المواضيع و المواقف دي فعلا بتحصل تسلم ايديكي
شكرا ليكي يا اميرة
نورتينا
فعلا حاجات حقيقيه جداااااااااااا
تسلم ايدك ربنا يكفينا شر الرجل البخيل
تسلمي يا قمر
ربنا يعافينا يارب
 

عايزة تكتشفى هو بخيل ولا لأ تعالى بسرعه اقولك ازاى

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الحياه الزوجيه والعاطفيه اسرار :: اسرارالحياه الزوجيه وفهم طبيعه الرجال-
انتقل الى: