منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
نفرتيتي
ملكه المنتدى
ملكه المنتدى
رقم عضويتك : 2
عدد المساهمات : 18504
الاوسمه :
11012011
ازيكم يا بنات

الموضوع ده مجرب و بجد عن تجربتى انا الشخصيه و مش منقول من اى مكان

انا سمعت نصائح كتير علشان التخسيس و لقيت افضل الطرق علشان الواحد يخس من غير ريجيم و بنفس الاكل اللى بياكله

انا هلخصلكم الطريقه فى نقط

1- اول حاجه عملتها يا بنات ان انا زودت حركتى جوة البيت بمعنى لما اروح اجيب حاجه من المطبخ مثلا بحضر الغداء
اروح اجيب حاجه صغيرة فى حاجه صغيرة و بكده اللى هياخد منى مشي مرة واحده للمطبخ ممكن ياخد 2 او 3

2- لما باجى اخرج مش برضي استعمل الاسانسير بنزل وو اطلع على السلم
و لو المشوار صغير بمشيه احسن لان العربيه عندى بقت كارثه اى مشوار فى الطبيعي بنزل و اركب و خلاص
مافيش اى حركه

3- الفطار مهم جدا جدا اولا بيدي طاقه كبيرة
ثانيا بيقلل الجوع على مدار اليوم
و بيزود المناعه و فوايد تانيه كتير

و لو بقى قبل الفطار خدتى ملعقه عسل نحل على الريق يبقى احلى و احلى
مع العلم انى مش بحب العسل خالص بس فوايده رهيبه

4- امنعى البيبسي خالص هى و الشيكولاته و الحاجت المعروفه ديه
و لو كان نفسك فيها ممكن تدوقى علشان برده ماتحرميش جسمك من اى حاجه

5- اوعى تجوعى نفسك علشان الجسم لما بيجوع بيحتفظ بعد كده باى حاجه تدخل الجسم بس ممكن تاكلى خيار او فلفل او جزر الحاجات الخفيفه ديه

6- لو بتشربي شاى كتيير لو بتاخدى 2 معلقتين سكر تخيلي لو فى 10 كوبيات يبقى 20 ملعقه فى اليووم
و طبعا دى كده مصيبه
حاولى تقللى كل يوم شويه
يعنى النهارده 2 الاربع سكر
بعد اسبوع واحده و نصف
بعد اسبوع واحده و ربع هتلاقى نفسك على اخر الشهر بقت معلقه واحده و هتتعودى على الطعم و تبقى قللتى 10 معالق فى اليوم

7- الاكل بليل اوى ممنوع منعا باتا
علشان كل اللى بناكله بنخزنه و طبعا احنا بنسهر فمش هقدى اقول الساعه 7 لان لو الساعه 7 و انا بنام على الساعه 2 مثلا هموت من الجوع فكل واحد يقدر وقته و ماياكلش و ينام علطول
لو عملتم الحاجات ديه بنفس الاكل بتاعكم اكيد ختسوا بس ماتودوش الاكل علشان الحاجات ديه هتحرق معاكوا و ممكن تجوعوا يعنى كلوا نفس الاكل بتاعتكم

8- لازم تشربوا ميااه كتيرة يعنى مش اقل من 8 كوبايات و احنا دلوقتى فى الشتا و اكيد الناس كلها قللت شربها
فاحسن حاجه تحطى جمبك زجاجه مياه و كل شويه تاخجى شويه

و مستنيه ارائكم و ردودكم
و لو حد عنده اقتراح يضيفه
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

@Dondon** كتب:شكرا يا مي وجزاك الله خيرا
ممكن تديني مقادير البيتزا الدايت الحلوة ديه
ويارييييييييييييييييت لو تقدري تقوليلي الفرق بين الخميرة الفورية وخميرة الراجل بتاع الفرن


اصلي مرة استخدمت الفورية ديه بس انا وجوزي لزقنا فى السقف من كتر ما اتنفخنا منها
هههههههههههههههههههههههه


بصى يا ستى بالنسبه للخميره هى بترجع للوصفه و حسب ما كل واحد بيفضل بس يمكن انتى حطيتى فى الوصفه خميره كتير فا تعبتكم لكن الفوريه ممكن دايما تخليها محفوظه كويس فى التلاجه وقت ما تحتاجيها تلاقيها و مش تقعدى تستنى لما تلاقى عند الفرن لكن اعتقد انك لما بتستخدمى المقدار المناسب من اى نوع مش هايبقى فى مشاكل ان شاءالله.

طريقه البيتزا سهله و بسيطه اوى
3 كوب دقيق ( ممكن تعملى كوبايتين اسمر و واحده ابيض )
1 معلقه كبيره خميره فوريه ( لو عايرتى الدقيق بكوبايه صغيره خليها معلقه خميره ممسوحه و لو مج كبير املى المعلقه شويه و طبعا كله بالنظر )
كوب و ربع حليب دافئ
بيضه واحده
رشه ملح و رشه سكر

بتخلطى كل المكونات الجافه على بعض و تبدأى تضيفى الحليب شويه شويه و تعجنى عشان ممكن نوع الدقيق يبقى مش بيقبل سوايل كتير و بعد ما تعجنيها كويس و تلاقيها طريه فى ايديك كده لا ناشفه ولا بتلزق تروحى لماها كويس و تحطى فى ايديك شويه زيت و تدهنيها كلها عشان و هى بتخمر ما تلزقش و تقفش فى جوانب الطبق و تغطيها اوى تحطيها فى كيس و تربطيه و تحطيها فى مكان دافى ساعه الا ربع و اكيد الباقى انتى عارفاه و بالف هنا و شفا وتحت امرك و امر الاميرات كلهم فى اى وصف
[/size]
ايه الحاجات الجميله ديه يا مى بجد افادتيني جامد جدا
تسلم ايديك على الوصفات الرائعه
و ياريت تنزليهالنا فى موضوع علشان تبان لكل العضوات
و شكرا بجد ليكي
@نفرتيتي كتب:ايه الحاجات الجميله ديه يا مى بجد افادتيني جامد جدا
تسلم ايديك على الوصفات الرائعه
و ياريت تنزليهالنا فى موضوع علشان تبان لكل العضوات
و شكرا بجد ليكي


ربنا يخليكى اخجلتم تواضعنا, يا سلام بس كده من عنيه و اللى تحب من الاميرات انها تسأل على اى وصفه لو اعرفها هاجاوبها على طول من معلوماتى المتواضعه يا قمر و ربنا يكرمكم جميعا ان شاءالله
avatar
TSLAMY YA GAMELA
YA RET SHORB ELMAYA 3LA ELRE2 MOHAM GDAN GDAN WE ABL KOL WAGBA KMAN
avatar
بجد موضوعك رائع وشجعتينى جدا خصوصا انى هتجوز ان شاء الله قريب بعد شهرين ونفسى اخس وماكنتش عارفه اتحكم فى نفسى انتى بكده شجعتينى وربنا يباركلك يارب
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى