وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 طريقه علشان تخسوا من غير ريجيم و عن تجربتي الشخصيه

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية
كاتب الموضوعرسالة
11012011
مُساهمةطريقه علشان تخسوا من غير ريجيم و عن تجربتي الشخصيه


ازيكم يا بنات

الموضوع ده مجرب و بجد عن تجربتى انا الشخصيه و مش منقول من اى مكان

انا سمعت نصائح كتير علشان التخسيس و لقيت افضل الطرق علشان الواحد يخس من غير ريجيم و بنفس الاكل اللى بياكله

انا هلخصلكم الطريقه فى نقط

1- اول حاجه عملتها يا بنات ان انا زودت حركتى جوة البيت بمعنى لما اروح اجيب حاجه من المطبخ مثلا بحضر الغداء
اروح اجيب حاجه صغيرة فى حاجه صغيرة و بكده اللى هياخد منى مشي مرة واحده للمطبخ ممكن ياخد 2 او 3

2- لما باجى اخرج مش برضي استعمل الاسانسير بنزل وو اطلع على السلم
و لو المشوار صغير بمشيه احسن لان العربيه عندى بقت كارثه اى مشوار فى الطبيعي بنزل و اركب و خلاص
مافيش اى حركه

3- الفطار مهم جدا جدا اولا بيدي طاقه كبيرة
ثانيا بيقلل الجوع على مدار اليوم
و بيزود المناعه و فوايد تانيه كتير

و لو بقى قبل الفطار خدتى ملعقه عسل نحل على الريق يبقى احلى و احلى
مع العلم انى مش بحب العسل خالص بس فوايده رهيبه

4- امنعى البيبسي خالص هى و الشيكولاته و الحاجت المعروفه ديه
و لو كان نفسك فيها ممكن تدوقى علشان برده ماتحرميش جسمك من اى حاجه

5- اوعى تجوعى نفسك علشان الجسم لما بيجوع بيحتفظ بعد كده باى حاجه تدخل الجسم بس ممكن تاكلى خيار او فلفل او جزر الحاجات الخفيفه ديه

6- لو بتشربي شاى كتيير لو بتاخدى 2 معلقتين سكر تخيلي لو فى 10 كوبيات يبقى 20 ملعقه فى اليووم
و طبعا دى كده مصيبه
حاولى تقللى كل يوم شويه
يعنى النهارده 2 الاربع سكر
بعد اسبوع واحده و نصف
بعد اسبوع واحده و ربع هتلاقى نفسك على اخر الشهر بقت معلقه واحده و هتتعودى على الطعم و تبقى قللتى 10 معالق فى اليوم

7- الاكل بليل اوى ممنوع منعا باتا
علشان كل اللى بناكله بنخزنه و طبعا احنا بنسهر فمش هقدى اقول الساعه 7 لان لو الساعه 7 و انا بنام على الساعه 2 مثلا هموت من الجوع فكل واحد يقدر وقته و ماياكلش و ينام علطول
لو عملتم الحاجات ديه بنفس الاكل بتاعكم اكيد ختسوا بس ماتودوش الاكل علشان الحاجات ديه هتحرق معاكوا و ممكن تجوعوا يعنى كلوا نفس الاكل بتاعتكم

8- لازم تشربوا ميااه كتيرة يعنى مش اقل من 8 كوبايات و احنا دلوقتى فى الشتا و اكيد الناس كلها قللت شربها
فاحسن حاجه تحطى جمبك زجاجه مياه و كل شويه تاخجى شويه

و مستنيه ارائكم و ردودكم
و لو حد عنده اقتراح يضيفه
كاتب الموضوع : نفرتيتي
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

طريقه علشان تخسوا من غير ريجيم و عن تجربتي الشخصيه :: تعاليق

جزاكى الله خيرا
فعلا احسن طريقه للتخسيس هى تغير كامل لنظام الحياه عشان كلمه دايت او ريجيم بتجيب هستريا و قلق لأى حد عايز يبتدى و يحس انه داخل على حرمان و مش هايقدر يكمل بس بجد اللى عايزه نصيحتى و عن تجربتى الشخصيه اللى عايزه ارادتها تزيد اوى عليها بالدعاء انا عزيمتى و ارادتى على تغيير نفسى ما زادتش الا لما اعدت فتره ادعى ربنا سبحانه و تعالى انه يساعدنى احسن من نفسى و فعلا بدأنا كلنا فى البيت نغير عادتنا فى الاكل بأننا ناكل خضار و فاكهه كتير نقلل من النشويات و الدهون و مابقيناش ناكل حاجه مقليه الا كل فين وفين و بدأنا ندخل الشوفان و الدقيق الاسمر و الرز الاسمر فى الاكل عشان اصح ولو عملنا حلويات بناخد فى اليوم حته صغيره من نفسنا مدام مش حارمين نفسنا من حاجه بتلاقى فعلا حته صغيره بتكفيكى ومشى ساعه كل يوم بتلاقى نفسك كل يوم متشجعه خصوصا لو بتمشى فى مكان مريح نفسيا, بالطريقه دى خسيت فى 4 شهور 15 كيلو وبعد كده كملت مع دكتور دايت كان ممتاز و ارتحت معاه اوى عشان انظمته حلوه كان بيدينى ثمرتين فاكهه بين الوجبات و قالى احسنهم التفاح و الكمثرى او خضار و احسنهم خيار او جزر بس مش عايزه اقولكم انى لما خسيت معاه 15 كيلو كمان وشى فضل زى ما هو و ما اتأثرش خالص و كل الناس كانت بتلاحظ كده و بجد كانو بيحسدونى بس محدش كان فاهم ان التفاح اللى كنت باخده بين الوجبات حافظ على نضاره بشرتى جدا وحست انى بخس بصحه كويسه فا بجد لما تغيرى نظام حياتك فى الاكل و الحركه لا بتحتاجى رجيم ولا ادويه ولا بتتحرمن من الخروج او انك تعزمى حد او تتعزمى عند حد عشان حياتك بتبقى منظمه و مريحه و انا عارفه انى طولت عليكم بس بجد اخر نصيحه عايزه اقولهالكم ان الدكتور كان منبه عليا انى افطر قبل 12 الضهر يعنى ماتجيش 12 الا و اكون فطرت و اتغدى 5 و اتعشى فى اى وقت عشان طبعا بيبقى العشا خفيف جدا و طبعا الثمرتين اللى بين الوجبات حاولو تجربو و بجد ان شاءالله هاتستفيدو و ابقو افتكرونى بالدعاء و ربنا يوفق الجميع ان شاءالله
مي انتِ شجعتيني اوي اوي
ربنا يكرمك والله
انا كنت عايزة اسألك فى استخدام الدقيق الاسمر هل يتم نخله لو حعمل بيه كيك مثلا ؟؟؟؟
ولا بعد نخله النخالة اللي فاضلة احطها عليه عشان نستفيد منها ؟؟؟

يارب تتشجعو و تتوفقو كلكم ان شاءالله.
ده النخاله دى اهم حاجه فى الدقيق الاسمر عشان الالياف دى بتدى احساس بالشبع و بتساعد على التخسيس فا زى ما قلتى انخليها عشان تدخلى هوا فى الدقيق و حطى النخاله تانى او انخليها فى منخل واسع شويه و تقدرى فى العجاين و البيتزا و اى حاجه تانيه انك تبدلى جزء من مقدار الدقيق الابيض بالدقيق الاسمر و انا جربت فى البيتزا حطيت كوبايتين دقيق اسمر و كوبايه ابيض طلعت العجينه تجنن و حلوه اوى بس الكيك جربى انك تحطى فى الاول انك تحطى كميه اقل و كل مره زودى شويه لحد ما توصلى لاحسن كميه و ربنا معاكى و معاكم جميعا ان شاءالله.

انا نسيت اقولكم حاجه مهمه اوى وهو سبب نصيحه اى دكتور او اى حد بشرب ميه كتير وقت الدايت و هم اربع اسباب:
-عشان كل كتله دهون تنزل مكانها يتعوض بالميه فا الجلد ما يرهلش و يفضل متماسك وشكله ما يتغيرش.
عشان ينضف الجسم من السموم و الفضلات و يغسل الكلى.
- عشان الكلى ما تسقطش من قله السواثل فى الجسم.
- عشان بشرتك تفضل نضره و يحصلش جفاف فيها.

بالتوفيق للجميع
شكرا يا مي وجزاك الله خيرا
ممكن تديني مقادير البيتزا الدايت الحلوة ديه
ويارييييييييييييييييت لو تقدري تقوليلي الفرق بين الخميرة الفورية وخميرة الراجل بتاع الفرن


اصلي مرة استخدمت الفورية ديه بس انا وجوزي لزقنا فى السقف من كتر ما اتنفخنا منها
هههههههههههههههههههههههه
 

طريقه علشان تخسوا من غير ريجيم و عن تجربتي الشخصيه

استعرض الموضوع السابق استعرض الموضوع التالي الرجوع الى أعلى الصفحة 

صفحة 5 من اصل 7انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم الرشاقه والريجيم وكل ما يخص الصحه العامه :: علاج السمنه|ريجيمات - رياضه diet plans-diet-
انتقل الى: