منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
sara love mido
اميره خياليه
اميره خياليه
رقم عضويتك : 10825
عدد المساهمات : 687
الاوسمه :
العمل/الترفيه : بحب كل الناس
03012011
كريمات طبية.. لتفتيح المناطق الحساسة
أول كريم هو
lucocid (ليكوسيد)، وده كريم طبي، بيستخدم لتفتيح المناطق الحساسة، وهو بيعمل على تقشير طبقة الجلد الميت اللي بتسبب درجة السمار دي على الجلد، وكمان بيعمل على إزالة الحبوب الصغيرة اللي بتظهر في المناطق دي، وطريقة استخدامه بتكون كالآتي:

أولا تقومي بإزالة الشعر الزائد من المناطق الحساسة باستخدام السويت أو الشمع، وتنظّفيها كويس جدا باستخدام الليفة والصابون والماء، وبعد كده تدهني الكريم، وتسيبيه لمدة ساعة على بشرتك، وبعد مرور الساعة بتغسلي المناطق دي باستخدام الماء فقط، وبعد كده تدهني نوع تاني من الكريم اسمه
Trocyd (تروسيد)، وتسيبيه على بشرتك لمدة ساعتين أو ثلاثة، والكريم ده بيعمل كمهدّئ للجلد يعني ممكن نسيبه لفترة أطول مفيش مشكلة.

وبتكرري العملية دي مرتين في اليوم، وبتستمري عليها لمدة شهر ونصف أو شهرين، ولو حسيتي إن بشرتك محتاجة فترة أطول من كده، يبقى لازم تاخدي فترة راحة بعد الشهر ونصف، وفي الفترة دي تعملي ماسكات طبيعية لتفتيح المناطق دي، وبعد كده ترجعي مرة تانية لاستخدام الكريمات اللي قلنا عليها، بس لازم تعملي إزالة للشعر قبل استخدام الكريمات بثلاثة أيام على الأقل.

بس فيه حاجة لازم تاخدي بالك منها وإنتي بتستخدمي الكريمات اللي قلنا عليها؛ وهي إن كريم الليكوسيد ده حامي شوية على البشرة، علشان كده لازم نتجنّب إننا نحط على البشرة أي عطور أو أي مواد فيها نسبة كحول عالية؛ لأنها ممكن تسبّب التهاب جامد للبشرة وتلاقي الاسمرار رجع مرة تانية.


فيه بعض الوصفات الطبيعة اللي ممكن نستخدمها لتفتيح المناطق الحساسة أثناء فترة استخدام الكريمات اللي قلنا عليها في الفقرة اللي فاتت؛ ومنها: عصير الخيار، وخليط النشا والميه، وبنحطّهم على المناطق الحساسة، بس بشرط إنها تكون نظيفة تماما من آثار الكريمات.

وبعد ما نخلّص فترة استخدام الكريمات اللي قلنا عليها، هنبدأ نستخدم نوع تاني من الكريمات وهو
panthenol (البانثينول)، وده كريم معروف وسعره رخيص جدا، وبنبدأ نستخدمه لمدة من شهرين لثلاثة لغاية ما نحس إن جلدنا رايق تماما، والكريم ده مفيد جدا لبشرة الوجه أو أي منطقة في الجسم؛ لأنه بيدي ترطيب وحيوية ونعومة للبشرة.

وأثناء ما إنتي بتستخدمي البانثينول ممكن تعملي ماسكات طبيعية عادية لتفتيح البشرة


السكر.. سنفرة طبيعية لبشرة الوجه والجسم
البشرة الناعمة من أكتر الحاجات اللي بتتمناها أي عروسة بمكوّنات سهلة جدا، ومتوفّرة في كل بيت..

المقادير:

· ملعقة سكر

· ملعقة زيت زيتون


وكل اللي عليكي إنك تخلطي الاتنين مع بعض، وبعد كده تعملي به سنفرة لبشرة وجهك وجسمك بعد ما تكوني غسلتيها ونظّفتيها كويس جدا، وبتسيبي الماسك ده على بشرة الوجه لمدة من 10 : 15 دقيقة وعلى بشرة الجسم بتسيبيه لمدة من 20 : 30 دقيقة.

والماسك ده بنكرره مرة كل أسبوع أو كل 10 أيام، ومع الاستخدام والمواظبة هتحصلي على نتيجة حلوة أوي؛ لأن أي حاجة بتحتوي على سكر لها تأثير كبير في تفتيح البشرة
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
السلام عليكم

انا يجماعه لازم ااقول ليكم على لوكسيد ار ده
ده كريم بيسلخ الجلد مش بيبيض وده ضررو اكتر من نافعو
انا جربتو شخصيا والله كانى كونت عاملة زاى المحروقة
فعشان انا جربت حاجة وعن يقين منها بقول ليكم ايه الى حصل
السلام عليكم
avatar
موروووو حبيبتي انا جيبته وحاطيت علي ركبتي ومش عاملي حاجة بس قبل محطيته هما كاتبين لازم تعملي تجربة علي جزء من الجلد لانه حامي شوية وهو مقشر للبشرة مش بيبيض وانتس مع التقشير والوصفات الطبيعية هيفتح ان شاء الله
طيب بالنسبه للبانثينول ممكن احطه على وجهى بس انا عندى حبوب ولا ممكن يسبب مشكله وكمان ياجماعه انا متجوزه من فتره قصيره اوى من 3 شهور بالضبط بس المشكله ان عندى حبوب فظيعه مجننانى ومخليه شكلى طبعا فله ومش عارفه اعملها ايه قبل الجواز الدكاتره قالولى هتروح بعد الجواز ولقيت العكس زادت ممكن حد يقولى اعمل ايه ؟
بارك الله فيك يا سرسور يا حبيبة قلبى ويسلم تعبك بس ممكن فى ناس عندها حساسية ومش تستحمل الكريم ده فأنتم جربوا قبل ما تحطوا بس هو اكيد مش بيعمل كدة مع كل انواع البشرة وكمان موضوع الحبوب يا سهيلة يا حبيبتى هتروح اكيد ان شاء الله مش تقلقى عادى خالص كان عند بنات خالى وكانت موحشة شكل جسمهم خالص وكشفوا والدكاترة قالوا ليهم زى ما قالوا ليكى وفعلا بعد الجواز راحوا خالص مش تقلقى يا قمر خلينا فى المهم فى نونة ولا لسة Very Happy
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى