منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى

كريمات طبية ...ووصفات طبيعية لتفتيح المناطق الحساسة

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي اذهب الى الأسفل

avatar
sara love mido
اميره خياليه
اميره خياليه
رقم عضويتك : 10825
عدد المساهمات : 687
الاوسمه :
العمل/الترفيه : بحب كل الناس

مُساهمةsara love mido

كريمات طبية.. لتفتيح المناطق الحساسة
أول كريم هو
lucocid (ليكوسيد)، وده كريم طبي، بيستخدم لتفتيح المناطق الحساسة، وهو بيعمل على تقشير طبقة الجلد الميت اللي بتسبب درجة السمار دي على الجلد، وكمان بيعمل على إزالة الحبوب الصغيرة اللي بتظهر في المناطق دي، وطريقة استخدامه بتكون كالآتي:

أولا تقومي بإزالة الشعر الزائد من المناطق الحساسة باستخدام السويت أو الشمع، وتنظّفيها كويس جدا باستخدام الليفة والصابون والماء، وبعد كده تدهني الكريم، وتسيبيه لمدة ساعة على بشرتك، وبعد مرور الساعة بتغسلي المناطق دي باستخدام الماء فقط، وبعد كده تدهني نوع تاني من الكريم اسمه
Trocyd (تروسيد)، وتسيبيه على بشرتك لمدة ساعتين أو ثلاثة، والكريم ده بيعمل كمهدّئ للجلد يعني ممكن نسيبه لفترة أطول مفيش مشكلة.

وبتكرري العملية دي مرتين في اليوم، وبتستمري عليها لمدة شهر ونصف أو شهرين، ولو حسيتي إن بشرتك محتاجة فترة أطول من كده، يبقى لازم تاخدي فترة راحة بعد الشهر ونصف، وفي الفترة دي تعملي ماسكات طبيعية لتفتيح المناطق دي، وبعد كده ترجعي مرة تانية لاستخدام الكريمات اللي قلنا عليها، بس لازم تعملي إزالة للشعر قبل استخدام الكريمات بثلاثة أيام على الأقل.

بس فيه حاجة لازم تاخدي بالك منها وإنتي بتستخدمي الكريمات اللي قلنا عليها؛ وهي إن كريم الليكوسيد ده حامي شوية على البشرة، علشان كده لازم نتجنّب إننا نحط على البشرة أي عطور أو أي مواد فيها نسبة كحول عالية؛ لأنها ممكن تسبّب التهاب جامد للبشرة وتلاقي الاسمرار رجع مرة تانية.


فيه بعض الوصفات الطبيعة اللي ممكن نستخدمها لتفتيح المناطق الحساسة أثناء فترة استخدام الكريمات اللي قلنا عليها في الفقرة اللي فاتت؛ ومنها: عصير الخيار، وخليط النشا والميه، وبنحطّهم على المناطق الحساسة، بس بشرط إنها تكون نظيفة تماما من آثار الكريمات.

وبعد ما نخلّص فترة استخدام الكريمات اللي قلنا عليها، هنبدأ نستخدم نوع تاني من الكريمات وهو
panthenol (البانثينول)، وده كريم معروف وسعره رخيص جدا، وبنبدأ نستخدمه لمدة من شهرين لثلاثة لغاية ما نحس إن جلدنا رايق تماما، والكريم ده مفيد جدا لبشرة الوجه أو أي منطقة في الجسم؛ لأنه بيدي ترطيب وحيوية ونعومة للبشرة.

وأثناء ما إنتي بتستخدمي البانثينول ممكن تعملي ماسكات طبيعية عادية لتفتيح البشرة


السكر.. سنفرة طبيعية لبشرة الوجه والجسم
البشرة الناعمة من أكتر الحاجات اللي بتتمناها أي عروسة بمكوّنات سهلة جدا، ومتوفّرة في كل بيت..

المقادير:

· ملعقة سكر

· ملعقة زيت زيتون


وكل اللي عليكي إنك تخلطي الاتنين مع بعض، وبعد كده تعملي به سنفرة لبشرة وجهك وجسمك بعد ما تكوني غسلتيها ونظّفتيها كويس جدا، وبتسيبي الماسك ده على بشرة الوجه لمدة من 10 : 15 دقيقة وعلى بشرة الجسم بتسيبيه لمدة من 20 : 30 دقيقة.

والماسك ده بنكرره مرة كل أسبوع أو كل 10 أيام، ومع الاستخدام والمواظبة هتحصلي على نتيجة حلوة أوي؛ لأن أي حاجة بتحتوي على سكر لها تأثير كبير في تفتيح البشرة

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

كريمات طبية ...ووصفات طبيعية لتفتيح المناطق الحساسة :: تعاليق

avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 71154
الاوسمه :
العمل/الترفيه : طبيبه اسنان

مُساهمة في 03.01.11 14:16 من طرف كليوباترا

تسلم ايديكى موضوع هااااااايل ربنا يكرمك يارب
avatar
فاطمة الزهراء
اميره فضيه
اميره  فضيه
رقم عضويتك : 2609
عدد المساهمات : 4841
الاوسمه :

مُساهمة في 03.01.11 14:56 من طرف فاطمة الزهراء

موضوع جميل جدا تسلم ايدك
princess fulla
اميره جديده
اميره جديده
عدد المساهمات : 5
الاوسمه :

مُساهمة في 03.01.11 15:17 من طرف princess fulla

موضوع رائع تسلمى
avatar
sara love mido
اميره خياليه
اميره خياليه
رقم عضويتك : 10825
عدد المساهمات : 687
الاوسمه :
العمل/الترفيه : بحب كل الناس

مُساهمة في 03.01.11 15:17 من طرف sara love mido

تسلمولي انا جبت الكريمات دي واسعارها رخيصة وبجد حلوة

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى