منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
emmy khaled
اميره نشيطه
اميره نشيطه
عدد المساهمات : 153
الاوسمه :
30122010
و الله و منورة يا قمر انتي لسه متردده؟؟ ادخلي بس و مش حتندمي...
على ضمانتي الموضوع مستاهل...





جيتي؟ الف اهلا و سهلا شفتي المكان احلو ازاي..
خلاص كفاية بكش و حقولك ع الفكرة، ما تخافيش الفكرة حلوة و جديدة و بسيطة خالص.
بتتكسفي من جوزك؟ و نفسك توريه حركات الدلع و الأنوثــة و تغريه ...
او حتى جوزك بيكسفك لما تعملي حركة من دول يعني ههههه
تعبتي من اللف و الدوران و مش لاقية فكرة تطبقيها من غير ما تحسي ان الجو غريب و انك مش على طبيعتك..
خلاص كفاية مش حقلب المواجع اكثر، الفكرة دي جاتني من زمااااان أوي بس لسه ربنا ماكتبش انفذها مع انها فغاية البساطة !!!!!
المطلوب منك تجهزي هدوم حلوة و أكثر حاجات بتليق عليكي لو عندك اكسـسوارات حلو أوي و كمان جهزي نفسك و حطي شوية مكياج و ظبطي البيت.
مكن تغيي ديكور البيت على حسب المطلوب لو شفتي ان ده ينفع.
الفكرة بقى يا ستي جلسة
فوتوشوت !!!!!!!!!!!!!!!!!!!! photoshoot
جهزي كاميرا تصوير لو ماعندكيش ممكن تستلفيها من اي حد يوم او يومين.
و يا ريت لو تكون كاميرا رقمية عشان تشوفو الصور ع الكمبيوتر
لا الفيلم يتحرق و لا تعملي حساب للمصور يشوف صورك و أأمن برضه لا تيجي الصور فإدين ناس ما تعرفش ربنا.
لما ييجي بقى قوليله ايه رأيك ناخذ كام صورة مع بعض، بعد صورتين او ثلاثــة ارضي غروره و شيكيه و خذيله كام صورة و انتي مغرقاه مدح حاجة زي:
قمر و الله،
حلو أوي،
شكلك حتطلع احلى مني،
تكنش من بقية عيلة عمر الشريف؟ هههههههههه
ما هو كله فصالحك عشان الجو يتضبط تماااام
يا ريت تخلي لمساتك الأخيرة لحد ما تقوليله ياخذلك صورة ابقي ساعتها كملي الماكياج او غيريه للأحسن و التسريحه كمان.. مش حوصيكي.
لما يمسك الكاميرا بقى وريه الشطارة اكيد حتكوني على راحتك و الجو كله هبل و فرفشة
ادلعي و اعملي حركات تخليه ينزل الكاميرا كل ثانيتين عشان يتأكد انك مراته بجد ...
لو عندك ورد و شموع ممكن تاخذي كام صورة وسطيهم و كمان صور في أوضة النوم . انتو بقى ادرى باللي يناسبكم
ما تخلوش الأيام دي تضيع ...و بالمرة بعد ما تخلفي مرة و اثنين و ثلاثـة
تلاقي حاجة تفكرك بالشباب
يللا بقى قولولي آراءكم و يا ريت الفكره ما تكنش مكررة.
ادعولي ربنا يقدرني و انفذها عشان كل ما اجهز نفسي تحصل حاجة تمنعني او يتغير مزاجي من غير سبب...
متأسفة اني طولت عليكم و بتمنالكم حياة كلها افراح و سعادة و ربنا يهنيكم و يرزقكم الذرية الصالحة يااااااااا رب :flower:
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

حلوة قومى ههههههههههه ميرسى يا جميل
جامدة طحن ..احلى اغراء يبقى اللى عن دون قصد ..يعنى نستهبل قال يعنى بتصور و نغرية وندلع عليهم ههههههههههههه
فكره حلوه
لما اتجوز ان شاء الله ربنا يفكرني واعملها
لغاية لما يجو الاولاد وننسى شكل بعض
هههههههههههه
شكرا يا عسوله
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى