منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
mishmisha2
اميره برونزيه
اميره برونزيه
رقم عضويتك : 8771
عدد المساهمات : 1714
الاوسمه :
العمل/الترفيه : طالبه جامعيه
28122010
انا مش هطول فى مقدمات بس الكلام اللى هقوله ده كبييييييييييييير وانتى هتشوفى بنفسك يا حلوة
المرحله الاولى
بتاعة الصبح
1- اصحى الصبح قبل جوزك بشويه ... اغسلى وشك وخلى شكلك كويس كده مش بعماصك واتمضمضى بغسول بق حلو كده عشان يبقه ريحه نفسك حلوة :-)
2-روحى صحيه ( ازاى بقه تصحييييييييييه )........ روحى بالراحه كده ملسى على شعره ( بالراحه ها؟ ) مش تروحى خابطاه فى راسه تبطحيهاله :-)))))))
3-بوسى راسه وانتى بتقوليله بصوت هادى وناعم كده ( صباح الخير يا عمرى ) ( يللا اصحى هتتاخر) هيروح مفتح عينه ويقولك صباح النور
4- اقعدى جنبه كده على السرير وخديه فى حضنك وقوليله ( حبيبى انا حضرتلك الفطار يللا قوم خد دوش بسرعه عشان تلحق تفطر يا روحى )
5-هايقوم ياخد دوش تقومى حضرتك تكونى مستياه وتحسسيه بالاهتمام كده وانك كل همك تريحيه وانك واقفه على طولك مستنياه يطلع عشان تقطريه
6-اول لما يخرج متنسيش تقوليله نعيما يا حبيبى .. حمام الهنا ..كده يعنى
7- اهم خطوة
لازم هدومه كلها تبقه نظيفه ومكويه بحيث ان الهدوم اللة تعجبه وتكبر فى راسه يلبسها يلاقيها نظيفه ومكوية
وطبعا الشرابات ( ااااااااااااااه من الشرابات عاملالى ازمة :-) ) لاوم تكون كل الشرابات بتاعته فردتين مش يختار شراب يلاقيه فرده واحده وتفضلى تدورى عليها لحد ما يزهق وينزل من غير شراب اصلا :-)
8- مفيش مانع تختاريله انتى الهدوم بس اذا هوه بيحب كده ... وانتى تروحى تختاريله برفيوم وتحطيهوله بنفسك وحاولى تحرصى انك تحسسيه انك كل همك انه ينزل عريس من البيت
مش تخافى من انه يتعاكس ولا ثقته فى نفسه تزيد فا يعاكس هوه ........ لأ خليكى واثقه فى نفسك وفى جوزك حبيبك
واسمعى كلامى هتكسبى
9- خلاص هوه لبس واتقمع وبقه على سنجة عشرة فكريه بالموبايل لا ينساه والنظارة الشمس والمفاتيح
10-ويا سلام بقه لو قبل ما يلبس الجاكيت تكونى محضرة ورقه وتكتبى فيها ( بحبك .. وحشتنى.. مشتاقالك ... محتاجالك ......... كده يعنى ) بحيث فى اى وقت يحط ايده فى جيبه يلاقيها ويقراها واكيييييييييييد هيتبسط مووووووووووووووز
11-خلاص هوه نازل تكونى واقفاله على الباب تبوسيه وتحضنيه وتقوليله هتوحشنى اوى يا غالى ... وتقوليله خلى بالك على نفسك ....... واختميها بلا اله الا الله
12- استنى لسه مش تدخلى تنامى يا خميرة لأ .... يا سلام لو تقفى تشاوريله من الشباك او البلكونه لحد ما العربيه تغيب عن نظرك
وكل ده عشان يحس جوزك انك روحك فيه كل همك راحته ونه همك وشغلك الشاغل هوه وبس

ودى بقه كانت المرحله الاولى بتاعه الصبح


يللا خلينا نكمل المرحله التانيه بعد ما جوزك بينزل
بصو بقه من غير ما نضحك على بعض
اغلبنا بننام بعدها على الاقل لحد 11 ، 12 كده ، انا عن نفسى بنم لحد العصر
يللا هقولهم فى خطوات احسن بدل ما يكون الكلام كده سايح على بعضه
1- اصحى من النوم براحتك اول حاجه تعمليها تروقى القوضه وتغيرى الملايه وتحطى المفرش وتطبقى الهدوم وتعلقيها وكده يعنى
2-وبعدين تطلعى على الليفنج والريسبشن امسحى وظبطى التظابيط
3- ادخلى بقه على المطبخ
اغسلى المواعين والبوتاجاز وابدأى بقه اعملى الاكل
4-خلصتى الاكل ؟
طيب مثلا هتكون الساعه دخلت على 3 كده لو عندك اولاد
انزلى هاتيهم من المدرسه او هايجو هما من المدرسه لوحدهم زى الشطار ..... ولو عندك بيبى عادى بقه اكيد انتو بتعرفو تتعاملو معاه
المهم اقفى مع ولادك يغيروا ويدخوا يتشطفوا كده عشان تاكليهم .. حضرى الغدا اكليهم واتغدوا سوا
5-بعد كده على ما يغسلو ايديهم ويلعبو شويه انتى تكونى غسلتى طبقين الاكل وتعلقى هدومهم.
6-تجيبيهم يقعدوا يحكولك عملوا ايه فى المدرسه ويقولولك على الواجبات بتاعتهم وتحليها معاهم وكل شويه تقومى تعمليلهم سندويتشين كده
على كوبايه عصير فريش وفى الاخر تكافئيهم بانك تديهم شيكولاته او حاجه حلوة يعنى اصلى ناويه اعمل كده مع اولادى ان شاء الله بس انتوا ادعولى
7-خلصتى كده خلاص اللى وراكى والعيال بيلعبوا .......
8- (ده اللى عندها عيال واللى معندهاش تكمل بعد النقطه 4 ) بعد ما تخلص الاكل يعنى تقعد على النت شويه معانا او تتفرج على التليفزيون
كده يعنى
شويه فسحه ليكى
9-قومى بقه اعملى العشا وعشى الاولاد ونيميهم بدرى بدرى وده طبعا عشان المدرسه الصبح وعشان تفضى انتى بقه لجوزك خلينا صرحه
10-روحى خدى دوش والبسيلك قميص او بيجامه حلوة كده برفيوم وتسريحه سمبل غير الكحكة والنبى
11-عطرى الشقه كده وهدى الانوار لان جوزك جاى قرفان من الطريق والزحمه والصوت العالى والدوشه
12- اسمعيه وهوه طالع وطبعا كل واحده فينا بتسمع صوت جوزها على السلم استنيه على الباب واستقبليه بلهفه
13- ولو لاقيتيه جايب حاجه معاه خديها منه على طول وقوليله حمدالله على سلامتك حبيبى ... وحشتنى اوى ... البيت بيبقه مفيهوش روح طول مانت مش فيه
14- ادخلى معاه القوضه قلعيه الشوز والشراب وساعديه فى قلع باقى هدومه وتروحى تدخليه ياخد دوش كده
وتكونى محضراله الباشكير وهدومه طبعا عشان ما يستهواش
15- على ما هوه ياخد الدوش تكونى انتى بتسخنى الاكل وحضريله العشا على السفرة او حتى على الطابليه
16-هيخرج يلبس ويجى يتعشى اوعى تتكلمى عن اى مشكله وهوه بياكل ابداااااااااا بس اساليه كان يومك ازاى النهارده او احكيله اى خبر سمعتيه فى التليفزيون
اى كلام يسليكوا على الاكل ما عدا الكلام اللى يسد النفس
ايه رايكككككككككككككم
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
تسلم ايدك انا متجوزه بقالي 10 شهور وكنت بصحي دايما قبله بس بصراحه من ساعه ما حملت وبقي هوا الي بيصحيني لما يجي من الشغل شفتوا الهنا الي انا فيه لا بس انا ناويه ان شاء الله بعد الولاده حيكون في نظام تاني
ربنا يرزق كل بنت بزوج صالح وذريه صالحه ادعولي بقي اكمل حملي علي خير
تقومى بالسلامة يا زهرة

و تسلم إيديكى و عنيكى يا مشمشة ... أنا قربت أتجوز و كنت ناوية أعمل حاجات من اللى قولتيها بس إنتى زودتى كمان حاجات...ميرسى
avatar
بصوا يا بنات انا حبه اقولكم رايي علشان سيرو فعلا مع نوع معين من الرجاله مينفعش بس لازم الست وهى دخله علي حياه جديده تبدا بكل اللي في ايديها علشان تسعد جوزها وتوريه الحب يوم ما تلاقيه معجبوش او زها او اى حاجه تبقي تفكر في طريقه تعاملها بس ما اعتقدش ان اى راجل هيتعملوا كده هيبقي وحش الا اذا هوه اصله مش كويس فربنا يعينها عليه
هههههههههههههههه حلوة الطريقة دي ميرسي ليكي
الله حلوة اوى الحاجات دى تسلمى مشمشة
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى