منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 28 عُضو متصل حالياً :: 0 عضو مُسجل, 0 عُضو مُختفي و 28 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 1001 بتاريخ 24.03.13 0:13

موضوع مهم وضرورى اوى لكل البنات لازم تدخلوا

صفحة 2 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل

26122010

مُساهمة 

default موضوع مهم وضرورى اوى لكل البنات لازم تدخلوا




السلام عليكم

بجد بجد وحشتونى حبايبى

انا بقى عيزاكم تساعدونى وتساعدوا كل البنات فى موضوع بجد مهم اوى وهو ان فى بنات فترة خطوبتها بتوصل لسنتين او اكتر وممكن سنة وممكن اشهر وفى حاجات كل يوم بتطلع وانتم عارفين بقى النظام الام تفضل تخزن كل حاجة ادامها لبنتها لحد يوم جوازها بس طبعا انتى بتبقى محتارة لو جبتى حاجة دلوقتى يمكن قرب جوازك موضتها تروح وهكذا انا بقى عيزاكم تقولوا معايا ايه الحاجات اللى ممكن نعينها ونشتريها قبل الفرح يجى اكتر من سنة ومش تبطل وايه اللى مكن تبوظ من الركنة لحد الجواز وايه اللى ينفع يتخزن ويبقى احسن لو اتخزن بدرى يعنى مثلا طقم الشاى هو هو طقم الشاى بتاع السنة دى زى بتاع السنة الجاية ولا هيقدم وموضته هتروح طيب ملايات السرير بتهيقلى ملايات السرير مش بتقدم ولا موضتها بتروح طيب والبلاستيك كدة فهمتونى وطبعا من الحاجات اللى مش ينفع تتعان المكياج لان ليه صلاحية انا بديكم امثلة بس انا بجد الموضوع ده مهم عندى ولبنات غيرى وكمان ايه الحاجات اللى تبدأى بيها تجهزيها فى ناس بتبتدى بالمفروشات وناس بالنيش وناس بالبلاستيك كدة شوفوا معايا وتعالوا نرتب ايه الحاجات اللى ينفع تتعان بدرى وايه الحاجات الضرورية فى الاول عشان نخلص منها ماشى وتسلموا حبايب قلبى وطبعا اكتر ناس هتفيدنا اللى اتجوزوا وعندهم خبرة وياريت يفيدونا بالحاجات اللى كنا بنسمع عنها كويسة وطلعت وحشة وقدمت وباظت وتعبتها وطبعا يشمل كل حاجة سواء اجهزة معروفة وطلع فيها عيوب فناخد خبرة مش نجيبها وايه الحاجات الحلوة اللى تنفع تتجاب زى مثلا ايديال زانوسى الغسالة بيقولوا ان الايطالى هى اللى حلوة القديمة يعنى لكن اللى موجودة الوقت مش حلوة خاااااااااالص وهكذا ياريت تشتركوا معايا فى الموضوع ده يا احلى اميرات

الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

موضوع مهم وضرورى اوى لكل البنات لازم تدخلوا :: تعاليق

مُساهمة في 26.12.10 20:54 من طرف فاطمة الزهراء

ربنا يتملك على خير حبيبة قلبى
انا حقولك ارائى الشخصيه من واقع تجربتى ممكن حد تانى من الاميرات يكون له رأى اخر عشان كده لازم تأخدى بأكتر من رأى وما تعدمديش على رأيى بس فى الحاجات اللى انا حتكلم فيها لانى ما لحقتش استعمل حاجتى وسافرت بسرعه قبل ما اكتشف كل العيوب اللى فيها
الاجهزه الكهربائيه اوعى تجيبيها غير قبل الجواز مباشرة عشان كل يوم بتطلع موديلات جديد وبيعدلو فيها
اطقم الاكل وملايات السرير والفوط والمفارش صحيح كل يوم بتطلع اشكال ورسومات جديده بس ما فيهاش حاجه لما كل ما تلاقى حاجه تعجبك تجيبيها وتعنيها موضتها مش حتروح
التلاجه
ياريت بلاش كريازى انا عن نفسى جربتها انا وكذا واحده من صحباتى وكلنا عملت عندنا نفس المشكله اما الكهربا بتقطع لفتره طويله التلج بيسيح ويسد ما بين التلاجه والفريزر ولما تشتغل تلاقى الفريزر شغال والتلاجه ما بتسقعش او العكس و لما اتصلت على مهندس تصليح قاللى ان دى مشكله كتير قوى بيشكو منها مع انها لسه جديده و حلها انك تفضى التلاجه وتفصليها لمدة يوم كامل ( انا بذكر الحل للافاده )
اللى جربو ايديال من صحباتى بيشكروا فيها
الغساله
ايديال زانوسى حلوه
طقم الصينى
اليابانى احسن حاجه بيفرق فى الشكل قوى بس ما عرفش موجود فى مصر ولا لا
البيريكس
الفرنساوى احسن
الاستالس
المصرى احسن من التركى
التيفال
تيفال زهران جميل
البوتجاز
انا كان عندى يونيفرسال 60 90 وكان فيه مشكله فى فرنه لما بعلى النار بتطفى ومهندس التصليح قالى ان ده عيب فى الموديل وحله بسيط بس الكلام ده من اكتر من 3 سنين و سمعت ان الموديلات الجديده ما فيهاش المشكله دى
لما افتكر حاجه تانيه حقولهالك
ورينا يخليلك ماما

الرجوع الى أعلى الصفحة اذهب الى الأسفل

مُساهمة في 26.12.10 21:22 من طرف داليا احمد

ربنا يكرمك ويتمم لكى على خير
كل اللى حقولهولك عن تجربتى الشخصية وانا متزوجة منذ سنتينوانا اخذت الخبرة من خبرات سابقة
اولا الاجهزة الكهربائية قبل الزواج باسبوع او 2 اما عن انواعها
الثلاجة توشيبا تحفة
الغسالة ايديال زانوسى
البوتجاز كريازى الموديل القديم الجديد وحش جدا
السخان لو غاز يونيفرسال لو كهرباء اوليمبك
المكياج قبل الزواج بشهر ابدئى اشتريه ما عدا البرفانات هتيها وحطيها فى حته ضلمة علشان تتعتق
الملابس
1 الملابس الداخلية كل اما تشوفى حاجة عجبتك اشتريها لحد لما تخلصى كل اللى عايزاه
2 الملابس الشتوى اشتريها فى نصفها فى موسم الشتاء الاول ونصفها فى الثانى اما اذا كانت الخطوبة سنة اشتريها كلها فى موسم الشتاء ما قبل الزواج وهكذا الملابس الصيفى
اما عن المطبخ ويشمل الالمونيوم من الاهرام تحفة وباقى الاشياء من البداية اخلصى منها هاتيها كلها ما عدا البلاستكات هاتيها فى الاخر لانها تاخذ مكان كبير
اما الصينى وباقى الاطقم اشتريها حاجة حاجة يعنى كل اما تعجبك حاجة اشتريها وايضا اطقم السرير ما عدا الضربية او مفرش السرير فى الاخر
وايضا باقى الاشياء كلها بنفس الطريقة كل اما تلاقى حاجة حلوة اوى وعجبتك اشتريها
واخيرا الستائر والسجاد فى الاخر عند اختيار لون الحوائط والسيراميك ومعرفة الالوان وربطهم بالوان الموبيليا
ونصيحة كل اما خلصتى حاجتك بدرى اعصابك تهدى وتستقرى
ونصيحة اخرى اشترى دائما فى شهر 1 وشهر 7 بيكون فى اوكازيونات حلوة اوى
يا رب اكون قدرت افيدك انتى وكل البنات وربنا يوفقك

الرجوع الى أعلى الصفحة اذهب الى الأسفل

مُساهمة في 26.12.10 21:39 من طرف salma.m

حلو اوى كل الكلام ده انا بستفاد منكو بجد كلامكو كله مفيد

الرجوع الى أعلى الصفحة اذهب الى الأسفل

مُساهمة في 26.12.10 21:41 من طرف mishmisha2

موضوع مهم اوي يا ايمي انا كمان كنت عايزه اعرفه
بس انا سمعت خالتي بتقول احسن وقت ممكن تشتري فيه العروسه ادوات المطبخ والسجاد واملايات والحاجات دي بيبقي في عيد الام بينزل موديلات روعه وتخفيضات تحفه
بالذات في شركه الاهرام والنساجون الشرقيون

الرجوع الى أعلى الصفحة اذهب الى الأسفل

مُساهمة في 26.12.10 22:56 من طرف داليا احمد

@mishmisha2 كتب:موضوع مهم اوي يا ايمي انا كمان كنت عايزه اعرفه
بس انا سمعت خالتي بتقول احسن وقت ممكن تشتري فيه العروسه ادوات المطبخ والسجاد واملايات والحاجات دي بيبقي في عيد الام بينزل موديلات روعه وتخفيضات تحفه
بالذات في شركه الاهرام والنساجون الشرقيون
فعلا بس بتكون غالية لان المحلات بتكون عارفة انك حتشترى حتشترى فبيغلوا الاسعار شوية على هيئة عروض العروض الافضل شهر 1 و7 عن تجربة لان بيكون الوقت ده وقت امتحانات والسوق نايم شوية فبتكون فرصة انزول الاسعار وكمان شهر 6

الرجوع الى أعلى الصفحة اذهب الى الأسفل

صفحة 2 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى