منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 12 عُضو متصل حالياً :: 0 عضو مُسجل, 0 عُضو مُختفي و 12 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 1001 بتاريخ 24.03.13 0:13

محتاره تفرشي نيش بيتك ازاي تعالي يا عروسه وانا اقولك

صفحة 2 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

24122010

مُساهمة 

default محتاره تفرشي نيش بيتك ازاي تعالي يا عروسه وانا اقولك




اهلا بيكم ياعرايس منتدي وصفات كليوباترا
احلي عرايس في الدنيا
.......................
طبعا كل عروسة بتفرش النيش بتاعها بتبقى محتارة تفرشه ازاي؟ازاي مايبقاش تقليدي؟
...........................
انا هديلكم شوية نصايح يارب تفيدكم
......................
انا تحت امر اى حد فى اى استفساااااار

فى الاول انا عايزة اقولكم تعريف النيش لان اكيد في كتير من الاخوات مايعرفوش يعني ايه نيش...؟؟؟؟

لان الاسامي بتختلف من بلد لبلد

النيش ده عبارة عن دولاب ب2 ضلفه او 4 ضلفه حسب حجمه بيبقى الوش بتاعه زجاج والجوانب زجاج والظهر خشب
لكن فيه مرايه عشان يعكس الضوء
وده بيترص فيه طقم الصيني واطقم الشاي والقهوة والكاسات ....وهكذا

ودي صورته
[ندعوك للتسجيل في المنتدى أو التعريف بنفسك لمعاينة هذه الصورة]


نبدأ بقى طريقه فرشه بسم الله
اولا طبعا لازم تفرشي بالمفارش اللي تبع مفرش السفرة
بيكون في مفارش مربعة صغيرة بتحطيه ويكون نازل منه جزء على شكل مثلث وطبعا بيكون المثلث ده مطرز
بتفرشيه في الوش وفي الجوانب كمان عشان تدي شكل جميل

ثانيا ترتيب الاطقم
حاولي وانتي بتشتري الاطقم متجبيش الوان كتير
يعني بلاش يبقى النيش عبارة عن كرنفال الوان عشان ميزغللش العين وكمان هتلاقي صعوبه في تنسيقة خصوصا لو المفرش لونه مش لايق مع الطقم يعني حاولي يبقى الاطقم على قد ماتقدري لون واحد او لونين بالكتير يعني لو ذهبي يبقى الكاسات فيها خطوط او رسومات دهبي وممكن يكون طقم الشاي على لون عسلي يعني حاولي يبقى الالوان ماشيه مع بعض وطبعا المفارش تكون ذهبي فاتح او بيج
ولو عايزة تكون حاجتك على فضي يبقى دي سهله بالنسبالك ممكن تحطي لون تاني زي الاحمر او الاخضر او الازرق وده هيديكي انعكاس جميل جدا زي النيش ده عبارة عن لونين فضي وابيض مع احمر
[ندعوك للتسجيل في المنتدى أو التعريف بنفسك لمعاينة هذه الصورة]




طريقه الترتيب
طبعا الكاسات واطقم الشربات بيبقوا لوحدهم وترصيهم بشكل جميل لكن بلاش تبالغي وتكتري في الحاجه عشان جمال الاطقم هتروح

وطبعا طقم الشاي يترص كله وبيكون البراد في النص وحواليه الفناجين وبيكون وراه سيرفيس مدور او بيضاوي زي ماتحبي ويكون واقف وراه يعني ساند على خلفيه النيش وممكن كمان تحطي حواليهم فناجين القهوة اللي تبع طقم الصيني طبعا عشان يبقو شكل واحد

واطقم الخشاف بيكون الطبق الكبير في النص وبيتحط جواه الاطباق الصغيرة بشكل مرتب وجميل

وطبعا بيكون عندك طقم صواني للتقديم بتكون غير اللي بتستخدميها في المطبخ ودي بتحطيها في الخلف زي السيرفيس كده اللي اتكلمت عنه من شويه

اما بالنسبه لشنطه الملاعق فليكي حريه الاختيار
ياما بتفتحيها وتحطيها زي ماهي
ياما وده الافضل انك تشيلي الملاعق منها وتضعيها في ادراج البوفيه طبعا الملاعق بتبقى محطوطه في حاجه كده جوة الشنطه وبتكون لكل واحده مكان مخصص فانتي بتشيليها بيها عشان شكل الملاعق ميبوظش

بالنسبه بقى لباقي طقم الصيني فدول بيترصوا في البوفيه ولو ماعندكيش بوفيه فبترصيهم في النيش من تحت خالص بيكون في مكان متداريطبعا لان ماينفعش ان الاطباق تبان في النيش
ولو عندك اي اطقم زياده من الكاسات او الشربات او قهوة والنيش اتملا خلاص فممكن ترصيه جوة البوفيه زي مانتي عايزة وممكن تحطي شويه اكسسوارات حوالين الاطقم لكن بلاش تكتري عشان مفيش احلي من البساطه
وكده نبقى خلصنا كلام عن طريقه ترتيب النيش
يارب اكون أفدتكم وماحدش يقول عليا رغاية هههههههههههه

نتقابل في يوم تاني مع موضوع تاني
ربنا يتمم للكل على خير يارب
يارب ارزقنا جميعا يارب بالازواج الصالحين

الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

محتاره تفرشي نيش بيتك ازاي تعالي يا عروسه وانا اقولك :: تعاليق

مُساهمة في 05.01.11 0:55 من طرف عيون القلب

ميرسي لزوقك ورقتك يا سكر وميرسي لردك وتعبك معانا جميعا
وربنا يوفقك ويرزقك بكل خير ديما يارب

الرجوع الى أعلى الصفحة اذهب الى الأسفل

مُساهمة في 05.01.11 8:34 من طرف كاتي باتي

مرسي ليكي يامشمشه فايداني دايما بمواضيعك لاني قريب هفرش وكنت محتاره افرشه ازاي حتي فكرت اجيب حد راجل من محل صيني يرصلي النيش علشان يبقي شكله شيك [ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل

مُساهمة في 05.01.11 12:01 من طرف مروى

ميرسى يا مشمشة ع المعلومات الحلوة
انا بصراحة حابة اقولك ان شكل النيش بتاعك ماشاء الله تحفة جدا
والأحمر ف الأبيض اللى عملاه تحفة جدااااااااا
ماشاء الله عليكى زوقك يجنن

الرجوع الى أعلى الصفحة اذهب الى الأسفل

مُساهمة في 25.03.11 20:54 من طرف السنوره

بشكرك كتير يا مشمشه ع المواضيع المفيده دي بجد مواضيع جامده وعقبالك يارب وعقبال كل البنات

الرجوع الى أعلى الصفحة اذهب الى الأسفل

مُساهمة في 25.03.11 22:53 من طرف CENDRELA

الله عليكى بجد

الموضوع دا اهم موضوع قريتو فالمنتدى
بجد


بس نفسي تنزلى لينا شويه اشكال للنيش بصوره مقربه
لو النيش اربع ارفف او تلاته

احط ايه فالتلاته دول

المفروض كاسات النيش اد ايه
كام طقم وكام فردى
الكريستال كزينه احلى ولا التماثيل


ميرسي يا اموره اوى

الرجوع الى أعلى الصفحة اذهب الى الأسفل

صفحة 2 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى