محتاره تفرشي نيش بيتك ازاي تعالي يا عروسه وانا اقولك

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

avatar
mishmisha2
رقم عضويتك : 8771
عدد المساهمات : 1714
الاوسمه :
العمل/الترفيه : طالبه جامعيه

مُساهمةmishmisha2

اهلا بيكم ياعرايس منتدي وصفات كليوباترا
احلي عرايس في الدنيا
.......................
طبعا كل عروسة بتفرش النيش بتاعها بتبقى محتارة تفرشه ازاي؟ازاي مايبقاش تقليدي؟
...........................
انا هديلكم شوية نصايح يارب تفيدكم
......................
انا تحت امر اى حد فى اى استفساااااار

فى الاول انا عايزة اقولكم تعريف النيش لان اكيد في كتير من الاخوات مايعرفوش يعني ايه نيش...؟؟؟؟

لان الاسامي بتختلف من بلد لبلد

النيش ده عبارة عن دولاب ب2 ضلفه او 4 ضلفه حسب حجمه بيبقى الوش بتاعه زجاج والجوانب زجاج والظهر خشب
لكن فيه مرايه عشان يعكس الضوء
وده بيترص فيه طقم الصيني واطقم الشاي والقهوة والكاسات ....وهكذا

ودي صورته
[ندعوك للتسجيل في المنتدى أو التعريف بنفسك لمعاينة هذه الصورة]


نبدأ بقى طريقه فرشه بسم الله
اولا طبعا لازم تفرشي بالمفارش اللي تبع مفرش السفرة
بيكون في مفارش مربعة صغيرة بتحطيه ويكون نازل منه جزء على شكل مثلث وطبعا بيكون المثلث ده مطرز
بتفرشيه في الوش وفي الجوانب كمان عشان تدي شكل جميل

ثانيا ترتيب الاطقم
حاولي وانتي بتشتري الاطقم متجبيش الوان كتير
يعني بلاش يبقى النيش عبارة عن كرنفال الوان عشان ميزغللش العين وكمان هتلاقي صعوبه في تنسيقة خصوصا لو المفرش لونه مش لايق مع الطقم يعني حاولي يبقى الاطقم على قد ماتقدري لون واحد او لونين بالكتير يعني لو ذهبي يبقى الكاسات فيها خطوط او رسومات دهبي وممكن يكون طقم الشاي على لون عسلي يعني حاولي يبقى الالوان ماشيه مع بعض وطبعا المفارش تكون ذهبي فاتح او بيج
ولو عايزة تكون حاجتك على فضي يبقى دي سهله بالنسبالك ممكن تحطي لون تاني زي الاحمر او الاخضر او الازرق وده هيديكي انعكاس جميل جدا زي النيش ده عبارة عن لونين فضي وابيض مع احمر
[ندعوك للتسجيل في المنتدى أو التعريف بنفسك لمعاينة هذه الصورة]




طريقه الترتيب
طبعا الكاسات واطقم الشربات بيبقوا لوحدهم وترصيهم بشكل جميل لكن بلاش تبالغي وتكتري في الحاجه عشان جمال الاطقم هتروح

وطبعا طقم الشاي يترص كله وبيكون البراد في النص وحواليه الفناجين وبيكون وراه سيرفيس مدور او بيضاوي زي ماتحبي ويكون واقف وراه يعني ساند على خلفيه النيش وممكن كمان تحطي حواليهم فناجين القهوة اللي تبع طقم الصيني طبعا عشان يبقو شكل واحد

واطقم الخشاف بيكون الطبق الكبير في النص وبيتحط جواه الاطباق الصغيرة بشكل مرتب وجميل

وطبعا بيكون عندك طقم صواني للتقديم بتكون غير اللي بتستخدميها في المطبخ ودي بتحطيها في الخلف زي السيرفيس كده اللي اتكلمت عنه من شويه

اما بالنسبه لشنطه الملاعق فليكي حريه الاختيار
ياما بتفتحيها وتحطيها زي ماهي
ياما وده الافضل انك تشيلي الملاعق منها وتضعيها في ادراج البوفيه طبعا الملاعق بتبقى محطوطه في حاجه كده جوة الشنطه وبتكون لكل واحده مكان مخصص فانتي بتشيليها بيها عشان شكل الملاعق ميبوظش

بالنسبه بقى لباقي طقم الصيني فدول بيترصوا في البوفيه ولو ماعندكيش بوفيه فبترصيهم في النيش من تحت خالص بيكون في مكان متداريطبعا لان ماينفعش ان الاطباق تبان في النيش
ولو عندك اي اطقم زياده من الكاسات او الشربات او قهوة والنيش اتملا خلاص فممكن ترصيه جوة البوفيه زي مانتي عايزة وممكن تحطي شويه اكسسوارات حوالين الاطقم لكن بلاش تكتري عشان مفيش احلي من البساطه
وكده نبقى خلصنا كلام عن طريقه ترتيب النيش
يارب اكون أفدتكم وماحدش يقول عليا رغاية هههههههههههه

نتقابل في يوم تاني مع موضوع تاني
ربنا يتمم للكل على خير يارب
يارب ارزقنا جميعا يارب بالازواج الصالحين

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
محتاره تفرشي نيش بيتك ازاي تعالي يا عروسه وانا اقولك :: تعاليق
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 72612
الاوسمه :
العمل/الترفيه : طبيبه اسنان

مُساهمة في 24.12.10 23:03 من طرف كليوباترا

يا جامد يا مشمش دايما مواضيعك في الجون احنا طماعين ومستنيييين الجديد هههههههه
تسلم ايديكى يارب دايما متالقه
avatar
mishmisha2
اميره برونزيه
اميره برونزيه
رقم عضويتك : 8771
عدد المساهمات : 1714
الاوسمه :
العمل/الترفيه : طالبه جامعيه

مُساهمة في 25.12.10 0:29 من طرف mishmisha2

يا حبيبتي يا كوكو انتي تؤمري
منوراني يا احلي كوكو في الدنيا
عيون القلب
اميره خياليه
اميره خياليه
رقم عضويتك : 7424
عدد المساهمات : 605
الاوسمه :
العمل/الترفيه : كمبيوتر

مُساهمة في 05.01.11 0:25 من طرف عيون القلب

جامدة جدا ومواضيعك مية مية وعسل زيك

طب ممكن لو هتقل عليكي شوية تنزليلي اشكال من الفارش بتاع النيش

وهل لو مفرشتش مفارش هيبقي شكلة بايخ ولا عادي


وممكن كمان انا جايبة طقم الجاتوة الي هو الشاي لونة كوحلي ف ابيض ومتحدد بدهبي مثلا اجيب الصيني والكاسات قريبين منة ازاي يعني
avatar
mishmisha2
اميره برونزيه
اميره برونزيه
رقم عضويتك : 8771
عدد المساهمات : 1714
الاوسمه :
العمل/الترفيه : طالبه جامعيه

مُساهمة في 05.01.11 0:36 من طرف mishmisha2

ربنا يخليكي يا لولو ياقمر ده انتي الي عسل
ومفيهاش تعب ولا حاجه حاضر حدورلك علي مفارش للنيش وانزلهملك
المهم في النيش انه يبقي متناسق يعني مش شرط مفارش
لو انتي منسقاه وشايفه انه مش محتاج مفارش وشكله حلو خلاص
حسب ذوقك ونظرتك انتي
اما بالنسبه للالوان
الصيني في منه الوان كتير ومش لازم ازرق في ذهبي بالظبط ممكن يبقي محدد بدهبي بس او فيه خط ازرق بي مش لازم نفس اللون
والكاسات في منها اللي متحدد بدهبي اكيد حتبقي لايقه مع الطقم بتاعك
وربنا يتمملك علي خير يا قمر
وتفضلي منوراني علي طول

صفحة 1 من اصل 4 1, 2, 3, 4  الصفحة التالية

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى