وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 نصايح هامه لكل عروسة لفترة قبل الفرح

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7, 8, 9  الصفحة التالية
كاتب الموضوعرسالة
24122010
مُساهمةنصايح هامه لكل عروسة لفترة قبل الفرح


لكل البنات اللى فرحهم قرب او لسه قدامه فترة دي نصايح مهمه ليكم


  • في الفترة اللى قبل فرحك انتى بتنزلى تشتري حاجات وطلبات وكده حاولى قد ماتقدري مش تستعملى مكياج (ده للي بتستعمل مكياج ) ونبدل المكياج بكريم واق للبشرة من الشمس ده لو خارجه بالنهار وبكريم مرطب لو خارجه بالليل
حاولى وانتى بتشتري طلباتك تشربي مايه على فترات بكميات قليله علشان بشرتك مش تتعرض لاجهاد


  • وحافظي على عادات معينه ف الفترة دي زي مثلا قبل النوم تدهنى جسمك كله بزيت زيتون مع نص ليمونه وتحطي فازلين على رجليكي وتلبس شراب وتستعملى كريمات تفتيح للمنطقه الحساسه والابط وانا كنت قلت عن كريمات انا جربتها ايام فرحي وجابت نتيجه من 3 يوم ولما استمريت عليها لمده اسبوعين ماكنشفي فرق ف اللون وطبعا اهم حاجه وانتى خارجه تلبسي شورت
والكريمات مرة تانيه هي
Diprosalic
Eldoquin Forte 4% cream
ودول تخلطي من كل واحد شوية وتحطيهم على المنطقه وبين الارداف
Bepanthen
وده استعمليه مرة بردو هيحافظ على نعومة المنطقة ويرطبها بشكل كويس
ومش تنسي بشرة وجهك تغسليها كل يوم كويس قبل النوم واسنانك تفرشيها كويس وفي بودرة اسنان بتاعت شركة ايفا للمدخنين حلوة لو اسنانك مش بيضا وحابه ترجعيها نظيفه وصحيه وطبعا لو عندك مشكله ف اسنانك زي تسوس او كده اجري على الدكتور وعالجي المشكله لان اغلب البنات لما بيصحوا الصبح بيحسوا ريحه نفسهم مش حلو وده بيكون لاسباب صحيه غالبا او قلة غسل اسنان ونختصر المشاكل الصحية دي انها يااما
اسنان او التهاب لثة او من المعدة او واكلة بصل وثوم قبل النوم ديه حاجه تانيه بقى
بعد ماغسلتى وشك بغسول مناسب مش تنسي تحطي كريم للوجه مرطب ومنطقة حول العين اما تستعملي لها مرطب خاص او انا بحب كبسولات فيتامين اي خصوصا لو عندك هالات سوداء
ومش تنسي لو عندك رؤوس سود عند المناخير مش تحطي ايدك عليها وتلعبي فيها ومش تحطي عليها كريم
نيجي للاكواع والركب مش تنسي تستخدمى كريم مرطب ممكن مثلا اقولك جلسوليد الاحمر روعه او فازلين حلو
وممكن لو بشرتك حساسه استعملى منتجات جونسون بتاعت الاطفال رووووووووووووووعه جدا خصوصا الاويل جيل اللى بالكاموميل
ومش تنسي شعرك عملتى كل ده وهتنسى شعرك ممنوع الاستشوار الصبغات اى حاجه من ديه ممنوعه وبصراحه اغلبنا بنحب ع الفرح نعمل هاي لايت بس رجاااااااااااااااااااااءا بلاش تعمليه عند اى حد ومش تكوي وتستشوري غير يوم فرحك لو مش محجبه ولو محجبه كفايه استشوار
وطبعا بالليل تستعملى لشعرك كريم فيه دابر املا ترطيب مكثف حلو ولو مش بتحبي الكريمات فيه زيوت زي زيت جدايل ممتاز ولو مش تحبي الاحساس الدهنى استعملي سيروم للشعر وبصراحه السيروم بتاع دوف حلو جدا
دلوقتى انتى خلصتى الاستعداد للنوم ادخلى نامى بقى هتقولوا الليل خلص صح ؟؟؟معلش ادخلى نامى من 8
نيجي بقى لوقت الاستحمام عاوزين شاور منعش ومهدي
انا بنصح اى عروسه كل اسبوع او اتنين تملى البانيو ماية دافيه وتحط زيت عطري وتقعد فيه شوية وتغمض عينيها وف الوقت ده مش تنام وخلاص لا تحطي قبل ماتدخلى البانيو ماسك على شعرك وتغطيه بالطاقيه بتاعت الحمام وتحطي ماسك ع وشك حسب نوع بشرتك وتحطي شرايح خيار على عينيك وقبل ماتنزلى ف البانيو دلكى جسمك باى مقشر كويس حسب نوع بشرتك بردو واغسلي المقشر
وادخلى البانيو وغمضي واسترخي وفكري في هدوء في حياتك اللى جايه ورتبي افكارك بدون توتر او خوف
اقعدى مدة 20 دقيقه بعدين قومى اغسلي جسمك
بعدين ماتخلصي الشاور نشفي كل جسمك كويس جدا وشعرك ومش تنسي تجففى المنطقة الحساسه كويس بفوطه خاصه وممكن تشطفي المنطقه الحساسه بمايه وشوية ملح صغيرين جدا وبعدا تغلسي بمايه وتنشفى او تستعملى غسول طبي
وبعد كده تحطي كريم مرطب على جسمك كله ويابنات مش تنسوا في حمامات مختلفه للعرايس زي الحمام المغربي ممتاز
نيجي لازالة الشعر
نيجي لمشكله ازاله الشعر ممكن تستعمل مخدر قبل الازالة وبعد الازاله حاولى تمسحي بمايه ورد وبعدها تدلكى جسمك بزيت زينون
الاظافر والباديكير والمانكير
حاولى مش تستعملى مونكير كتير مش حلو ع الاظافر بيضعفها ودايما بعد الحمام بتاع البانيو اعملى باديكير قصي ظوافرك قلميها استعملى زيت للظوافر بتباع من شركة نيفيا بتاع املاح البحر حلو وممتاز او ممكن زبده الاظافر من شكرة سالى اندرسون للاظافر الضعيفه اللى بتتكسر واللى مش هتعرف تجيب الحاجات دي ممكن تستبدلهم بثوم وزيت زيتون وليمون على الابد كلها علشان بياض الايد ونعومتها
واخيرا ياحبيبتي مش تنسي وانتى بتجهزي غرفة نومك قبل فرحك بيوم
تحطي سجادتين صلاه في الغرفه وتحطى نوت على التسريحه بالدعاء اللى جوزك يقوله بعد مايصلي بيك اللى هو (االلهم انى اسالك خيرها وخير ماجبلتها عليه ...واعوذ بك من شرها وشر ماجبلت عليه ) وربنا يوفقكم
وده مش جهل من جوزك بالدعاء ده لا طبعا بس تذكير له وعلشان تعرفيه حبك ليه وقد ايه انتى عاوزه ربنا يوفقكم في جوازكم
واخيرا همسة في اذنك ياحبيبتى مش تنسي زوجك هو الرجل احترمى قراراته ورغباته بل وحتى فشله حسسيه ان المسئولية مشتركة
افرحي بدخلته عليكي ادعى له فغيابه وفي وجوده
دي اول مشاركة ليا :roll: وخايفه مش تعجبكم وكمان المشكله انى جمعتها من الذاكرة
ربنا يستر وتعجبكم
مع خالص حبي وتمنياتى بالتوفيق لكل عرايسنا الحلويييييين يااااااااااااااااااااارب
[ندعوك للتسجيل في المنتدى أو التعريف بنفسك لمعاينة هذه الصورة]
كاتب الموضوع : marmo0or
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

نصايح هامه لكل عروسة لفترة قبل الفرح :: تعاليق

رد: نصايح هامه لكل عروسة لفترة قبل الفرح
مُساهمة في 30.03.11 16:31 من طرف بوسى كاات
جزاكى الله كل خير بجد موضوع حلو اوووى ما شاء الله ربنا يرزقنا ازواجا صالحين واوعدك انى هنفذ كلامك [b][u]
رد: نصايح هامه لكل عروسة لفترة قبل الفرح
مُساهمة في 31.03.11 23:15 من طرف hanan hamdy2011
تسلم افكارك
رد: نصايح هامه لكل عروسة لفترة قبل الفرح
مُساهمة في 01.04.11 14:50 من طرف عيون القلب
علي فكرة الموضوع عجبني اااااااااااااااااااوي وانا استفدت منة كتير منتظرة الجديد وهاتي الي عندك كلة هههههههههه انا فرحي ف شهر 9 يعني ابدا من دلوقتي اعمل الحجات دي انا هزهق اعمل قبل الفرح بشهر علشان مزهقشي ولا اعمل اية [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
بجد موضوع جميل أوووي واستفدت منه كتير انا لسه علي فرحي مش اقل من 8 شهور بس معلومات جميله بردو تسلم ايدييكي :رائع : [b]
very good
thank yooooooooooooooooooooooooooou
 

نصايح هامه لكل عروسة لفترة قبل الفرح

استعرض الموضوع السابق استعرض الموضوع التالي الرجوع الى أعلى الصفحة 

صفحة 6 من اصل 9انتقل الى الصفحة : الصفحة السابقة  1, 2, 3, 4, 5, 6, 7, 8, 9  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم العروسه-
انتقل الى: