عجينة البيتزا خطوة خطوة جربيها وهتدعيلي

صفحة 2 من اصل 3 الصفحة السابقة  1, 2, 3  الصفحة التالية

avatar
sara love mido
اميره خياليه
رقم عضويتك : 10825
عدد المساهمات : 687
الاوسمه :
العمل/الترفيه : بحب كل الناس

مُساهمةsara love mido

عجينة البيتزا هي أوّل حاجة هتعمليها، وإنتي بتحضّري للبيتزا؛ لأنها بتكون محتاجة وقت علشان تتخمّر..

لعجينة البيتزا اكتر من طريقة ؛ يعني فيه ناس بتعملها ببيض ولبن، وفيه ناس بتعملها من غير بيض ولا لبن...




العجينة على طريقة نابولي من غير بيض ولا لبن
المقادير:


  • 3 أكواب دقيق
  • 2 ملعقة صغيرة خميرة بيرة
  • 1/ 2 ملعقة صغيرة ملح
  • كوب ماء دافئ
  • 3 ملاعق كبيرة زيت ذرة

الطريقة:
1- هاتي وعاء بلاستيك كبير، واخلطي فيه نصف كمية الدقيق مع الخميرة والملح، وبعد كده ضيفي المية والزيت، واضربيهم كلهم بمضرب البيض على سرعة عالية لمدة 3 دقائق.

2- ضيفي باقي الدقيق للخليط السابق، وقلّبيه باستخدام ملعقة خشبية.

3- انقلي العجينة على رخامة المطبخ أو على لوح خشبي، وابدئي في عجنها بإيدك لغاية ما تلاقيها بقت طرية ومطاطة وسهلة التشكيل، وبعد كده شكّليها لدوائر كبيرة.

4- انقلي العجينة في طبق بلاستيك أو طبق زجاجي كبير، وادهنيها بكمية صغيرة من الزيت، وغطّيها بقطعة قماش، وسيبيها في مكان دافئ لمدة ساعتين؛ علشان تخمر وحجمها يزيد.

*******************





العجينة على طريقة ميلانو بتحتاج للبيض ولبن
المقادير:


  • 2 كوب دقيق
  • 2 بيضة
  • 2 ملعقة كبيرة زبدة
  • كوب لبن
  • ملح وفلفل
  • 2 ملعقة صغيرة خميرة بيرة
  • 1/ 2 ملعقة صغيرة سكر

الطريقة:
1- اخلطي الخميرة مع السكر.

2- هاتي طبق زجاج أو بلاستيك كبير، وحطّي فيه السمنة، واضربيها بالمضرب الكهربائي، وبعد كده ضيفي عليها باقي المقادير والخميرة والسكر، واضربيهم مع بعض بالمضرب، لغاية ما تلاقي العجينة بقت جامدة، شيلي المضرب واعجنيها بإيدك لغاية ما تلاقيها بقت طرية ومطاطة، وبعد كده غطّيها وسيبيها لمدة 3 ساعات عشان تتخمّر.

*******************





بعد ما عملنا العجينة بأي طريقة من اللي قلنا عليها، هييجي وقت تحضير...

صلصة البيتزا
المقادير:


  • 4 ثمرات طماطم مقشّرة ومقطّعة مكعبات صغيرة
  • 4 ملاعق كبيرة صلصة طماطم
  • 2 ملعقة كبيرة زيت ذرة
  • 1 ملعقة صغيرة زعتر جاف مطحون
  • 1 ملعقة صغيرة نعناع جاف مطحون
  • ملح وفلفل

الطريقة:
1- سخّني الزيت في طاسة على نار هادية، وبعد كده ضيفي الطماطم وصلصة الطماطم والزعتر والنعناع، و 3/ 4 كوب ماء، وسيبي الخليط على النار لمدة نصف ساعة علشان يتسبّك.

*******************





ودلوقتي تعالي نعرف بعض الطرق لتحضير البيتزا بنكهات مختلفة...

بيتزا بالخضراوات
المقادير:


  • عجينة بيتزا
  • 1 ثمرة فلفل أخضر مقطّعة حلقات
  • 1/ 2 كوب صلصة بيتزا
  • 2 ثمرة طماطم مقطّعة حلقات
  • بصلة متوسّطة الحجم مقطعة حلقات
  • كوب مشروم مقطّع شرائح
  • 2 فص ثوم مفروم
  • 1 ملعقة صغيرة زعتر
  • 1 1/ 2 كوب جبنة موزاريلا مبشورة
  • 1/ 2 ملعقة صغيرة فلفل أسود
  • 2 شريحة كرفس مقطّعة قطع صغيرة
  • زيتون أسود مقطع دوائر
  • أوراق ريحان للتزيين

الطريقة:
1- قطّعي عجينة البيتزا لقطع صغيرة مدوّرة، وحطّيها على رخامة المطبخ أو على سطح خشبي مرشوش بالدقيق، وابدئي في فردها لغاية ما مساحتها تكون مناسبة للصاج أو الصينية اللي هتعملي فيها، وبعد كده حطّيها في الصينية، بس خدي بالك إنك قبل ما تحطيها بتدهني الصينية بالزيت.

2- ضيفي صلصلة البيتزا فوق العجينة، ورشّي الثوم المفروم، وضيفي الفلفل الأخضر والطماطم والبصل والكرفس والزيتون الأسود والمشروم، ورشّي الفلفل الأسود، وقطّعي البيتزا على شكل مثلثات.

3- رشّي الجبنة الموزاريلا والزعتر على السطح.

4- سخني الفرن على درجة حرارة عالية شوية، وبعد كده دخّلي صينية البيتزا في الفرن لمدة 15 دقيقة، وبعد ما تلاقي وشها إحمرّ، خرّجيها.. وبالهنا والشفا.

*******************







بيتزا بالسجق
المقادير:

  • عجينة بيتزا
  • 1 ثمرة فلفل أخضر مقطّعة شرائح
  • 1/ 2 كوب صلصة بيتزا
  • بصلة متوسّطة الحجم مقطّعة حلقات
  • 2 فص ثوم مفروم
  • 1 1/ 2 كوب جبنة موزاريلا مبشورة
  • 1/ 2 ملعقة صغيرة فلفل أسود
  • كرفس مقطّع لقطع صغيرة جداً
  • سجق مقطع شرائح
  • 1/ 2 كوب زيتون أسود أو أخضر مقطّع شرائح


الطريقة:
بتعملي نفس الخطوات اللي فاتت بالظبط، وبعد كده تدخليها الفرن، وبعد 15 دقيقة أو بعد وشها ما يحمر بتطلعيها.. وبالهنا والشفا
وبالتوفيق للجميع :flower: .

صفحة 2 من اصل 3 الصفحة السابقة  1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
عجينة البيتزا خطوة خطوة جربيها وهتدعيلي :: تعاليق
emy ghanem
اميره فضيه
اميره  فضيه
رقم عضويتك : 9301
عدد المساهمات : 4048
الاوسمه :

مُساهمة في 11.12.10 15:24 من طرف emy ghanem

تسلم ايدك انا بحب البيتزا موووووووووووووووووت
avatar
فاطمة الزهراء
اميره فضيه
اميره  فضيه
رقم عضويتك : 2609
عدد المساهمات : 4841
الاوسمه :

مُساهمة في 20.12.10 11:36 من طرف فاطمة الزهراء

تسلم ايدك بجد تشكرى
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 73595
الاوسمه :
العمل/الترفيه : طبيبه اسنان

مُساهمة في 20.12.10 12:33 من طرف كليوباترا

روعه تسلم ايديكى يا قمر
avatar
sara love mido
اميره خياليه
اميره خياليه
رقم عضويتك : 10825
عدد المساهمات : 687
الاوسمه :
العمل/الترفيه : بحب كل الناس

مُساهمة في 18.07.11 15:01 من طرف sara love mido

تسلمولي يا رب
avatar
دوده
اميره خياليه
اميره خياليه
رقم عضويتك : 22139
عدد المساهمات : 903
الاوسمه :

مُساهمة في 18.07.11 15:07 من طرف دوده

تسلم ايدك انا بحب البيتزا

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى