وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 طريقة عمل البسطرمة في المنزل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
04122015
مُساهمةطريقة عمل البسطرمة في المنزل



المقادير:

كيلو من اللحم الفيليه أربعة ملاعق من الملح الخشن خيط رفيع لربط قطع اللحم لتحضير معجون الحلبة: 30 فص من الثوم مقشر ومهروس وناعم + 10 ملاعق من البابريكا 10 ملاعق من مسحوق الحلبة + 5 ملاعق من الكمون ملعقتان من البهارات + ملون طعام طريقة التحضير: تقطيع قطع اللحم شرائح ويكون عرضها 10 سم

فرك قطع اللحم بالملح الخشن واتركيها في الثلاجة لمدة يومين بعد يومين قومي بغسيل قطع اللحم بالماء ثم تجفيفه جيداً بمنشفة من المطبخ وضع قطع اللحم في صينية واضغطي عليها جيداً حتى تخرجي كل المياه منها واتركيها لمدة يوم واحد تقريباً ربط قطع اللحم بواسطة خيط رفيع وتمرير الخيط في كل ارجاء اللحم

اتركي قطع اللحم في مكان بارد او في الهواء حتى تجف تماماً مع الحرص على عدم جعلها رطبة في هذه الاثناء قومي بعمل معجون الحلبة وهو عبارة عن نقع مسحوق الحلبة في الماء البارد وتحريكه بسرعة حتى تحصلي على معجون واضافة باقي المكونات للحصول على معجون به الكثير من التوابل بعد ان تجف قطع اللحم قومي بتغليفها بمسحوق الحلبة

ثم اتركيها في مكان بارد بعد أسبوع واحد قومي بتغليف قطع اللحم بطبقة ثانية من معجون الحلبة واتركيها لمدة 8 أيام حتى يصبح سطحها الخارجي غير رطب تقطيع البسطرمة شرائح رقيقة وتخزينها حتى موعد استخدامها.

طريقه اخري
طريقة سهلة لعمل البسطرمة فى البيت بالفيديو
أقدم لكم اليوم أسهل طريقة مع شرح بالفيديو لعمل بسطرمة هايلة فى البيت – صحية ونظيفة وكمان موفرة – وأطعم من أى سوبرماركت – المقادير هنا مناسبة لعمل كيلو واحد من اللحم – لكن ممكن عمل أى كمية مع زيادة المقادير بنفس نسبة الزيادة فى وزن اللحم

bastermaالمقادير

قطعة أو أكثر من اللحمة سمكها لا يزيد عن 3-4 سم – وطولها من 10 الى 30 سم – المفروض تكون وش فخدة او عرق تريبيانكو لكن أى لحم كندوز صغير او حتى كبير بلدى او مستورد برضه ينفع عادى
ملح بنسبة 10% من وزن اللحمة (أى 100جم بالنسبة لكيلو لحم)
وللخلطة (تكفى لكيلو واحد من اللحم)

حلبه حصي بنسبة 10% من وزن اللحم
2 معلقة كبيرة بابريكا (فلفل حلو مطحون)
معلقة صغيرة فلفل اسود
معلقة صغيرة ورق لورا مطحون
معلقة صغيرة كبابة صينى
نصف معلقه صغيرة ملح ناعم
1 راس ثوم
4 كوب ماء

الطريقة

البسطرمة تحتاج الى 3 مراحل مجموعها 9 ايام لتكون جاهزة

يوم تمليح فى الثلاجة
ويوم تجفيف فى الهواء غير مغطاة
7 ايام تجفيف فى الهواء مغطاة بالحلبة
التعليق يكون فى مكان جيد التهوية لكن بعيد عن الأتربة – لو اللحمة تخينة حتحتاج وقت أطول – وكمان حنضطر نعمل شقوق فيها عشان نحشيها ملح – لكن دة ممكن يخليها حادقة قوى – عشان كدة الأفضل اننا نطلب من الجزار ان قطعية اللحمة تكون رفيعة مش تخينة – سمك 3 او 4سم مناسب قوى – وبكدة مش حنحتاج نعمل شقوق ولا نطول المدة

أول حاجة حنحضر خلطة الحلبة: نطحن الحلبة كويس لتصبح ناعمة جداً ونخلط معها الملح والتوابل ونفرم الثوم مع قليل من الماء ونرش الكل فى وعاء الماء بالتدريج ونقلب كويس بمعلقة – ونغطيها ونتركها فى الثلاجة يومين
نرص اللحمة فى علبة بلاستيك او صينية وبعدين نرش الملح عليها ونضغط بايدنا عشان الملح يلزق فى اللحمة – ولو بنعمل اكتر من قطعة لحم واعلبة مش مكفية ممكن نضع طبقة لحم تانية فوق الاولى – ونترك العلبة فى الثلاجة 24 ساعة
احنا مش محتاجين اننا نضع ثقل على اللحمة ولا نضع اللحمة فى صفاية – بالعكس احنا محتاجين الماء المملح – كل شوية الملح حيطرد السوائل من اللحمة والعلبة حتتملى سوائل اكتر لغاية ماتغمر اللحمة – ودة مفيد عشان الملح يتغلغل فى كل انسجة اللحمة – وبعد مرور نصف الوقت – لو اللحم طبقتين – نبدل اللحمة فنضع الطبقة اللى تحت فوق واللى فوق نحطها تحت عشان تتنقع فى ماء الملح هى كمان
فى اليوم الثانى نصفيها من كل السوائل اللى خرجت منها وننطر الملح جيدا من اللحم ثم نشطفها بماء الحنفية للتخلص تماما من بقايا الملح
ننقع اللحم فى ماء لبعض الوقت لاخراج الملوحة الزائدة (غالبا ساعة واحدة تكفى – وممكن ندوق ماء النقع على طرف لسانا ولو لسة حادقة نغير ماء النقع ونترك اللحم فيه وقت اضافى حتى يصبح الملح مظبوط – بس بشرط الا نتركها حتى تصبح دلعة حتى لا تتعرض للتلف)
نعمل خرم فى أعلى اللحمة نضع فيه قطعة حبل بلاستيك او دوبارة سميكة ونعلقها 24 ساعة لتجف تماما
نغمس قطعة اللحمة فى خلطة الحلبة بحيث تغطيها تماما ثم نعلقها وتحتها صينية لالتقاط ما قد يتساقط منها
بعد كام ساعة لما الحلبة تنشف عليها نغطيها بطبقة ثانية من الحلبة من كل النواحى ونرجع نعلقها تانى – ونستخدم ما تبقى من الخلطة فى تغطية أى أجزاء مكشوفة من اللحم – وفى الآخر نبل ايدنا ماء ونملس عليها لاغلاق أى فتحات او تشققات
نعلق اللحمة فى مكان جيد التهوية – بجوار شباك المطبخ مثلا – ونتركها أسبوع لتمام التسوية والتشبع بطعم خلطة البسطرمة
نقطع البسطرمة شرائح رقيقة وتقدم كما هى او تطهى مع البيض او البيتزا او الفطائر المتنوعة
البسطرمة اللى قطعنا منها نحفظ بقيتها فى الثلاجة – أما القطع اللى لم نقطع منها يمكننا تركها معلقة شهور – لكن لو بدأت تنشف وعايزينها تفضل طرية نحفظها فى الثلاجة
كاتب الموضوع : كليوباترا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

طريقة عمل البسطرمة في المنزل :: تعاليق

لا يوجد حالياً أي تعليق
 

طريقة عمل البسطرمة في المنزل

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: طبخات واكلات من كل بلاد العالم :: قسم الطبخ :: طبخات واطباق رئيسيه بكل اللغات-
انتقل الى: