وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 نصيحة من رجل مطلق الى المقبلين على الزواج

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
04102015
مُساهمةنصيحة من رجل مطلق الى المقبلين على الزواج


نصيحة من رجل مطلق الى المقبلات على الزواج:-

اولا.. اسأل الله لك التوفيق في الدنيا والآخرة .. والمسألة سهلة وبسيطة وكل تجربه زوجية مختلفة فلا يوجد تجارب متطابقة لكن توجد
نفسيات متقاربة فالرجال للرجال اقرب والنساء لأخواتهن اقرب .. ولايعني فشل شخص ما في حياته انه قد فشل للأبد وانما قد تكون انطلاقه
له او لها نحو نجاحات اكبر وذلك كله من تقدير الله سبحانه وتعالى . وقبل كل شي .. لازم المسلم والمسلمة يربطون حياتهم بالله سبحانه وتعالى
حتى يوفقهم وييسر امورهم .. والله كريم أولا .. وقبل كل شيء الرجل يتصور ان الحرمة راح تكون زى ما يبى هو وليس كما تريد هى ..

1- لاللدخول بنفسية المحارب التي فيها منتصر ومهزوم .. فكما للرجل سلاحة وأمره ونهيه في بيته فان سلاح المرأة هو اقوى وهو ا
نوثتها وتقديم العمل الطيب منها .. والكلام اللين يغلب الحق البين .. وشبابنا الغالب فيهم مخالطة الشباب امثاله والتعامل بينهم قاسي
كما هي حال الشباب مع بعض ولازم له فتره يتعلم كيف يتعامل .. فالله يكون بالعون

2- اذا رجع من عمله او من أي مكان يتمنى مايسمع كلمه وين كنت او نظرة عتاب على تأخره واذا تم الترحيب به واستراح .. مباشرة
يبدا يتكلم بكل شي الى حتى يصل مرحله الهذر لانه يتكلم من تلقاء نفسه بدون تحقيق وتقصي .. لانه غالبا تكون الشمس حارقته وتعبان وسايق تحت الشمس فالنفسية زفت .

3- سؤال تسئله أي زوجه لزوجها "هل تحبني" هو كسؤال حلو لكن الاكثار منه يتعب .. وهو يحبك فلو كان مايحبك لما تزوجك والزوج
دائما يظهر حبه بتقديم الاشياء والشراء والرجل بشكل عام ضعيف من ناحية بناء الكلام لكن اذا استراح بدا يتكلم ويتلكم ويقول كل شي ..
وبشكل عام الرجال بسييييييييييط بس يبي له فهم

4- المقارنات .. هذي سالفتها سالفه فكما تكرهين ان يقارنك باخواته او قريباته فانه يكره تجيبين له طاري فلان زوج فلانه اللي سوا وسوا
لانه راح يعتبر هذا استنقاص من قدره وان تظاهر بالسكوت لانه احيانا مايقدر يصير زيهم مثل اللي تقارن زوج حديث الزواجوالوظيفة بواحد ثري مليونير وهذي مقارنة مجحفة .

5- الوالدة لها قدرها ومقامها لكن نظرة الرجل تختلف بشكل كامل عن نظرتك لأمك .. ولااااااازم يفلتر كل كلام يجي من الام او احد الاخوات
صح يبون مصلحتك لكن انتي اعرف بالرجال منهم كلهم وتجربة امك لاتعني انه لازم تعيشينها تماما لان العمر والوقت غير والتفكير مختلف ..

6- لاتطلعين عن بيتك الا كل خير وقولي دايم الحمد لله ولاتدخلين بتفاصيل واستري على مشاكلكم لان اذان الناس تحفظ المشاكل وبس ..
ولو قلتي لاهلك كل مشاكلك توقعوا ان حياتك سيئة والكلام هذا غير صحيح .. لان فيه ساعات حلوة بس الواحد مايعلم بهن احد .

7- في حال وجود مشكلة لاقدر الله لاتحرصين على التصعيد وان تصعدت دخلي فيها الرجال العااااااااقل لان غالبا تعامل الحريم مع رجال
البنات يؤدي لمشكلة كبيرة والكلام هذا اقوله من واقع تجربتي

8- امه امه امه .. تراها ام وانتي زوجة .. واي معركة معها انتي الخسرانة .. لاوبعد قولي امك احسن شي ولاتجيبين سيرتها الا بالزين
واذا كسبتيها تراك كسبتي الولد اكثر واكثر لانه اذا فكر يزعلك قالت له امه اعقل ترا البنت عاقله وماشفنا منها الا الخير فتكون لك صمام امان ,,

9- الحرص على ماله لان رجال هالوقت مايدري من ويجيه الطق .. من قسط السيارة ولا ايجار البيت ولا من المصاريف والغلا الفاحش
بكل شيء واخيرا همه الكبير ببناء بيت يأويه مع اسرته وظروف اليوم غير اول بكثيييير

10- تذكرى انك داخله على رجل له حياة حرة قبلك لذا كنى حذرة فى فرض نفسك عليه بفرض الواقع لكن افرضى نفسك بحسن تعاملك
معها فى كل احواله اتركيه حتى يصل مرحلة انه مايستغني عنك ابد ويعتمد عليك بعد الله في كل حياته وقديما وحديثا قيل ورا كلللللللللل رجل عظيم امراة ..

11- اخيرا .. لاتنصرفي عن هواياتك وصديقاتك وتتركينهن بالكلية وتعودي تكوني لوحدك في حال خروجه حتى ماتتعلقين فيه كثير فيتعب
اذا رجع وتصير نفسيتك مشحونه عليه لانك تحسين انه تركك وهو قد يكون مشغول او رايح يجيب اغراض لبيته وكل رجل يضع بيته في قمة اولوياته
وقبل كل شي التوفيق من الله سبحانه وتعالى .. وكل ماازدادت ثقة المسلم بربه حقق له مراده ووفقه لكل خير .. وتفائلوا بالخير تجدوه.
كاتب الموضوع : كليوباترا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

نصيحة من رجل مطلق الى المقبلين على الزواج :: تعاليق

لا يوجد حالياً أي تعليق
 

نصيحة من رجل مطلق الى المقبلين على الزواج

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الحياه الزوجيه والعاطفيه اسرار :: اسرارالحياه الزوجيه وفهم طبيعه الرجال-
انتقل الى: