ياترى انا حامل؟؟علامات الحمل وعلامات الخطر:

صفحة 3 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي اذهب الى الأسفل

ام يوسف
اميره ماسيه
اميره  ماسيه
رقم عضويتك : 50
عدد المساهمات : 10294
الاوسمه :

مُساهمةام يوسف

لفت نظري جدا:اسئلة معظمكم عن :
.اعراض الحمل:ياترى انا حامل ولا لا؟؟
.الخلط الشديد:بين اعراض الحمل واعراض الدورة..
.جهل معظمكم :وخلطكم:بين الاعراض الطبيعية,و الغير طبيعية للحمل:والي بتنذر ان في عندك مشكلة

فقررت اعمل الموضوع ده لافادة كل الحوامل,
ومش باطل منكم غير تدعولي:ان ربنا يهديني ويرحمني,ويوفقني مع زوجي ويسعدني,ويرزقني الذرية الصالحة السليمة:وارزق يارب كل نساء المسلمين
وربنا يختم لنا جميعا بخير..

اولا:ايه هي اعراض الحمل؟؟وطبعا:مش شرط كلها تتوجد:في اختلافات من واحدة للتانية
1.اهمها على الاطلاق:وليس اولها في الظهور:انقطاع الدورة(الي كانت منتظمة:وحطوا تحت منتظمة 10 خطوط)
2.وجع في بطنك من تحت:شبه وجع الدورةشرطط يكون خفيف او وسط:مش بتتلوي منه:دي مشكلة تانية)بيروح وييجي:ومفيش حاجة بتنزل
3.افرازات مهبلية كتير:عن المعتاد,,وتزيد اوي:عند الجماع
4.رغبة في النوم باستمرار:والدخول في نوم عمييييييييق:كانك في غيبوبة او ميتة
5.غممان النفس:لكن مش شرط قئ
6.تصبح الحلمات حساسة ومؤلمة عند لمسها:ويغمق اللون تدريجيا,وتبرز عن المعتاد
7.الاحساس ان جسمك تقيل:وكان في حاجة بتشدك للارض,بتشدي رجليكي بالعافية
8.كثرة التبول:تقريبا مبتلحقيش تنامي:من كتر مبتروحي الحمام
9.تشمي رائحة غريبة:غالبا وحشة:ومحدش شاممها غيرك,,وممكن اوي تشمي الريحة المعينة لجوزك:ياعيني عليه مع انه هيبقى مستحمي وكويس
او تشمي ريحة اكل:مش موجود:ملوخية مثلا:مع انك في الشغل
10.ممكن تدوخي:وانتي واقفة تنشري في البلكونة مثلا
11.نفسك تروح لحاجة مش موجودة:مانجا في الشتا,ولامثلا برتقال في الصيف,,او الحوادق:فسيخ,رنجة,,,,
12.النفور من اكل معين جدا:كنتي بتاكليه قبل كده:غالبا البيض او اللبن او السمك او اللحمة
13.زيادة في حجم الصدر بالتحديد:وقد يصبح جامد


طيب:عملت التحليل خلاص:واتاكدت اني حامل:ايه بقى الاعراض والمشكلات التانية:بس الي مش مرضية:ومتخوفش؟؟؟
13.حموضة ممكن تستمر,وحرقان من اول زورك لمعدتك
14.بيستمر موضوع التبول,بصورة مزعجة نوعا ما
15.ودي مهمة:وعادي :مفيش خوف منها:الم شديد اسفل ظهرك,وخصوصا الناحية الشمال,وممكن رجلك الشمال كلها توجعك(بيكون شديد لدرجة ممكن متعرفيش توطي ولا تقومي ولا تنزلي من العربية ولا تتقلبي في السرير
بس ملحوظة:ابدئي كالسيوم من اول الرابع
16.هبوط لاقل مجهود,وممكن ضيق في النفس وخنقة,ونهجان مع المجهود
ملحوظة:ضروري تبدئي حديد من الرابع بردو,وقبله:قيسي الهيموجلوبين في الدم
17.تحسي بحاجة طابقة على صدرك:هتموتك,وتقيسي ضغطك:فتلاقيه منخفض
18.تورم القدمين!!!!!!!!بس انتبهي كويس جدااااااااااااااا:
في تورم مقبول,سببه ضغط الرحم:على اوردة بطنك:وبالتالي التصريف قليل,,
وفي تورم:بيكون :علامة خطر,ودليل على تسمم في الحمل!!
ملحوظة:يجب عندها عمل تحليل بول:وتحديد نسبة الزلال)

19.معلش كنت نسيت اقولكم:ان ممكن من اعراض الحمل في الاول:التوتر والنرفزة والقلق والبكاء:زي قبل الدورة تمام

اتمنى اشوف تفاعل منكم:عشان اكتب:
.ايه هي علامات الخطر؟؟او الاعراض المنذرة:الي بتعرفني ان حملي مهدد او مش طبيعي؟؟

والله يكرمكم يا بنات :متنسوش تدعولي,
والي شايفة ان الموضوع عجبها:او مهم.تقيمه:عشان الكل يستفيد..

منقول

صفحة 3 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

ياترى انا حامل؟؟علامات الحمل وعلامات الخطر: :: تعاليق

ام يوسف
اميره ماسيه
اميره  ماسيه
رقم عضويتك : 50
عدد المساهمات : 10294
الاوسمه :

مُساهمة في 04.12.10 22:27 من طرف ام يوسف

ربنا يرزق اللي عايز يارب عاجلا وليس آجلا
simsma mossad hammad
اميره جديده
اميره جديده
عدد المساهمات : 22
الاوسمه :

مُساهمة في 19.12.10 12:40 من طرف simsma mossad hammad

حلو اوى وربنا يرزقنى ويرزقك ويرزق كل نساء المسلمين بالذرية الصالحة
blue_orchidia
اميره جديده
اميره جديده
عدد المساهمات : 7
الاوسمه :

مُساهمة في 21.01.11 2:21 من طرف blue_orchidia

جميل يارب يرزق الجميع ويرزقنى بالذرية الصالحة انا قربت اكمل سنة ولسة مافيش حمل وكل شهر بحس باحاسيس شبه اللى قولتيها وتتأخر الدورة واتعشم ان يكون فيه حمل واقعد احلم بالبيبى ....وافرح وهوب تروح الاخت مشرفة كأنها دش ساقع على كل احلامى
انا برضة مستية الدورة تيجى بعد يومين وعندى امل يكون الشهر ده ليا نصيب ياررررررب
ربى لاتذرنى فرد وانت خير الوارثين
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 72286
الاوسمه :
العمل/الترفيه : طبيبه اسنان

مُساهمة في 21.01.11 2:34 من طرف كليوباترا

يارب يرزقكم يارب تسلم ايديكى يا ام يوسف روعه
avatar
Sandro
اميره برونزيه
اميره برونزيه
رقم عضويتك : 3322
عدد المساهمات : 1381
الاوسمه :
العمل/الترفيه : بين الارقام والقيود والحسابات

مُساهمة في 21.01.11 2:36 من طرف Sandro

GAMEL GDN KMLY YA AMER

صفحة 3 من اصل 5 الصفحة السابقة  1, 2, 3, 4, 5  الصفحة التالية

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى