وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 رجيم للجزء السفلى من الجسم للدكتور احمد عبد الرازق سالم

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
29112010
مُساهمةرجيم للجزء السفلى من الجسم للدكتور احمد عبد الرازق سالم


السلام عليكم ورحمه الله

انا جبتلكم يابنات الرجيم هنا عشان يبقى سهل ومش تتوهوا فى الموضوع التانى




انا هقول الاول النصايح الى الدكتور قالها ليا بالنسبه للمشكله بتاعتى دى

1/ شرب الميه كتير طول اليوم مع الحفاظ ع شرب كبيتين ميه ع الريق وكبيتين قبل كل وجبه

2/ مهملش فى اى وجبه لازم اكل ال3 وجبات بتوعى لانه كل وجبه فيها عناصر بتحرق السعرات الحراريه الى فى جسمى

3/ مبدلش الوجبات مع بعضها يعنى مثلا مينفعش ابدل وجبه غدا بوجبه عشا

4/ لو حزفت حاجه من مكونات الوجبه مينفعش ابدلها بحاجه غيرها

5/ اكل خس او خيار او جزر بين الوجبات لو حسيت بجوع بس بشرط يكون بعد ميعاد الوجبه بساعتين

6/ ليا 3 معالق سكر فى اليوم بس بشرط برده بين كل معلقه والتانيه 3 ساعات مينفعش اخدهم ورا بعض او مع بعض طبعا نقسمهم ع اليوم كله للشاى او القهوه

7/ منع شرب النسكافيه المزود بالمبيض او الكافى ميكس اشرب نسكافيه ساده

8/ امشى ع الاقل ساعه فى اليوم بليل او بالنهار المهم ساعه متواصله ومشى سريع مهم اوى خصوصا للجزء السفلى من الجسم

9 / ممنوع منعا باتا الاكل والنوم حتى لو واكله تفاحه لازم انام بعد الاكل بساعتين


10/ ممكن نبدل فى الغداا البيض واللحمه والتونه وربع الفرخه من الصدور ببعض يعنى يوم مفيش فراخ نجيب لحمه لو يوم مفيش لحمه نجيب تونه او بيض كده يعنى الاربعه زى بعض بس مبنفعش خالص نبدل السلطه بالخضار المسلوق لو مطلوب سلطه اكل سلطه لو خضار اكل خضار + اضافه اللمون او الخل مع الوجبات بيساعد ع حرق الدهون كمان

متهيالى يا بنات شروط الدكتور دى شروط سهله ونقدر عليها Very Happy

********************
نيجى بقى للاسبوع الاول فى الرجيم


الفطار


موحد طول الاسبوع


كوب لبن خالى الدسم + معلقه شاى صغيره


اليوم الاول

* غدا / خضار مسلوق فى ميه + 1/2 رغيف عيش سن

* عشا / ثمرة تفاح او برتقال او جوافه او كمثرى

اليوم التانى


* غدا / سلطه خضرا + بيضه مسلوقه جيدا

* العشا / 1/2 رغيف عيش سن + جبن ابيض


اليوم التالت


* الغدا / خضار مسلوق + قطعه لحم مشوى او مسلوق

* العشا / ثمره تفاح او كمثرى او برتقال او جوافه


اليوم الرابع


* الغدا / 3 معالق اكل رز ابيض + سلطه خضرا

* العشا / ثمره تفاح او كمثرى او برتقال او جوافه + زبادى


اليوم الخامس


* الغدا / ربع فرخه صدور مسلوقه او مشويه + سلطه خضرا

* العشا / جبنه قريش + 1/2 رغيف عيش سن


اليوم السادس



* الغدا / سلطه خضرا + لحم مشوى

* العشا / ثمره تفاح او كمثرى او برتقال


اليوم السابع



* الغدا / 2 ثمره تفاح او برتقال او كمثرى


* العشا / سلطه خضرا + بيضه مسلوقه جيدا


***********************
وده خسيت عليه ال 3 كيلو ونص ومش حاسه باى مضاعفات عليا والله ومعدتى مرتاحه جدا ومفيش هبوط ولا اى حاجه


$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$


رجيم الاسبوع التانى




الافطار
** موحد طول الاسبوع **

فاكهه من المسموح بيها ناكل 1 لو حسينا بجوع لسه ناخد ال 2 ( برتقال او تفاح او كمثرى او جوافه ) +كوب حليب خالى الدسم او زبادى


الغدا

نختار بقى اى وجبه نحبها من الوجبات دى او ممكن نشكل طول الاسبوع مره الوجبه الاولى مره التانيه مره التالته كده يعنى وادى الوجبات


برتقال + سلطه + 2 تفاحه

او خضروات مشكله بدون زيت او سمن او مرقه دجاج + 1/2 رغيف بلدى او رغيف عيش سن + فاكهه + 1/4 فرخه صدور

او علبه تونه + سلطه + عصير برتقال + 1/2 رغيف عيش بلدى او رغيف عيش سن


العشا


** موحد طول الاسبوع **

سلطه + فاكهه من المسموح بيها


انا بقى ده تانى يوم ليا وماشيه عليه بالظبط ومرتاحه اوى الحمدلله




ملحوظه يا بنات التوبيك ده هيتقفل يعنى مش هينفع فيه ردود خالص لحد ما اكمل الاسابيع كلها عشان يبقوا ورا يعض ومش تتوهوا هنزل الاسبوع باسبوعه اول ما اجيبه من الدكتور باذن الله واى استفسار يابنت يبقى فى موضوع باركولى وادعولى عشان لو حبيتوا تسالوا ع اى حاجه

بالتوفيق يا بنات للى هيجرب الرجيم ده I love you I love you
كاتب الموضوع : hoba mohamed
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

رجيم للجزء السفلى من الجسم للدكتور احمد عبد الرازق سالم :: تعاليق

ازيكوا يا احلى بنات انا جبتلكوا رجيم الاسبوع التالت
وباللمناسبه اقولكوا ع نتايج الاسبوع التانى انا وعدتكوا انى اقول النتايج بصراحه هى الصراحه مش عاجبانى لان انا عملت كذا غلطه كده المفروض مكنتش اعملها اولا شربت كوكولا زيرو بدون سكر وفيروز بدون سكر ع اساس انهم بدون سكر بقى مش هيتخنوا ومش هياثروا ع الرجيم بس والله خطيبى شربهانى غصب عنى Very Happy وكمان اكلت لب سورى بس مش كتير بس ااما روحت للدكتور ووزنى لقانى خسيت كيلو واحد قالى قليل اوى المفروض كنت اخس ع الاقل 2 كيلو فقولت ليه الصراحه وبالى نيلته كله راح قالى اللب بانواعه ممنوع اى مياه غازيه بدون سكر كلها اوهام ومنعنى عن شرب المياه الغازيه نهائى ع الاقل فى الاسابيع الاولى من الرجيم لانه الرجيم ده رجيم سعرات
المهم بس اقولكوا ع نتيجه عجبتنى برده والدكتور لاحظها برغم من قله الميزان الى نزلته جنابى لمت شويه وبدأ جسمى ياخد شكل تانى يعنى لو كنت خسيت ال 3 كيلو زى ما كان قايلى واتبعت التعاليم بالظبط كان جسمى اتغير كتير بس انا مش هلبخ تانى ابدا ومش
هسمع كلام خطيبى بعد كده عاوز يعزمنى يجيبلى كيلو برتقان هههههههههههههههه Very Happy


انزلكوا بقى الاسبوع التالت ويارب اعمل فيه نتيجه كويسه ادعولى

الافطار اليومى

بيضه مسلوقه او قطعه جبن قريش او 3 ملاعق كبيره فول مدمس + ثمره خيار او ثمره طماطم او خسايه +قطعه توست سن او نص رغيف عيش سن + كوب شاى او قهوه بدون سكر مضاف اليه ربع كوب لبن منزوع الدسم



الغدا اليومى


ربع دجاجه منزوعه الجلد مسلوقه او مشويه او قطعه لحم مشوى او مسلوقه او سمك مشوى او الجبن القريش او بيضتان مسلوقتان جيدا +طبق صغير من الخضار المسلوق ( كوسه او فاصوليا او سبانخ ) او طبق سلطه خضراء ( خيار وطماطم وجرجير وخسه )


العشاء اليومى


كوب زبادى منزوع الدسم او قطعه جبن قريش + ثمره خيار او ثمره طماطم او خسه _ ربع رغيف او نص رغيف عيش سن


الفاكهه

فى اليوم كله يمكن تناول صنف واحد وحبه واحده من الفواكه مثلا برتقاله او تفاحه او جوافه مع اى من الوجبات


وممكن بين الوجبات لو حسينا بجوع ناكل ثمره فاكهه من نفس الصنف بس بشرط بعد ميعاد الوجبه بساعتين
لولولولولولولولولولولولولىىىىىىىىىىىىىىىىىى
اقولكوا بقى بزغرط ليه هههههههههههههه
انا خسيت 2 كيلو يابنات فرحانه اوى وشكل جسمى اتغير وفى جيبه عندى كنت بحبها اوى كانت ضاقت عليا جداااااااا والسوسته مكنتش بتقفل والله ومبقتش بعرف البسها طلعتها بقى وقولت اشوف نفسى لقيتها بقت مقاسى من تانى فرحت مووووووووووووووووووت معنى كده ان خسيت دهون فعلا من جسمى مش نزول فى ميزان بس
ادعولى ادعولى ادعولى اوصل للميزان الى عاوزاه

اقولكوا بقى رجيم الاسبوع الرابع

اليوم الاول

الافطار
*****
كوب عصير برتقال او ليمون + بيضه مسلوقه واحده او جبنه قريش + رغبف سن

الغداء
*****

ثمره فاكهه +سلاطه خضراء + 2 شريحه لحم او 2بيضه مسلوقه+طبق صغير خضار + رغيف سن

العشا
*****
ثمره فاكهه واحده +كوب زبادى منزوع الدسم




اليوم الثانى


الافطار
*****

ثمره فاكهه او عصير فاكهه +3 ملاعق فول بدون زيت + رغبف سن


الغدا
*****

ثمره فاكهه +سلطه خضرا +كوسه سوتيه +لحم مسلوق

العشا
*****

عصير فاكهه بدون سكر +بيضه مسلوقه


اليوم الثالث

الافطار
*****

عصير ليمون+كوب زبادى منزوع الدسم + خيار او طماطم

الغدا
*****

ثمره فاكهه او عصير طماطم +2 سمكه مشويه +سلطه خضرا


العشا
*****
ثمره فاكهه واحده +كوب زبادى منزوع الدسم

اليوم الرابع

فاكهه طول اليوم فى اى وقت وبأى كميه


اليوم الخامس

الافطار
*****

2ثمره فاكهه طازجه او سلطه فواكه


الغدا
*****

ثمره فاكهه+سلطه خضرا+ربع فرخه+4 ملاعق ارز مسلوق او رغيف سن


العشا
*****

زبادى اوبيضه مسلوقه + ثمره فاكهه


اليوم السادس



الافطار
*****

ثمره فاكهه+بيضه مسلوقه او قطعه جبن قريش+رغيف سن

الغدا
*****

سلطه خضرا +2 سمكه مشويه او ربع فرخه او 2 قطعه لحم او تونه بدون بدون زيت + 4 ملاعق مكرونه او 4 ملاعق ارز مسلوق او رغيف سن


العشا
*****

ثمره فاكهه او عصير فاكهه + كوب زبادى او جبنه قريش


اليوم السابع


الافطار
*****

كوب عصير فاكهه او ثمره فاكهه طازجه + 3ملاعق فول بدون زيت +1/2 رغيف سن


الغدا
*****

عصير فاكهه او ثمره فاكهه +قطعه جين قريش بالخيار والطماطم + 1/2 رغيف سن


العشا
*****

ثمره فاكهه + زبادى منزوع الدسم

وبالتوفيق ان شاء الله








نسيت اقول حاجه الى بتحب شوربه العدس ممكن نبدلها مع يوم فيه لحمه نبدلها باللحمه والكميه طوبسيه بتاعه شوربه بس بشرط ميكونش فيها شعريه وبطاطس
السلام عليكم يا بنوتات وحشتوووونى اوى


انا جبت ليكوا رجيم الاسبوع الخامس

هقولكوا ع نتايج الاسبوع الرابع الاول
انا خسيت 1 كيلو فقط لا غير لانى الصراحه لبخت شويه اكلت حته فطير واكلت لب سورى مع ان الدكتور محذرنى منه هههههههه ومش مشيت خالص عشان الجو كان برد جدا وانتوا عارفين بقى وده اثر جدا عليا الاسبوع ده لان المشى مهم اوى وخصوصا للمنطقه السفليه وبيساعد جدا فى حرق السعرات الحراريه المهم الدكتور قالى كويس ان وزنك نزل كيلو مع كل الى عملته ده وطلب منى اتجدعن شويه Very Happy

اقولكوا بالمناسبه انا طلع ميزانى الدكتور كاتبه عنده قبل ما ابتدى الرجيم 87 ونص وانا كنت فاكراه من يومها 86 ونص واخدت بالى المره الاخيره دى وانا بشوف الفايل بتاعى وانا لحد الان نزلت 7 كيلو ونص فى شهر انا وزنى حاليا 80 كيلو بس والله شكل جسمى اتغير وبدأ يبقى متناسق شويه ووشى الحمدلله مخسش غير حاجات بسيطه جدا جدا الدكتور طمنى وقالى هيتظبط تانى مش تقلقى وانا ملاحظه ان وشى الدمويه ردت فيه كان بيبقى ديما شاحب مع انى بعمل رجيم المفروض يبقى العكس سبحان الله .. انا المفروض يبقى وزنى 70 كيلو بالنسبه لطولى انا طولى 168 ونص ادعولى يا بنات


رجيم الاسبوع الخامس


الافطار

نصف رغيف بلدى او شريحه توست سن ( بس يكون من مخبز مضمون انه توست رجيم ) + 2 بيضه مسلوقه + زيتون


الغدا

قطعه لحم احمر حجم الكف او شريحه كبد حجم الكف او ربع فرخه منزوع الجلد او ربع ارنب او 1/4 كيلو سمك مشوى ( طبعا اى حاجه من دى مسلوقه اوى مشويه ) + سلطه خضرا + خضار مطبوخ بدون زيت او مرقه او سمن+ نصف رغيف اسمر

العشا

2 ثمره فاكهه + خيار + كوب زبادى منزوع الدسم


ملحوظه

- مسموح 3 كوب شاى او قهوه او نسكافيه يوميا بنصف معلقه سكر او معلقه بس يبقى بين معلقه سكر والتانيه 3 ساعات

- مسموح بنصف كوب لبن منزوع الدسم يوميا


- فى حاله الجوع يمكن تناول الخيار والفاكهه المسموح بها بين الوجبات

- يمكن تبديل الوجبات

وبالتوفيق ان شاء الله


 

رجيم للجزء السفلى من الجسم للدكتور احمد عبد الرازق سالم

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم الرشاقه والريجيم وكل ما يخص الصحه العامه :: علاج السمنه|ريجيمات - رياضه diet plans-diet-
انتقل الى: