وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 باركولى وادعولى

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية
كاتب الموضوعرسالة
28112010
مُساهمةباركولى وادعولى


السلام عليكم ورحمه الله وبركاته

ازيكوا يا احلى بنات وحشتونى اوى انا غيبت كتير ومش شاركت فى مواضيع لان كان عندى ظروف بس وحشتونى اوى والله

اقولكوا بقى تباركولى ع ايه انا عملت رجيم عند دكتور انا مش تخينه اوى انا طولى 168سم ووزنى 86 كيلو هو شكلى مش تخين اوى لانى طويله بس كانت المشكله عندى ان كل الدهون متراكمه عندى فى الجزء السفلى من جسمى ومن فوق جسمى كويس جدا فده عملى مشكله اوى وكمان اما كنت بعمل رجيم مع نفسى كده كان وشى بيخس اوى وبيبقى شكلى مش حلو خالص لان وشى صغير المهم بقى روحت لدكتور عندنا فى المنصوره اسمه احمد عبد الرازق وعطانى رجيم يناسب جسمى اول اسبوع مشيت عليه بالحرف وخسيت 3 كيلو ونص مكنتش مصدقه نفسى والمعجزه ان وشى الحمدلله لسه لحد الوقت مبانش عليه ولا خس الدكتور قالى ده لانه وصانى اشرب ميه كتير قبل الاكل وطول النهار بقى وبشرب حتى لو مش حاسه انى عطشانه وقالى كمان وشى هيتحسن ومش هيخس خالص لو سمعت كلامه انا الوقت فى اول يوم فى الاسبوع التانى وقالى لو خسيت 3 كيلو كمان شكل جسمى هيتغير ادعولى يا بنااااااااات هو قالى عشان جسمى يبقى تمام ومن فوق زى تحت لازم يبقى وزنى 70 كيلو لسه المشوار طويل ربنا يعينى بقى ههههههههه واى بنوته جسمها زيى كده وتحب اكتبلها الرجيم الاسبوع باسبوعه بس اهم حاجه تتاكدوا ان الضغط بتاعكوا تمام ونسبه الانيميا انا طلع عندى نسبه انيميا بسيطه وهو راعى النقطه دى فى الرجيم وقالى كمان المشى ع الاقل ساعه فى اليوم مهم جدا فى حاله جسمى والى عاوزه الرجيم ده تقولى وانا اكتبه هنا فى نفس الموضوع وانا هكتب النتايج الى انا وصلت ليها بكل امانه
ادوعولى بالتوفيق I love you
كاتب الموضوع : hoba mohamed
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

باركولى وادعولى :: تعاليق

رد: باركولى وادعولى
مُساهمة في 28.11.10 20:51 من طرف hoba mohamed
mariana.ibram كتب:
مبرووووووووووك ياهوبه ياقمرايه وربنا يوفقك وتوصلى70
بس عايزة اسالك سؤال انا طولى162ووزنى50بس المشكلة ان فعلا عندى دهون فى الجزءالسفلى من جسمى مش عارفة ياهوبه اعمل ايه؟؟؟الدكتور مقالكيش حاجة تخسس الجزء السفلى دا اوشرب الميه كتير تقدر تخسس الجزءالسفلى؟؟؟

الله يبارك فيكى يارب ومرسى ع دعواتك ربنا يخليكى ... وزنك خمسين ع الطول ده تمام اوى يا مريانا ما شاء الله وممكن يكون هو تركيبه جسمك كده ولو شكلها مش ملفت اوى تبقى انتى كده تمام انا الى خلانى كده ان جسمى من فوق رفيع ومن تحت مليان بيقولولى شكلى شكل القله الفخار عقدونى من تشبيههم ده هههههههههههههههه بس هقولك هو كان قالى لو وصلنا للوزن المناسب ليكى وفضل عندك دهون شكلها ملفت فى الجزء ده هنعملك جلسات شمع ع المنطقه دى وقالى اكل الخس والجرجير مهم اوى لانه بيخسس المنطقه دى فانا بقى بعمل سلطه بكتر فيها الخس باوراقه اوعى تشيلى الاوراق لانها الاهم وبالنسيه للميه الكتير قالى عليها عشان خاطر وشى مش يخس مع الرجيم ويفضل زى ماهو ويمكن يتحسن اكتر كمان والجلد مش يجيله جفاف يعنى الميه هتفيدنى من كل جانب ونورتينى بمشاركتك يا قمرايه I love you
رد: باركولى وادعولى
مُساهمة في 28.11.10 20:54 من طرف hoba mohamed
@كليوباترا كتب:
مبروك يا قمر انا مبسوطه ليكى اوى وياريتت تنزليه فعلا ونشجع بعض

الله يبارك فيكى يارب يا كوكى وربنا يخليكى ع مرورك الجميل ده وانا هنزله ان شاء الله حالا عشان نشجع بعض كلنا بس اهم حاجه البنات الى تمشى ع الرجيم ده تحافظ على عناصره كلها وتنفذه بالحرف وباذن الله هيلاقوا نتيجه كويسه وباذن الله نوصل للى عاوزينه كلنا ياااارب
رد: باركولى وادعولى
مُساهمة في 28.11.10 20:57 من طرف hoba mohamed
@essolove كتب:
مبروووووووووووووك ..على فكرة انا كمان زيك تمام ..طولى حوالى 170 و وزنى 85 ..وعندى نفس المشكلة الجزء السفلى تحسى كانة مش ماشي مع اللى فوق خاااالص هههه ..مبروك تانى و ربنا معاكى و ياريت تكتبى الرجيم و ان شاء الله اتابع معاكى و نشجع بعض يااارب

الله يبارك فيكى يارب يا قمر وربنا يخليكى ع الدعوات انا كده والله فوق ملوش علاقه بتحت خالص ههههههههههههههههههههههههه انا هنزله حالا والله ربنا معانا كلنا I love you
رد: باركولى وادعولى
مُساهمة في 28.11.10 21:19 من طرف hoba mohamed
@نفرتيتي كتب:
شكرا ليكي يا هوبه
و الف مبروك و عقبال ماتوصلى للى انت عايزاه
انا بقى عملت ريجيم و خسيت 30 كيلو
بس للاسف بعد ماخلصت الريجيم من التوتر تعبت شويه و اخدت دوا يتخن و فعلا تخنت شويه بس رجعت و ابتديت اعمل ريجيم تانى
و على فكرة انا طبعا مش بعمل ريجيم لوحدى انا بروح للدكتور عبد العزيز حجازى

الشكر لله يا قمر والله يبارك فيكى يارب وربنا يخليكى ع الدعوات وبالنسبه للرجيم ده بحسب تجربتى فى الاسبوع الاول تعبت اول يومين بس وحسيت بهبوط لان جسمى دخل مرحله جديده فجاه واتمنع السكريات والنشويات والدهون فجأه وكنت اما بشرب ميه ع الريق اول يومين بحس ان مش عارفه خالص وعاوزه اتقيأ بس الحمدلله من تالت يوم بالظبط بقيت تمام وحلاوه الرجيم ده انه فيه كل العناصر الى بتحتاجها الجسم مش بيمنع حاجه وبيلعب مع السعرات الحراريه بتغيير الوجبات ونسبتها ومش بيحتاج لعلاج ولا الكلام ده واوحش حاجه انه مفيش يوم فرى نستهبل فيه شويه هههههههههههههههههههههههههه بيمشى ع الرجيم جد من اوله نورتينى يا قمر بمشاركتك وربنا معاكى
I love you
رد: باركولى وادعولى
مُساهمة في 28.11.10 21:29 من طرف queennana83
السلام عليكم انا اول مرة اعلق بس دايما متابعة الأخبارو بابدي اعجابي ربنا يقويقي علي الرجيم كما ارجو ان يتم نشرة
 

باركولى وادعولى

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 7انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم الرشاقه والريجيم وكل ما يخص الصحه العامه :: علاج السمنه|ريجيمات - رياضه diet plans-diet-
انتقل الى: