وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 نصائح لوقاية البشرة من أشعة الشمس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
27102014
مُساهمةنصائح لوقاية البشرة من أشعة الشمس


نصائح لوقاية البشرة من أشعة الشمس




مع التعرض للشمس عامة و شمس الصيف خاصة

لازم نعرف نتعامل إزايي مع التعرض للشمس وإزاي نحافظ على بشراتنا

أول حاجه لازم نعرف ليه نحمي بشراتنا من الشمس

هل الشمس لها مخاطر على البشرة؟

أيوة , لأنها بكثرة التعرض لها بتسبب : تغيرات في ملمس البشرة , تجاعيد بالبشرة , سرطان بالجلد ,ظهور شعيرات دموية دقيقة بالبشرة , سماكة بالجلد , عجز البشرة , حروق شمس , إحمرار بالجلد , تصبغات بالبشرة وظهور بقع بنية اللون ونمش وعدم توحد بلون البشرة

دي المشاكل الجلدية اللي ممكن تحصل

بالإضافة إلى مشاكل العين اللي ممكن تتضرر من أشعة الشمس ولتجنب الضرر دا ينصح بإستخدام نظارات شمسية

نستنتج من دا إننا لازم نحمي بشرتنا عند التعرض لأشعة الشمس

وأول نصيحة بيقولها طبيب أو طبيبة الجلدية هي تجنب أشعة الشمس علشان يحمي البشرة من التجاعيد

كيفية الوقاية من أشعة الشمس

تعتبر ذورة أشعة الشمس المضرة اللي لازم نحمي بشرتنا منها هي من الساعة 10 صباحا حتى الساعة 4 عصرا

الملابس تعتبر من أفضل طرق الوقاية من أشعة الشمس .. والدليل واضح لو تعرض شخص للشمس بملابسه على جسمه والوجه مكشوف .. فالفرق باللون هايظهر بين الوجه وباقي الجسم

استخدام الكريمات الواقية من أشعة الشمس لايقتصر فقط على الأيام المشمسة بالصيف فقط ولكن صيفا وشتاءا أيضا

كريم واقي الشمس يوضع على البشرة قبل الخروج بنصف ساعة
مهم جدا الكمية اللي توضع على البشرة من الكريم وهي تقريبا 2 مللي على بشرة الوجه يعني تقريبا حجم عقلتين من الإصبع طبعا بتكون البشرة دهنية وكأنه فيه زيت على البشرة
فبتجيبي أي قماش قطني خفيف جدا وبضغطة خفيفة على بشرتك فقط كي تمتص الدهون الزائدة من على البشرة

كتير بنات بيحطوا كمية بسيطة جدا من كريم الوقاية ليتجنبوا المنظر الدهني للبشرة بعد وضع الكريم ودا غلط لأنها بكدا بتكون حطت كمية قليلة غير كافية للحماية .. فبترجع تشتكي إن الكريم ردئ وإنه لم يوفر الحماية لبشرتها ودا غلط لأن الغلط منها لأنها لم تستخدمه بالطريقة الصحيحة

لابد من تكرار وضع الكريم الواقي من أشعة الشمس كل 2-3 ساعات تقريبا أو إذا اتمسح من على البشرة أو غسلتي بشرتك أو مع العرق

أنواع الكريمات الواقية من أشعة الشمس:

1-كريمات وقاية فيزيائية
وهي مثل كريمات الزنك أوكسيد زي كريم سودو كري
مشكلة الكريمات دي إن إثناء وضعها بتترك لون واضح على البشرة .. كمان إن مفعولها أثناء وجود الكريم فقط يعني لو مسحتيه بيديك بيروح مفعولها وفعاليتها

2-كريمات وقاية كيميائية
ودي فكرة عملها إنها بتتفاعل مع خلايا البشرة فبتوفر الحماية للبشرة .. يعني لو مسحتي الكريم بيديك بيفضل مفعولة وحمايته للبشرة زي ماهي .. ودي بيكون داخل من ضمن تركيبها قليل من مواد الحماية الفيزيائية

أما الفرق بين
(( سن بلوك وسن سكرين ))
(( Sun block & Sunscreen ))



كيفية وقاية البشرة من أشعة الشمس



سن بلوك Sun block

ودا بيعمل كحاجز على البشرة تماما وبيكعس الأشعة كلها من على البشرة

ودا هو نفسه الواقي الفيزيائي اللي تكلمت عنه قبل كدا

وهي مثل كريمات الزنك أوكسيد زي كريم سودو كريم

مشكلة الكريمات دي إن إثناء وضعها بتترك لون واضح على البشرة .. كمان إن مفعولها أثناء وجود الكريم فقط يعني لو مسحتيه بيديك بيروح مفعولها وفعاليتها

سن سكرين Sunscreen

ودا هو الواقي الكيميائي اللي تكلمنا عنه قبل كدا

ودي فكرة عملها إنها بتتفاعل مع خلايا البشرة فبتوفر الحماية للبشرة .. يعني لو مسحتي الكريم بيديك بيفضل مفعولة وحمايته للبشرة زي ماهي


نيجي دلوقتي علشان نعرف يعني ايه درجة الحماية SPF للي يحب يعرف معناها

وببساطة

هي المدة التي يبقى فيها الكريم فعال في حماية البشرة من الشمس

مثلا معنى درجة الحماية مثلا 30

إن البشرة بكريم الحماية مش هايحصلها حرق شمس أو إحمرار إلا لو لو اتعرضت 30 مره لنفس الاشعة اللي سببت حرق شمس أو إحمرار لبشرة ماعليهاش كريم حماية

يعني مثلا كمية الاشعة دي هاتعمل احمرار بالبشرة الغير محمية في خلال 10 دقايق

يبقى الكريم دا لو درجة حمايته 30 يبقى هو هايحمي البشرة 30 مره أزيد يعني هايحصللها احمرار بعد حوالي 300 دقيقه وهكذا

دا تعريف درجة الحماية

والكريم الواقي يتحط كل 3 ساعات
وخصوصا لو فيه عرق او سباحة او مسحتي الكريم بمنديل يبقى لازم يتكرر يتحط

كمان نقطة مهمه وهي:
إن جونا وشمسنا حامية ومحتاجة درجة حماية عالية لأنها ممكن تسبب حروق شمس أو احمرار بالبشرة فبالتالي درجة الحماية الأعلى من 30 مفضلة في جونا يعني 30 أو أكثر

ممكن درجة حماية 30 تستخدم بالشتاء شمس الشتاء هادية

أما شمس الصيف وإن كان الفرق بين درجة حماية 30 و50 و100 بسيط جدا جدا إلا إنه مهم في شمس الصيف ببلادنا العربية

درجة الحماية 30 تعتبر كويسة جدا وبتحمي من 97% من اشعة الشمس

وأكتر من 30 بيعتبر تأثيرها أفضل لكن بنسبة ضئيلة

لكن بيكون مهم جدا درجة حماية 50 او 80 او 100 مثلا لو الشمس حامية زي في المصايف

أو زي شمس الصيف

علشان الكريم يكون قادر إنه يحمي من حروق الشمس أو الاحمرار الناتج من الشمس
كاتب الموضوع : كليوباترا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

نصائح لوقاية البشرة من أشعة الشمس :: تعاليق

لا يوجد حالياً أي تعليق
 

نصائح لوقاية البشرة من أشعة الشمس

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: